ּ﷽
﴿إِنَّ اللَّهَ وَمَلَائِكَتَهُ يُصَلُّونَ عَلَى
النَّبِيِّ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا ٥٦﴾ 🤍
- " كَأنَكِ قِطعةٌ عتيقةٌ مِن عَقيقة " 🧿 .
- تصويت ⭐ + كومنت حلو مثلكم بين الفقرات 💬
مشاهَدة ممتعه ....
••••••••••••••••••••••••••••••••••••••••••••
كاعد اخابر الوالده ومندمج بالحديث فجأة ينقطع عليه الاتصال
شفت المتصل * علي * فتحت خط اجاني صوته ملهوف
علي - تعال على السريع
- شكو شصار ؟!
علي - هسه مو وكت استفسار تعال وتفهم
- خوش خوش جاي مسافه الطريق
بدلت اخذت باكيت الجكاير والجداحه ومشيت وكفت تكسي
اول ما وصلت لكيته واكف يخابر بس شافني سده وجهة صاير احمر دم
- شكو شبيك شصار
علي - لكيتها
- كول وعلي
علي - وحق هو علي لكيتها تحدد موقعها
- ايي يا الله صارلنا شهرين ندور عليها بس شون تحدد موقعها وينها هسه ؟!
طلع مبايله وراني خارطه بمنطقه من الصدمه ضحكت
- خويه صدك تحجي هسه شباقي بيها
علي - شنو قصدك ؟!
- لا تغشم نفسك تدري كلش زين شنو اقصد
علي - عماد اذا متسده لحلكك تعرف شون اسده
زمخ حيل متعصب من كلامي دفعني من جتفي وعبرني بركان
مجذبت لان فعلاً بنيه وبها المنطقه وتبقى سليمه وبيها النفس مستحيله
عماد - يمعود وين غير نروح
علي - ***** متولي وياي ارجع لاهلك هسه ادز على غيرك وجهك ما اريد اشوفه
عماد - خايب شو انت كلش صاير متخبل ارجع لاهلي شنو ؟!
دار عليَ خزرني حيل كوه متحمل روحه عافني وصعد سيارته جاء يحرك ركضت صعدت ويا كام يفشر يريدني انزل ما قبلت بعد مشاده كلاميه حرك السياره وصلنه للمكان بعد ما اتفقنا على خطه ورتبنه الامور
نزلنه من السياره صفيناها بعيد المكان وحشه ومتروس زلم من وجوهم مبينين عصابه شكولهم ما بيها نور محمد
اندسينه بينهم فترة يومين احنا نحاول وبدون لحد يحس لملوم ومحد يعرف الثاني لذلك بسرعه اندمجنه وياهم
علي بعد فترة عرف مكان البنيه وين بعد محادثه ويَ واحد من الحراس افتهم انو البنيه متواجدة هي واثنين زلم وياها بالغرفه مخطوفين ثلاثتهم
أنت تقرأ
العدل " رذاذ من ذهب "
Randomجسد ضخم مهيب بحله سوداء ونفس شامخه تستقر على كتفي العهد حياة العذاب للاسد الجريح تزيد رونق لدغات جروحه شده وقوه ، يدين كـ سلاح ابا ان يعتزل الشده يتلذذ بتذوق رونقها اسد كاسح ذا قلب صلد كالحديد داعبته تيجان زهره الرمان المخمليه ذات اللون الجذاب المر...
