العدل " رذاذ من ذهب "

part 9

ּ﷽
﴿إِنَّ اللَّهَ وَمَلَائِكَتَهُ يُصَلُّونَ عَلَى
النَّبِيِّ يا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا ٥٦﴾ 🤍

- " كَأنَكِ قِطعةٌ عتيقةٌ مِن عَقيقة " 🧿 .

- تصويت ⭐ + كومنت حلو مثلكم 💬

قراءة ممتعه ....

••••••••••••••••••••••••••••••••••••••••••••

كاعد كدامي على الكرسي فاتح اغانيه
" خالد الحنين ' امتحنتك ' "
يدخن وصافن بالفضاء
دنيا ليل وبرد واني نايمه بنهايه غرفه جبيره ومتغطيه بجرجف خفيف وملابسي مو ذاك الزود عظامي هاجن عليَ صرت افرك بأديه وانفخ عليهن واحطها على ركباتي موتني من الالم

انتبه عليَ وكام من مكانه يتمشى بهدوء باتجاهي كلبي نسحل من الخوف خاف يسويلي شيء

قرفص كبالي ومد ايده يشيل شعري من وجهي كبل نزيت هو انتبه ورجع سحب ايده اخذ نفس عميق وركز بعيوني بهدوء

رذاذ - تدرين ، ما اعرف ليش بهذلتج وياي هذا البهذال ؟!

صفنت بوجهة شنو ميعرف معقوله خاطفني بدون سبب وين اكو هيج سألته باستغراب

جلنار - شـ شنو يعني

نقل نظراته انحاء وجهي ورخت ملامحه فجأة كان ما سكن بفد مكان

تلعثم كلامه لوهلة وهو يحجي

رذاذ - م ما اعرف

بلع ريك ونفض راسه من الافكار بعد ما رفع عينه اتجاهي عافني وكام رجع بمكانه ضل يحوص دقايق وطلع

بقى فتره ساعه ساعه ونص ورد جاء شايل بيده بطانيه ثخينه ومندر ومخده شمرهن عليه

رذاذ - هاج هذني فرشيهن ونامي عليهن

صفنت بوجهة هذا ميسوي خير لالله لازم وراه مصيبه اجيت ارفض لكن الالم الي صار بعظامي ما سمحلي اخذتهن وفرشتهن كل شيء ما كتله

لحفت اطرافي كلش زين وتلفلفت بالبطانيه ما حسيت على روحي من نمت

كعدت ثاني يوم الصبح صوت عصافير و الغرفه ضاويه من اشعه الشمس اباوع ما هو بالغرفه والباب مفتوح كمت اريد اطلع بعدني ممعتبه الباب واشم ريحه التراب المبلل وصوت سعف النخل يتحرك من الهوة

صارلي هواي مطالعه وم شايفه هيج مناظر غمضت عيوني واخذت نفس عميييييق اداوي بي جروحي فـاضن عيوني لكن سرعان ما مسحتهن

رجعت الوعيي وتذكرت رذاذ ماكو يعني اكدر اشرد
اجيت اعتب برا الباب وسمعت صوته الي يغث جاي من يميني

رذاذ - صح النوم

درت وجهي علي لكيته كاعد يدخن ويشرب جاي كشيت وجهي من شفته مبلل وشعره يقطر مي مبين سابح بس وين ؟!