علاقات زائفة

البارت السابع والسبعون 77

اليوم الذي فقدت فيه نفسي

..لاعـمـر راح يـعـود لاتـرجـع - ايـام

حسبت وكت ونصير صوره بطن - جام

يهزك شوك لو كلبك تناساني

_______

من كنت قبل ان يخونوك؟

من كنت قبل ان يكسروك؟

من كنت قبل ان يؤذوك؟

كنت ضحكة طفل ، بسمة بثغر ، كنت شخص صعب الكسر..

من انا وكيف وصلت الى هذا الحال ، كيف كنت قبل هذه الاحداث تغيرت نعم تغيرت ، اين شخصي القديم الذي اعتاد الوثوق بالجميع ، اين قلبي الذي انكسر ، اين نفسي التي تشتت، مرت الايام وفقدت نفسي شيئا فيشئاً ، مررت ب احداث مأساوية جعلتني انسى البهجة والسعاده ، انا اليوم من بعد الظلم الذي عشته ومن بعد الغدر والمرار شيدتُ جدارآ عالي الاسوار امام نفسي ، وجعلت مسافات كبيرة بيني وبين البشر ، اختفت ابتسامتي الجميلة ، وتغيرت روحي الطفولية وشاخت نفسي فجأة،،،، تغيرت نحو الاسوء وصرت اطارد اشباح الماضي ..وهيه تطاردني ..

_______________

بنان

مرت ٣ اشهر على رجعتي لصميم وبهاي الفتره لا راسلت حسن ولا عرفت اخباره ،،،،

تعبت كلش هملت نفسي وبناتي وكاعد احترك تعبت كل مره انكسر هو يقويني هو يسندني ، هسه اريد احجي وياه حتى لو نرجع مثل قبل ، شلون ارجع علاقتي بيه ويرجع ينصحني ، مستحيل ترجع ذيج العلاقه البريئة ، حسن هلمرة كسرته جبيرة ،،دمرته ودمرت نفسي ، لزمت موبايلي سويت فيس جديد لان حاضرني من كل البرامج ، كلت ادزله رساله احجي اللي بكلبي وامسح الفيس...

ضليت اعصر بدماغي اريد اكتب وافرغ اللي بكلبي كله اعرف راح يتأذة بس مو بكد اذيتي هسه..

كتبت

💬

ها حسوني بعد ماكو حسن اللي يسند بنان ويدليها على الصح ويكللها هذا غلط وهيج سوي ولتسوين هيج ... اني فقدت صداقتك لو ادري هيج جان ما حبيتك ولا تقربت منك لهذا الحد، واني اعرف انت مو الي ، 

جنت اخاف اتعلق بيك اخاف لا بيوم اخسر صداقتك وللأسف اجه اليوم اللي  تعلقت بيك وخسرتك ،

حسوني كاعد اشتاقلك هواي ، وحنيت لأيامنه هوواي حنيت ،

هذا الحنين كاعد يأذيني و يخنكني ليش حبيتك كلي ليشششش ،

بس هذا كلبي حبك بسبب حنيتك عليه وطيبتك ويه بناتي ،

ما جنت اعرف بيوم راح تصير انت الألم اللي يضرب كلبي ويمرضني اي اني تمرضت وادعو من الله ميشفيني وما اعيش بعد ، 

اخر شي اكلك وامسح الفيس سويته جديد واعرف راح تحضرني مجرد ما تقره المسج ،

راح اكتفي بيك حلم لان واقعك مو الي ،