علاقات زائفة

البارت الستون 60

 (حبيبتي التي وضعتُ بعد اسمها علامات استفهام ؟؟

اليوم اعيش سعادتي مع من كتب الله لها ان تكون من نصيبي رزقني حبآ وعمرآ جميلآ معها وشرفآ انيقآ وثقه بها طيلة العمر ، احببتها واصبح حبي بها تعلقآ من بعده ادمان ، هل رأيتم يوما مدمنآ يتعافى ، هكذا انا في حبها مدمن لم اتعافى ولا اريد ان اتعافى ، بفضل الله حلت علينا ضيفة جديده نورت ربيع حياتنا وازهرت ايامنا ،ابنتي ايات ، الشكر لله دائما وابدآ لأني حصدتُ ثمرتين رائعتين من أم رائعة شغوفه بالحياه مجنونة ومزاجية ، احبك يا مزاجية، دمتي لي عمرآ وعافية واحمد الله على سلامتك وسلامه ابنتنا )

الكاتب صميم موسى قحطان ..

ضحكت و طبكت الجريدة والتفتت لزينه .

بنان : هاي انتي بالج وياه دعوفيه شنو يكتب شنو يعبر بيش غاثج .

زينه : والله مغاثني اني ردت امسح الجام قريته عجبني المقال وكلت اشوفه الج من اجي خوش يتحمدلج بالسلامه هههه طريقته حلوة .

بنان : هذا صميم غريب الاطوار اذا فرح عبر عن مشاعره بمقال واذا حزن واذا زعل يخلي مشاعره كلها بالكتابه .

زينه : وبالحقيقه يعبر هيج لو لا ..

بنان : عنده طريقه يعبر عن حبه بيها هههههه..

زينه : ممممم عرفت .

بنان : اي قليل يحجي مرات يحب يشعر يمي بس قليل ويعبر بالفعل اكثر شي ..

زينه : ههههه اكلج شو بديت احبه لصميم وشويه غيرت رأيي بيه ..

بنان : اي الحمدلله..

زينه : اسألج سؤال بس جاوبيني بصراحه ..

بنان : سألي ..

زينه : عندج ثقه بيه .

بنان : تردين الصدك .

زينه : طبعا ..

بنان : لا 

زينه : توقعت ..

بنان : الثقه من تهتز مره هاهيه اعتبريها ماتت ..

زينه : هم صدك ، الله يبعد عنج مشتتات البال ولتفكرين بغير امور .

بنان : لا ما افكر بس انتي سألتي واني جاوبتج .

زينه : اي صح ، هسه متجين ويانه سيف منتظرني جوة..

بنان : شفتي عمتي شكالت ، اذا طلعت هسه تزعل ..

زينه : اذا اجيتي اسبوع مراح يأثر عليهم شي يعني انتي تعبانه مابيها شي اذا ارتاحيتي يمنه .

بنان : صميم ضاج وامه هم ، خليني هيج احسن .

زينه : لعد لتبجين بعد وتنوحين علينه بتوالي الليل وتعالو اخذوني من الصبح ومن نجي تغيرين رأييج .

بنان : لا ان شاءالله اتحمل ههههه صميم وعدني هو يسهر ويايه واخذ اجازة يومين وتلحكها جمعه وسبت يعني اربع ايام بلكت ارتاح شويه .