عشق عصام ( متوقفه)

الحلقة 21

.
.
.
.
.
.
.
.
.
.
.
.
.
.

صرفقات يدو بشوية محيدها من شعرها ونايضة مبعدا عليه :
عفاك متقيسنيش خطيبي مغايعجبوش لحال !!

ضحك بجهد القهقهة ديالو تسمعات حتى لمنال ومحمد لي في برا ناض عندها شادها من كتافها  بقوة
:نتي ديالي بوحدي وعمرك غاتكون ديال شي حد نتي مكتبة ليا سميتك عمرها تكتب حدا شي سمية من غير ديالي

نتي ديال عصام اليازيري
دفعاتو بجهد ومع ذلك مطلقش منها شافت فيه بحقد وعينيها فيهم بريق ديال التمرد  :
غير حلم بيا عمرك تلقاني

ولكن للاسف هادشي مشافوش تبسم بجنون وقرب ليها كيتنفس نفس النفس ديالها :
اه مزيان معنديش مشكل نحلم بيك ومنين غانلقاك عمرني نطلقك كيف طلقتك المرة الأولى واعدتني أعشق وعدتني وخلفتي بالوعد ديالك

كمل الهضرة ديالو مع تحل الباب كيدخل أناس مدرم
حتى كيوقف يشوف داك المنظر

جا جر عشق من الحظن ديال عصام لي
حس بالفراغ داك دفئ لي حس بيه ولو كان غير ل5 ثواني تمناه لو يدوم

زير على يديه ناوي على خزيت

أناس : حبيبة شكون هذا ؟؟

عشق كتشوف في عصام معرفتش علاش مبغاتوش يقول حبيبة قدامو معرفتش علاش حسات  بالحزن منين فارقات الحضن ديالو

تبسمات وتنسات وضارت باستو في حنكو بوسة مسموعة :
غير صديق قديم شحال هاذي مشفنا بعضياتنا

وهي كتهضر وهي مركزة شوفه فيه وجايها البكية معرفاتش راسها حتى ولات كتشوف فيه بحنان وعطف  شافو غير أناس لي زير على يدها بدورو وخنزر فيه
همسات بألم :
أناس راه كتقصحني

رد عليها وهو كيشوف في عصام بتحدي:
هبطي عينيك ولا غانضرب مك

تبسمات بغضب وفي بالها كلمة ديال  تيقتي راسك  : شناهوا ؟ عاود شنو قلتي
ضارت عندو نافضة يدها من يدو وبغرور قالت :
سير حتى تقاد فمك عاد أجي هضر معايا ودبا خرجو عليا بجوج من هنا

أناس تبسم بأعصاب أعدا حاجة عندو في عشق هي ردان الهضرة ومع ذلك عفط على راسو :
حتى لمن بعد ونهضرو

خرج عصام من ورا اناس بسلاسة وهي جلسات كتنهد فبيروها

ندوزو للخارج قبل مايوقع هادشي و بعدما خلاو عصام مع عشق لي سخفانة

منال بغضب وابتسامة مستفزه :

ايوا علاش راجع نتا وصاحبك