العدل " رذاذ من ذهب "

part 4

ּ﷽

﴿إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ
يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا ﴾

تفاعلكم بين الفقرات عُمري والتصويت لا تنسون 💯

قرائه ممتعه 🪞📖

××××××××××××××××××××××××××

رحت غسلت وجهي ونزلت جوه اشوف شكو ماكو صارلي تقريباً نص يوم منازله

على الدرج واسمع صوت عياط قوي جاي من المطبخ نزلت الدرج سويته خطوتين ادخل

واشوف جاد ابن سماهر بيده قوري الچاي حار وديصبه على آيلا ركضت علي شلت القوري منه وكفخته على راسه

- لك مطيييي ، وللللچ سماهررررر سمااااهررر يمااااا الحگووو

شلت آيلا من الگاع تون بسكوت هدت حيلي تخبلت عليها
هل بنيه هواي يأذوها ضميتها الصدري اهدي بيها

- اششش يروحي اششش على كيفچ ، ولچ سماااهرررر

اجتني تتمختر وبيدها المميه مال بتها الصغيره

- ايي خبصتينه شبيچ

- لچ هذا ابنچ حركها لبتج  !!

- شو وخري خل اشوف

جرتها مني وكشفت ايدها صارت تخوف ويَّ جرتها البنيه شهگت حيل شاطت روحها

- ايي مبيها شيء هسه تغسلها تصير زينه

جرتها من اذنها ونترت من بين سنونها

- اكييد مسويتلها شيء وهيچ حركها

استنكرت رده فعلها شون انقلبت على البنيه

- لچ مسويتلها شيء شنو غير طفله ، وبعدين هذا الهامج و البنيه حتركت ايدها

- تستاهل حتى لا تتوكح مره لاخ

سحبتها ورفعت ايدها اجت تضربها دفرت ايدها وجريت الطفله بحضني وصحت منفعله بيها بعلو صوتي

- هاااااي من كلللللل عقلچچچ

طلعت امي من الحمام على اثر اصواتنا چانت تسبح شعرها يقطر مي ولابسه الدشداشه مالتها بالمكلوبي

- ولچن شبيچن شكوووو

- امي هذا الـزمال حفيدچ حرك ايد اخته وهاي بتچ تريد تكمل عليها صدك تحچون ماكو بكلبكممم رحمه بعد الله شيسوي بينه

حاضنتها للطفله تخبلت عليها وفكري كله على وحشيه امها الي هي اختي الجبيره الي المفروض تصير قدوه الي تعلمني الحنيه والتربيه الصحيحه بس الي شفته اليوم جان العكس تماماً وغير عن توقعاتي

كابلت ايلا امسح دموعها وابجي على بجيها صرنه ثنينه نبچي ونشهگ امي جرت سماهر وخرتها وكعدت بالكاع شافت ايد آيلا تخبلت دگت صدرها وصاحت