علاقات زائفة

البارت التاسع والاربعون 49

جميع العلاقات لها قانون واحد

‏لا تجعل من تحب او صديقك يشعر بالوحدة، خصوصاً عندما تكون موجوداً.

_

ما تعتقد انه لن يقتلك غالبا هو الذي ينهيك..

كل شيء في السابق جميل بالنسبه اليك ، اصبح الان

انفاسك الاخيرة ، القرار لك ، اما ان تشفى ، او تلفظ اخر نفس وتزهق روحك ...

لا تسمح لفكرك وقلبك بقتلك ، في اغلب الاحيان الحب جميل ، ولكن في بعضها الاخر قاتل ...

لاتكن اعمى ساذجآ وتدارك الامور مسرعآ ...

كيف يمكنك ان تكون بهذه السذاجة ،

كن حذرآ خذ لحظة تأمل وفكر جيدآ قبل ان تدخل

السم الى قلبك ....

______________

روند

شفت سيارته شهكت من الخوف ، بسرعه باوعلي جراح بالمرايا اشرلي براسه وبجف ايده وحجه ..

جراح : خير اكو شي ...

روند : سيارة قسور ..

جراح : والله بيانو زلمه معدل ، اذا شفتي سيارتو هالكثر خفتي منو ، عجل لو شفتي شتسوين ..

روند : والحمزة انجلط ..

جراح : عوفي الحمزة بمجانو وحاجيني يول شمفينه وخايفه ..

روند : عزه مفينه شنو ؟؟؟

مسرة: قصده شمسويه بلوه .

روند : ها والله ممسويه شي اعتقد علمود روحتي ضايج ...

جراح : امشينه ننزل ونشوف بلكت اكون طرف ثالث بينكم ونحلها ، في حاله انتي وياه ماتفاهمتو ..

روند : لا ما اريد ادوخك ويايه..

جراح : نزلي يول ...

نزلت وهمه هم نزلو ..وصلنه للبيت اريد ادك الباب واخاف ، نتر بيه جراح ..

جراح : يول دكي الباب ، من هسا تتراجفين لو شفتيه شتسوين ، خلج كدها ...

صفنت عليه يحجي بحديه وحركه كلب كأنما اخته او بنته وخايف عليها ويعلمها ..

مديت ايدي للجرص دكيته اباوع ايدي ترجف ..

اول مرة انحط بموقف جدي بحياتي ، اني حياتي كلها ضحك وشقة ولبس وصديقات لهذا كاعد ارجف خوف ..

طلعت ماما فتحت الباب والوجه مكلوب ، ساكته تباوعلي بخزرة ، بادر جراح بكسر هذا التوتر .

جراح : حجيه خطارج من الانبار نظل هين بالباب لو تعزبينه ..

التفتت عليه، يحجي مبتسم ، حسيت بطريقة كلامه سحب التوتر مال ماما كله وشمره على صفحه ..