العدل " رذاذ من ذهب "

part7

.ּ﷽

 ﴿إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ
يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا ﴾

قرائه ممتعه 🌛📖

متابعه للحساب + تصويت وكومنت حلو مثلكم 🦋

××××××××××××××××××××××××××

من بعد هل حادثه اخذونه بسياره تيبوا حلوكنه وربطوا ايدينه

صعدونه بالسياره اليوره سياراتهم كلها سوده ومضلله
كاعده اليوره وارجف من الخوف ما خليت دعاء ايه قرآنيه ما كلتها بكلبي دموعي عشره عشره واحس كلبي راح يوكف بعدني مريضه كلش ومصخنه وهسه ضغط هل موقف ما اعرف شصار بيَ

صديقه كاعد كبالي وديفور من العصبيه عكس رذاذ الي نزل عليه هدوء فضيع ما نشهد منه شيء غير فقط صدره يصعد وينزل ويَ النفس صافن بالكاع مركز كلش وجهة احمر وعروك كصته ناطات وجهة يخرع مو بقبح شكله بهل وقت بالتحديد كل الي اكدر اكوله ان معاني صارت تخوف من اول ما دخلوا علينه

كعدتنه صايره اني واكو واحد مسلح كاعد بصفي صديق رذاذ كبالي ورذاذ كبال المسلح

السياره سريع دتمشي و اني اعصابي تلفت من الخوف واحس الدنيه دتفتر بيَ طبينه بطسه والسياره انخضت وخضتني وياها شهكت حيل كلهم ارفعوا أنظارهم علي معدتي انخضت والزوعه صارت بحلكي وهم لافي بتيب انتهيت زدت بالبجي رجعنه طبينه بطسه اقوه وصادف وياها لوفه بالسياره مكدرت اسيطر لا اكو حزام امان لا شيء انشمرت بالكاع وانضرب راسي بشي قوي فقدت

فتحت عيوني احس روحي دتطلع من الالم وحرارتي كلش دترتفع بشكل فضيع انتبهت على روحي راسي صاير على شيء صلب ركزت طلعت نايمه على فخذ رذاذ وهو مجتف ونايم منتجي على الحليط الغرفه صغيره وفارغه بيها فقط ضوء ابيض خفيف جاي من جوه الباب

بس حاولت اكوم كبل كعد
فرك وجهة بثنين ايدي شلعه شلع

رذاذ - ها شون صرتي ؟!

جلنار - وين اني ليش جبتوني هنا ؟!

رذاذ - جبناج ؟! عيناي تره احنا هم مخطوفين وياج على الواهس

جلنار - انت كذاب

رذاذ - شنو ولج ؟!

جلنار - طلعني منا طلعني انت الي جبتني لهنا حسبي الله ونعم الوكيل على راسك

رذاذ - انلصمي بابا انلصمي

جلنار - الله ليوفقك لا انت ولا كل الي وياك الله ياخذك يا نذل
من اول يوم التقيت بيك واني كلبي ممرتاحلك وهسه عرفت ليش

رذاذ - هسه يلا عرفتي ليش ؟! لا خاف بعد وكت ؟!

جلنار - اذا صار بيَ شيء حوبتي بركبتك وما ابريك الذمه لا انت ولا الي وياك ليوم الدين الله ياخذ حقي منكم يا مجرمين