علاقات زائفة

البارت السادس والثمانون ( الأخير )

بين الحنين والعتاب

حضن وقبلة 

تمسح عن القلب غبار الغياب 

العودة من جديد

كم من أمنيات عشناها

فصارت ذكريات

ذكريات تثير شجون المحبين

ف للقلب معها خفقات

وللدمع فيها دفقات

وفي الصدر منها لهيب وزفرات.

___________

روند

اليوم اول يوم دوام بوظيفتي الجديدة ، بدلت وتأنقت كأنما ولدت من جديد ، مجرد احساس المرأة بالاستقلالية هذا بحد ذاته انجاز ..

اخذت جنطتي وسويج السيارة و رحت لغرفه ماما كعدتها حتى تخلي بالها على لارين...

روند : ماما حبيبتي ماما عيوني ..

جنان : ها امي صباح الخير.

روند : صباحج سعاده ياروح روند.

جنان : ها راح تروحين.. 

تحجي والنعاس بصوتها وعيونها...

روند : اي والله بس لارين عفتهة نايمه فدوه عينج عليها خاف تتقيء لان رضعتها قبل ساعه..

جنان : هسه اروح انام يمها ديري بالج حبيبه وخاف يجيج جراح للدوام لتنطيه مجال ابد ، هسه اكيد يعرف انتي داومتي..

روند : ماما جراح صفحة وطواها الزمن لتخلين ابالج..

جنان : اي عفيه شو شحلاتج يمي وبنتج بحضنج وابنج كل اسبوع يمج لا كالت مسرة ولا حجت زها ولا زعل جراح..

روند : ههههه اروح فدوه للشايله همي ..

جنان : عمتج اسماء من تزوجت بنان على طول تكلي حجايه وما جنت اصدكها اله جربت ، تكول ام حسن هم البنات للممات بعدج ما مجربه الهم الصدك زوجي روند وبعدين نتفاهم ، وهسه كل ما اشوفها اذكرها بالمثل مالتها..

روند : ماما قسمتي هيج والحمدلله على كل حال ، يلا عيوني ما اريد اتأخر من اول يوم..

جنان : الله وياج درب السلامه لا تسوقين بخبال روند..

روند : لا بطلت والله..

جنان : مو هاي جديده سيارتج واسرع من ذيج.

روند : ماما ليضل بالج ، يلا رايحه اني مع السلامه.

جنان : الله وياج..

طلعت وسديت باب البيت ، واشوف كدامي الشخص اللي اخذ كلبي وسرقه مني ، اللي من اشوفه لو اسمع صوته لو ينجاب طاريه كدامي جسمي كله يرجف حب ولهفة وشوق ...

حيل صار سنتين ضبط اني ماحاجية وياه ولا سامعه صوته غير المره اللي شفته بيها من الشباك