علاقات زائفة

البارت الثالث والسبعون 73

صميم يكول

يجِي يوم ويلِمنآ درُب 

و نرجع مثل مآ چنه 

بنان تكول

مآبيه ولآ بية💔

اصافح مـن جِديد چفوف

بآ؏َـت واشتِرت بية .

حسن يكول

سره حادي ضعنهم بس متانه

وعكبهم غفله راحت بسمتانه

العمر تانيته كله... بس متانه

لما بان الكبر والشيب...... بيه

___________

ثاني يوم بلشنه تخطيط اني وحسن انطلقنه شي نحلم شي نخطط هواي اشياء ابالنه ، قررنه نكعد بيت عمي وناخذ الطابق الفوك بيه غرفتين طلعنه اني وياه رحنه اشترينه صبغ حتى نصبغ الفوك ، راد يطلع عمال واني مقبلت كتله بيدنه احسن وعلى الواهس ، اشترينه كل المستلزمات ورحنه لبيت عمو ، عمه جنان وجها ميكصه السيف بس عمو فرحان بينه كلش ، صعدنه الغراض فوك وكتله ..

بنان : حسوني راح اروح اشوف البنات والبس تراكسود واجي.

حسن : اي حرامات ملابسج تندمر..

بنان : انت هم بدل.

حسن : ماشي..

رجعت لبيتنه لكيت ايات يم ماما وبنان تلعب ويه جهال اخواني ،، ماما سألتني شنو سويتو سولفت الها وصعدت بدلت وصيتها على البنات ورجعت لبيت عمي ..لكيته يفرغ بغرفه روند..

بنان : اساعدك..

حسن : لا ضهرج اني اطلعهن..

بنان : شنو السالفه قابل ممشتغله قبل.

حسن : شغل وحد وشيل الغراض وحد ، وخري بنان.

بنان : ليش تصيح.

حسن : مو تعاندين شغله كتلج لتسويها كولي اي..

بنان : هههه هلو حسوني هم عندك فيوزات..

حسن : الله ليشوفج اذا طبكن ..

بنان : هههههه الله يستر...

كام يسحب بالغراض واني كعدت بالكاع على جهة ، وره نص ساعه كمل نقل الغراض واجه فرغ الصبغ بسطله وخبطه..

بنان : وين وديت غراض روند .

حسن : بالمخزن..

بنان : ها 

حسن : ذاك النايلون فرشيه بالكاع علمود اثبته..

بنان : عليمن نايلون.

حسن : مو يلزك الصبغ بالكاشي وتعاي جلفي بيج حيل.

بنان : لا والله مابيه

حسن : لعد اشتغلي وسكتي.

بنان : حسوني انت تحب البنات لو الولد...