عشق عصام ( متوقفه)

الحلقة 1

هلوووو كبيداتي ليوما غادي نبدا معاكم اروع قصة غادي تقراوها وغادي تعجبكم مليون بالمية ايوا متنساونيش الا عجباتكم الحلقة ديرولي واحد نجمة وواحد تعليق يكون حلو بحالكم
يالا على بركة الله
_____________________________________

صبح صباح جديد وليوما لحد معروف مكين حد
كلشي ناعس ومييتين كثر من الحيين نمشيو لذيك دار لي ماليها كل واحد وفين مليوح واحد في شرق واحد في الغرب الا واحد المرا في الكوزينة كطيب الفطور وباينة عليها زين والتباتة وخة كبيرة في العمر مشا زين وبقا حروفوا وداك لوشام لي تحت فمها مزادها غير وقار على وقار حانيا عينيها الخضرين في ذاك بلاطو ديال اتاي وباينة فيها البشاشة طلعات يديها كتقاد في زيف حياتي لي مكيخطا تاشي دار الا لي خاطياه العيالات فهاديك اصلا ماشي دار
قادات بعدا شعرها القصير كيوصل حد كتافها وزعر زعر بحال ديال الاجنبيات غير هاذا مسبسب وفيه لمعة ديال الزيت صايبات زيف لي كان في الكحل مواتي مع عينيها المكحلين ومع وجها مدور بحال قمرة عطاها واحد الرونق ياسلام لابسة واحد البيجامة طويلة في لون الباج كتمشى بالتاويل لصالون ومع هي طايتها عريضة ديال العيالات المغربيات ديال بصح كلشي عندها فن وكتبان انسانة حنونة
غير كدخل للصالون وكتلقا بناتها كل وحدة وفين مليوحة فجيه 3 هما لي عطاهم ليها الله مع واحد لوليد عندها في الخارج مجاش هادي 10 سنين وفيما تفكرو تبدا تبكي كبدتها وشنو دير
كانو جوج بناتها ناعسين في لارض معانقين باين ناقصين حنان مساكن حطات صينيتها في طبلة  لي كانت كاحزة لطرف وهزات صندالتها بدون تفكير وبدات بداك جوجات نيت
هما فاقو مخلوعين وناضوا كيتسابقو لطواليط اما ثالثة في خبر كان نطلو عليها نشوفوها كيدايرة كانت ناعسة في امان الله مغطية كلها مكيبان منها غير وجهها وحتى هو مغطي بشعرها يعني كملات بحال المكفنة حنات عندها ماماها بحنان وعلاش لا وهي بنتها الصغيرة اخر العنقود حيدات ليها شعرها من على ووجها وكتبانلينا بنت في قمة الجمال البراءة كتشقق من وجهها المدور ناصع البياض بيضة بزاف حنيكاتها حومر كي دم بالنعاس وحجبانها كوحل مطراسيين من عند الله نويف منقاد وفيم حميمر منفوخ وفوقو خالة زادتو جمال على جمال نطقات لالة جميلة الام ديال الكتيكيتة ديالنا بلا شك عرفتوها بطلتنا "عشق عشق نوضي ابنيتي تفطري نوضي راه غادي تعطلي على المدرسة"
جاوباتها عشق بكل برائة
"ماما صباح الخير " هكا ردات عليها وهي كتمسح عويناتها باقي فيها نعاس فتحاتهم فيها وعاد اجي نفسرليكم كيدايرين عينيها لونهم غريب بزاااف وكيجذب الانتباه زرق مخلط بالخضر بالرمادي وخطوطة بالصفر اغرب لون تقدر تشوفوا عطا واحد الفتنة لاتوصف زيد عليها داك لمعة لي فيهم ويلي ويلي ورموشها لكثافين كيغطيو داك لعوينات كوحل وعينيها جاو ناعسين ابطلتنا بوقوسة معندنا مانقولو فيها مها داخت من كمية ديال الكياتة لي فهاد البنت تبسمت بلطف ومدات يديها تجاه حنيكات عشق ملسات عليهم ودوات " فيقي يال الغزالة يابلارة هاد دار سعداتي بيك واش بغيتي تغيبي على اول نهار عندك في المدرسة هااا ادوي " شافت فيها عشق وعينيها كيلمعو ناضت كتجري حيتاش تفكرات ليوما مهم ليوما هو اول يوم ليها واخر عام ليها ولي هو الباك ايوا تبارك الله عشق عندها16 العام في عمر زهور من نهار تزادت وهي في رعاية ديال جدتها هي لي سماتها هاذ السمية حتى وصلات 10 سنين ورجعات عند والديها بعدما توفات جداتها الله يرحمها كانت وصيتها هي عشق مخصروش ليها خاطرها ولو غرام واحد هي بنت حساسة وبزاف بريئة الى حد السداجة باقة مقالت بسم الله في الحياة ولي تقالت تيقها عاشت في رفاهية ومعمرها سمعات كلمة لا وبالمقابل عمرها مقالت لا وحيتاش والديها معاشوش معاها بزااف مقطرا ليهم من عينهم خصوصا باها ليحلات عليها فمها تلقاها عندها جوج خواتات بحال صحابتها مريم وهبة وصراحة هبة مسيميمة شوية حيتاش هي الوسطانية وكانت عايشة في دلال قبل ماتجي عشق ولكن وخة هكاك عزيزة عليها بزاااف ست سنين خلات كلشي يحماق عليها ويموت نرجعو لبطالتنا
دخلات دوشات وخرجات لباسات الرداء ديال الصلاة صلاة جوج ركعات ديال الشكر وتوكلت على الله لبسات كسيوة طويلة لحتى رجلين لتحت موردة بالزرق وكاملة بيضة جات مطراسية على لطاي ديالها حوتة غير هي غليوظة شوية وعندها المناطق الانثوية بإفراط كتهبل تخليك كتسطا غير بوحدك جمعات شعرها طويل لكحل ذيل حصان دارت الحلاقات صيغيورين بحالها وخة هي طويلة فيها 170 تقريبا لبسات صبيبيط ديالها وخلات وجهها طبيعي مادارت فيه والو من غير ليلونتي لي فلكحل هما ديال نظر وفنفس لوقت كتخبي عينيها القتالين ومع ذلك جات كتفتن بالزين تعيا متلبس في المستور يبان واعر عليها خرجات من بيتها وهي تلاقا مع مريم كتهرنن على جميلة قالك حكا حيتاش هي كتوحم فيها جوع وباغا شكلاط مخلط مع الفواكه كطلب المستحيل وجميلة كتقوليها واخة
مريم اخت بطلتنا في عمرها 26 عام هي الاخت لي من بعد الاخ الكبير عاد جات هبة من وراهم مزوجة وزوج ديالها في فرنسا كيصايب ليها الوراق باش تلحق عليه زينة ودات زين من مها زعرة وعينيها خوضر ريقيوقة ومع كريشة لي خارجة جات فنة عندها زينها الخاص وملحوظ
هدرات عشق وهي كتلحس فشنايفها وتعض فيهم " ماما واش ضبصح غادي ديرهم لينا "
ردات عليها جميلة كضحك عليهم مساكن " اه نشاءالله نهار نلقا طريقة نديرها ليكم ودبا عندي ليكم واحد زلافة ديال الفواكه الجافة عامرة لوز كولها وتفكروني" غير سالات هضرتها وهي تهز صندالتها عاوتاني ناوية على خزيت ضارت مريم كتقلب على عشق لقاتها فرتحات كان هنا ورجعات ضارت عند جميلة كتستعطفها " مغاضربينيش ياك انا حاملة ليك بحفيدك وزايدون انا غير كنضحك غير بغيت نجربك وصافي" ضحات بتوتر وهي كتساين شنو غادي دير ليها مها وهما يسمعو صوت الحاج عبدلله لي جلس فوق طابلة هو وبنيتاتو بجوج وبصوتو لمدعدع يالاه فايق من نعاس " لالة جميلة صباح لخير " اجيو تشوفو لالاكم جميلة كيولات مزنقة بتاسمات إبتسامة خفيفة طيحات صندالة من يدها وهدرات بصوتها الناعم نسات دنيا كاملة وكل مايجي منها" نعام اسيدي الحاج صباح النور والتيسير صباح الخير والخمير صباح الورد والياسمين ..." قطعاتها مريم وهي ضاحكة " صباح الكرموس لبلدي وزعتر ذهبي صباح زينك يانون كحل العيون صباح الفول والفلفول ابابا العزيز " كلشي ضحك من هضرتها ومن الخطاب السردي ديال جميلة لي كتقولو ديما لراجلها لعزيز علاش لا وهما كيموتو على بعضياتهم من صغر ولاد لعم ضحكات بطلتنا حتى بانو غمازاتها لي محفورين بإتقان في وجهها وهي تهضر" شتي ابابا ماما عمرها متنسا هاد الخطاب حتى حفضاتو لينا وحنى غادي نحفضوه لولادنا " شفاف فيه الحاج بإبتسامة وهو يهظر " حتى نخليكم تزوجو نتي وهبة هنا تبقاو معندكم فين تمشيو اصغيورات ديالي حتى الخدمة وموحاش نخليكم تخدمو ديو لباك وجلسو معززين مكرمين في دار باكم حتى نموت وديرو لي بغيتو" تغرغرو بدموع وهي تهضر وشنافتها مدلية بحال شي طفلة صغيرة" بغيتي تخليني ياك ضغيا صخيتي بيا انا وهبة " هو قرب ليها وعنقها طبطب عليها وشاف في عينيها وقاليها بجدية" الوت علينا حق الغزالة ديالي ولكن نشاءالله يطول لي ربي فالعمر مغانمشي حتى نرتاح عليكم" هكا من بعد هاد الهضرة هبة شافت في عشق بغيرة ولكن سرعان ما بدلات نظرتها وعاشت معاهم اللحظة وبقاو كيضحكو كاملين في جو عائلي بإمتياز هزات عشق وهبة شكايرهم وخرجو من دار كل وحدة مشاة من طريق حيتاش هبة في لفاك كتقرى القانون ولوخرا للثانوية المهم وصلات عشق للمدرسة ودخلات ليها كلشي نجاذب ليها اول مرة يشوفو بحال هاذ زين البلدي فتناتهم كاملين ودازت كتعوج بعفوية دخلات لقيسمها ودورات عينيها عليه كانوا غير 10 ديال التلاميذ 3 منهم كتعرفهم قراو معاها العام ليفات و6 الباقيين بنات ودراري مكتعرفهمش جلسات مع لي كتعرفهم كانو بنات وحيتاش هي اجتماعية تعرفات على الباقي كانو ظريفيين معاها وحتى بالمقابل كانت كثر تعرفات على واحد بنت سميتها فاطمة وولات كتعيط ليها فاتي جاتهم سميتها غريب ولكن قلبها بيض حتى جالاستاذ هي علوم فيزيائية ومن ذاك النوع لي عندو مع الماط والفيزيك والعلوم اما المواد العلمية فذاكشي لي قدات عليه كاديرو ومع هي كان كيبغيها كلشي العام لي فات فيما تخصها شي حاجة في نقيل هي لولة ههههه كترزق على راسها هكا كتكون لولة على مستوى القسم ديما