علاقات زائفة

البارت الثامن والسبعون 78

أنا لست امرأة،، أنا بقايا امرأة،،! سأخبرك كيف هذا،، فأنا في كل مرحلة من حياتي معك كان يضيع مني جزء، تستهلكني مواقفك والاحداث ،اضعت جزء عندما احببتك ، واضعت جزء عندما وثقت بك ، واضعت جزء عندما سامحتك ، واضعت جزء عندما عدت اليك ، واضعت اجزاء عندما جعلتك أب ،،،

والأن فقدت جميع اجزائي عندما اردت العيش ومنعتني،،، بسببك اصبحت انسانة منتهية الصلاحية لا تصلح للعيش ابدا ، البقايا مني فقط من هذه السنين والمواقف ، اجزاء لاتذكر من شخصي الاساسي..

أفهمت ياسيدي، انا لست إلا بقايا إمرأة كسرتها وشوهت دواخلها ....

__________________

بنان

جنت كاعده يم روند وحايره شنو اسويلها تتألم وتبجي ، مكابليها اني وجراح وهو هم حاير مثلي وازيد بعد ، اندكت الباب فاتت حنى كالت بنان صميم يريدج ...

بنان : جيت..

كمت طلعت بره شقتهم وسألت حنى..

بنان : وينه صميم وشنو يريد ما كلج..

حنى : لا مكال فد عصبي كلش وكاعد بغرفتج منتظرج..

بنان : تمام عاشت ايدج ..

رحت لغرفتي لكيته داير ضهره ، دخلت وكتله 

بنان : هااا داز عليه...

بدون ما يحجي التفت عليه وركع موبايلي بالكاع فلشه تفلش راح للباب سده برجله حيل ، واجه لزمني من شعري بدون ما اعرف شكو وشنو السالفه بس الراشديات تحجي تخبل عبالك مو هو اول مره اشوفه بهيج حال ، يضرب ويرجف ...

لزمني من شعري ولفه على ايده ، تمنيت كاصته كل ما يطول شويه ونتعارك يلزم شعري هيج بحيث كرهت شعري من وراه ...

صميم : انه شكثر شايف كح******* شوارع وملاهي فد ما شايف كح******* بيت مثلج لج انتي شنو ، اعجز عن الكلام شحجي شكول بت الكلب دنعل ابوج لابو تربيتج ، ومحمد لو موجود مامسافر لا اخلي طلقه براسو وراسج..

بنان : موتني وخلصني علواه انت رجال وكدها موتني اني اريد اخلص صدكني الموت عليه ارحم من شوفه وجهك ..

رجع ضربني راشدي ..

صميم : تموتين وتندفنين هين عبالج اطلكج من تسوين هيج لا والله ما حزرتي الضاهر بعدج ماعرفتي منو صميم وشنو يكدر يسوي والله لا ابجيج دم حت با احلامج تشوفيني ، وحت صلات ماتصلين بعد ، عليمن مصليه وتدعين لواحد غير زوجج بنت الكلب..

جراح دك الباب وصاح شكو صميم شصاير..

راح قفل الباب وكله ماكو شي..

جراح : شلون ماكو شي وصياحك ماخذ الدنيا وهذا ابوك تخبل ميكدر يصعدلك..

صميم : كلت ماكوووووووو شي شلووون اهج من البيت حسره عليه أأدب زوجتي اذا ما تدخلتو..