جيت وجبت ليكم الجديد✊✊
كيفاش لا وهاد القصة فيها احداث لي مكيتنساوش✨✨✨ باقيين في ميكتهم غير سمية تبينليك لبلان 👽👽👽
القصة نار فلاكغار فيها💥💥💥 كل مكتمناو
الغيرة 🌝🌝الحب❤️❤️ العشق😻😻 الهوس👹👹 المرض😹😹 القتيلة 🏋️🏋️🏋️شعبية🤺🤺كلام الخاسر 🤬�...
عارفة راسي تعطلت وهاذ الفصل شحال وانا خدامة عليه باشي يعجبكم وهاذ القصة عندي كل تأكيد ان الاحداث ديالها جدادين ومع الفصول غادي تعرفوني علاش قلت هكا 😎 وانا ماشي من النوع لي كيطول في احداث القصة ووخة هكاك غادي تعيشو معاها بلحضة بلحضة غادي يطورو ومعاها غادي تكبرو
قراو هادشي للفوق راه مهم 😘 ونبداو حبيباتي ______________________________________
دخلات المدرسة هي وداك الولد وعصام قرر انه يتفرج يشوفها شنو غادي تصنع تبعهم بهدوء وصحابو محاوطينو وعاطيها لمحاجيا ولكن عينيه غير على عشق متزعزعوش وهي عايقة بيه غادة وكتفرنس غير بوحدها ودري لي حداها كيما قلت ليكم مستحليها علاش لا واجمل بنت في المدرسة كتهضر معاه وقفو في وسط ساحة كيتحاجاو ولوهلة عشق نسات كلشي وبدات كتحاجا مع الولد بعفوية مرا تشير بيديها مرة تعبس بشنايفها مرة ضحك ضحكتها الكيوت لي سطات الغادي والجاي ومرة دير شعرها مورا ودنيها ودري لي معها غير ساهي فهاذ الملاك هنا قرر عصام يدخل معجبوش الحال وغير كيخيب فوجهو مشا عندهم ولقا تحية عليهم مدازتش حتى جوج دقايق نساحب داك دري بهدوء بسباب نظرات عصام لي تخليك تخاف وخة شوفات عاديين يالاه جات تنساحب حتى هي وهو يشدها من يديها عصام كيتبسم والاعصاب كتاكل فيه: ياك طلبنا منك السماحة وعرفت الغلاط ديالي شنو المشكل دبا هي كرهات داك تكبر ديالو وراودها نفس الاحساس ديال الاشمئزاز والكره تجاهو ونطقات بصوت لي اكيد عمرو غادي ينساه : اقسم بالله وتعاود تقيسني مغيعجبك حال وثاني حاجة حتى تواضع واحد شوية عاد اجي هضر معايا انا ماشي عبدة عندك فهمتي والا مبغيتش نسمح عمرك في حياتك تقدر تقنعني حتى نسمحليك بنفسي ونتا مراتاقيتيش لداك المستوى باقي طايح من عيني وزدتي كملتي نترات يديها من يديه ورمقاتو بواحد النظرة ضراتو فخاطرو وبالضبظ في قلبو علاش مكتفهمش راه باغي يحميها علاش؟ مشات لقسمها وحتى هو مشا لقسمو مع مرور الزمن والاحداث كيف ما هي قرر عصام يخلي عشق حتى تنسا داكشي لي فات ويبدا معاها صفحة جديدة ومزال كيفكر في هضرتها وشوفاتها كان اول مرة يتحسس من شي كلمة بالنسبة للنوال فهي مزالة كتحاول تقرب من عصام هي صحابتليه انه ولا كيبغيها عاوتني ولكن غير حلم من احلامها ( ديرو نجمة ومتبخلوش على ختيتيكم 💫) صحابتليها صافي شداتو من وذنو ولكن هيهات مزال مكتعرفش معامن دخلو الاقسام ديالهم وكل واحد شد بلاصتو وجلسات عشق فبلاصاها ديال ديما طاولة ثانية مع صحاباتها وجلس عصام في طاولة لخرة كالعادة مع صحابو عشق مع صحاباتها كتحاجا هي وياهم حتى نطقات وحدة منهم بشوية وعينيها كيلمعو بالحماس : واش ضبصح تصاحبتي نتي وعصام عشق وجها ولا حمر ونطقات وهي عاضة على شنافتها : لا ممصاحبينش غير اصدقاء وصافي البنات كاملين بداو كيفرنسو ملي شافو حناكها هكاك هما عارفين شحال عشق بريئة وغادية غير على نية وكضحك وفروجية مع راسها مكتقلق من حد وهادشي لعاجبهم فيها هي الوحيدة لي يقدرو يقولوليها الاسرار ديالهم بلا ميخافو حيتاش مكتقولهم لحد وحدة منهم بدات كتغمزها جهة عصام وكتقوليها ضوري شوفيه بشوية وداكشي لي دارت عشق ضارت ضورة ديال الطوبيس لدرجة هو لي كان ساهي فيها لاحظها كتشوف فيه تبسم ليها بحنان مداتهاش فيه وعاودات ضارت لصحاباتها ووجهها كامل ولا حمر بداو كيضحكو معاها واكيد يجبدو هاذا وهذا نميمة ديال البنات مكتقاضاش المهم داز الوقت وسلا الوقت ديال المدرسة كل وحد رجع لدارو الا عصام لي قرر يبقا يدور في زناقي حتى يجي وقت المدرسة وعاوتاني يلتاحق بيها مبغاش يمشي لدار ويعاود يحس بداك الاكتئاب مبغاش يفكر فمشاكيلو بغا حتى هو يكون فرحان ويضحك من نيتو حتى هو بغا والديه يضحكو معاه ويعيش كأي مراهق هضر بصوت مجهد وناس غير كتشوف فيه كي لحمق : علاش انا بالضبط حياتي كاملة معندي والو حياتي كاملة وانا غير بوحدي وفي هاذ اللقطة بالظبط اذن الاذان بأول كلمة ولي هيا الله أكبر سكت عصام وملقا ميقول لوهلة نسا انه ماشي بوحدو لوهلة نسا ان الله معاه ان الله رفيق بالعباد بقا مع الاذان كيردد معاه حتى سلاه وختمو بالدعاء ديالو هز كفوفو لسما وعينيه كيدمعو : ياربي هادشي فوق طاقتي وفوق جهدي راني مبقيتش قادر عييت من كلشي تهديت ومبقا عندي حتى ولو غرام ديال التفكير في شيحاجة يسرليا في مستقبالي ياربي من بعد مكمل حط يديه على وجهو وهو مرتاح حس بأن الله بجنبو وممخليهش حس بطمأنينا كبيرة كمل طريقو ومشا جلس فواحد الجردة قريبة لدار كانت شوية مهجورة مكيجيو ليها غير ناس قلالين وشماكرية على الاكيد المهم غير ميشدوكش هما او صافي عصام كابر فهاذ الجو مخلا معامن تصاحب شماكرية ولماشي شماكرية كل الاصناف داكشي علاش جالس او هاني مع راسو مخايف من والو هز تيلي وشاف شحال ساعة قرب وقت المدرسة يجي وحل الفايسبوك بدا كيتكونيكطا مع صحابو حتى سمع شي صوت بنت كتغوت في جهة اخرى ديال عشق من بعدما تغدات ومشات بغات تلبس حوايجها ملقات غير واحد الكسوة ديال البرد بإمتياز فايتة ركابيها بشوية في رمادي جاتها مطرطقة وجدات شكارتها ولبسات سبرديلتها مشطات شعرها وخلاتو مطلوق كالعادة رشات ريحتها جات كتهبل بزين خرجات من دار باش تمشي للمدرسة حتى جات ماشية وشافت داك الجردة هي كاتبان زوينة ولكن كيقولو عليها مسكونة( بالناس) شدها الفضول باش تشوفها وقلبها كلو ايمان راه مغاتقيسها حتى حاجة قرات المعوذاتان وسورة الكرسي وتوكلات على الله مع دخلات مع تلقاوها الشماكرية 1: اجي ازين نديرو شي فشي او نجيبوه كيمشي 2: زين جيتي فسر بلا نفسر 3:زين فن بلاما نتفنن كل واحد فيهم شادها من جيه عشق كتهرنن: بعدو مني مكنعرفكمش وماامااا محسات غير بتصرفيقة وشواحد جارها من شعرها 2: ههههه ومامااا شوفو شنو قالت ههههه قالت وماااماا كتركل برجليها وبيدها تحاماو عليها بثلاثة وهي غير ولية بناتهم مكتعرف حتى ضرب مزيان كيتها وكيت ليام لجابتها لهاذ البلاصة كتشوف راسها كتنتاهك من قبل ذئاب بشرية ومقدا دير والو عينيها كيفيضو بدموع كتحس بتصرفيق كينزل على جسمها كل ما قاومات كثر هلكو عضامها عشث بتهرنين: هالعار لما طلقو مني واش معندكمش خواتاتكم هالكبيدة لكبراتكم لما شفو فيا بوجه الرحمان 1: معنديش خواتات كن كانو عندي كن صبقت بيهم هما لولين 3: اسمعيني ابنت الق*حبة شنو لي جابك لهناي ونتي عارفة هاذ البلاصة مهجورة الا وكنت كتقلبي على شيحاجة وهانتي لقيتيها هههه(كيهضر وهو سكران وماحسش حتى بيديه شنو كيديرو كلهم كانو سكرانين وهادشي من سوء الحظ ديال عشق خلاها طيح في بشار مفقلبوش رحمة ولا عمرها غادي تكون من حد المغرب مكايعاقبهم العقاب لي يستاهلوه وهو الاعدام اكيد غادي يطغاو ) جا واحد فيهم شدها من رجليها لتحتانين طيحها معاوداتش ناضت وطلع يديه مع رجليها عشق هنا حسات بالقالب غادي يطلع معها وتفكرات حياتها كيدازت وتفكرات عصام اه في هاذ الظروف الصعبة تفكرات عصام عاد عرفات علاش ضربها وعلاش حذرها وعلاش وعلاش عاد عرفات ان دنيا ماشي كيفما كيشوفها البعض ماشي كلها غوزية وموردة ماشي كلشي ضحك ونشاط وماشي كلشي لعب وتكركير بدات كتبوس ليهم فيديهم غير يطلقوها تمشي ومتقولهاش لبوليس او والو عقلها حبس عن تفكير غير حسات بيد هداك لشدلها فمها ترخفات وعيطات تعيطة وحدة مزادتش من وراها وكانت كافية باش يسمعها القريب والبعيد في داك الجردة عشق بصوت مقهور مجهد : عصاااام علاش عيطات بسميتو ؟؟ الحاجة الوحيدة لعارفاه انه معمرو مخيبها معمرو مخلاها كتواجه الخطر ديما حاميها وخة من بعيد كتحس بالامان حيتاش واحد بحال عصام في حياتها ندوزو لعصام لي كان واقف كيشوف كلشي مصدوم واش هادي حبيبتو عشق شداتو البكية من المنظر ديالها كيفاش كتقاوم وكيفاش كتبكي بجهد كيفاش كتاكل لعصا ومع ذلك مزال كتقاوم شداتو لبكية وهو كيشوف حالتها كيولات بالعصا سمع واحد سمية وهو يفيق اش كيدير تحرك اعصام كتعيط ليك تحرك شوف عشقك شنو بغات عاونها يديه كيترعدو وغضب ديالو كيتصاعد بشوية بشوية عينيه ظلامو وماكيشوف قدامو غير ظلام عرقو برزو بواحد الشكل مخيف شعرو طلع كامل جن الا شافو يتخلع شد نظاظرو ورماهم في الارض غايموت وكيشوف فشمايت كيقسولو في حاجتو غايتوفى وكيشوف صبعهم كيمسوها وكيديرو لي بغاو في لحظة لقا راسو شاد واحد فيهم من يديه مهرسهالو فوق ركبتو زرب عليه مخلاهش يفكر حتى في الهروب عطاه بذراع لعنقو خلاه مجبد في الارض بغاو لوخرين يتحماو عليه ولكن هيهات مجا يوصل تاني لعندو حتى كان لول في عداد الموتى شد تاني ملخو مزيان عطاه لعصا لمعمرو كلاها خلاه كلو زرق ودمايات هادشي مشفاش الغليل ديالومزال معصب كيلهث بالاعصاب دار فجنبو لقا واحد فيهم مزال كيتحرك بقا كيضرب فيه حتى ولا كيكح دمايات 1: صافي عفاك سمحلي والله منعاودها اخاي عصام عصام وصوتو لي تبدل 180 درجة ولا عميق ولكن رجولي بامتياز : وعلاش هي فاش كانت كطلبك مخلتيهاش تمشي علاش هي فاش كانت كتبوس فيديك قلتي هاذي بنت ناس نخليها تمشي فحالها ولا عزيز عليكم ضعيف تاكلو فيه حتى يتقاضا وتلقبو على واحد جديد عزيز عليكم تاكل فلحم خوتكم ونتوما ضاحكين منين حسيت براسك وليتي منهم باغيني نعتقك حلم حلم هزو حتى هزو وضربو مع الارض طاح معاودش ناض دار عندها هي اه هي محبوبتو عشقو كيشوف فيها بلهفة جرى عندها وهزها من يديه متكيها فحضنو وهي كترعد بهستيرية كبيرة ومصدومة وغير كتشوف فيه شافت كلشي كيفاش كان كيضربهم كيفاش كان كاي دافع عليها كيفاش جاب ليها حقها بلاما تقول والو بتاسمات بخوف اه خايفة خايفة ليكون غير عقلها خيل ليها هادشي خايفة ليكونو نتاهكوها ودبا هي ميتة انفاجرات بالبكا وففمها غير عصام عصام حنا عينيه لوجهها لحمر بالتصرفيق فمها المنفوخ وعينيها الحومر رموشها الطوال الفازغين بالدموع فتانة في عز ضعف ديالها قرب ليها معنقها بجهد معصرها بين يديه كيحس بعضامها باغيها باغيها دخل لاعمق نقطة في قلبو باغي يخبيها عصام بشوية وصوتو مهزوز رجولتو تجرحات منين شافها في هاذ الحال كون غير راقبها كثر كون غير كان هنا قبل كون غير وكون غير بزاف ديال الافكار جاو على بالو وهي مزال بين الاحضان ديالو كتهرنن عصام بحنان كبير : صافي الحبيبة ديالي صافي اقلبي راه قلبي كيضرني صافي اعمري عشق كتهرنن بجهد جسمها كامل كيضرها : كانو كانو غادي يتعداو عليا اعصام انا خايفة خايفة بزاف عصام كيطبطب على ظهرها وكيبوس فحنيكاتها حميمرين: صافي نساي اصغيورة ديالي انا هنا مغايقيسك والو منحدي هنا متخافيش الكبيدة ديالي كيعاملها بحال شي طفلة صغيرة وهي بالفعل كذلك عمرها شافت بحال هادشي هي لقات لي ينقدها لي بزاف ملقاوش لي عاونهم لي بزااف شافو كثر من هادشي وعاناو من ظلم المجتمع ليهم عشق رفعات راسها ليه وكتحاول تحبس دموعها بقات داك ترعيدة ديال شنايفها وعينيها حمرين كي دم كالعادة وهادشي غير من ليلونتي شعرها مخربق وقصيصة تاعها جاية على وجهها هز يدو دارها مور ودنيها باش يتأملها كثر طبطب على حناكها عصام بصوتو الشجي : مال صغيورة ديالي دبا موقع والو انا هنا صافي كيلعب ليها في نويفها وكيلعب معها وباقين في نفس الوضعية : دبا شنو ناكلك وخة يديرو ليك لي دارو كتبقاي زوينة شنو ندير معاك انا ويايما ضحكات بشوية وشهقة ديال البكا بقا كتخرج منها عينيها لمعو في وجه عصام ونقولو نسات داكشي ليداز عليها نوضها من الارض كينفض حوايجها شافها شنو لابسة ولكن مبغاش يهضر معها غير عبس بفمو وطلع شوفة فيها هي فهماتو وتبسامات ببرائة خلاتو يضحك عصام كيضحك من نيتو : ياك الشويطينة وانا كنقول علاش هاذ الحالة كاملة شافت فيه بحزن وعاد حسات بالخطأ ديالها حنا هز يديه بجوج وحطهم على حناكها مخبزهم بيديه كيشوف فيها بابستامة خلاتها ساهية فيه وفي تفاصيلو وحتى هو سها في شنايفها وفي شامة وفي كلشي ناري على بوقوسة بغاها ضحك على افكارو وحيد يديه كيخربق في شعرها هي عاوتني حمارت كثر ماهي حمرة بالتصرفيق هاذ السيمانة شبعات تصرفيق بدات كتهرنن عاوتاني عصام تخلع صحابتليه شيحاجة كضرها : مالك واش كضرك شي حاجة ؟؟ عشق كتهرنن: لي جاكيشبع فيا ضق وتمرميق واش انا ديال العصا عصام شداتو ضحك : ونتي صراحة على حساب الهضرة لي مكتسمعيش تستاهلي عشق زادت فالوثيرة ديال بكا بحالي كانت كتساين غير السبة :ياك بغيتيها فيا نتا مكتبغينيش نتا خايب وشرير عصام كيضحك وكيمسح ليها دميعاتها : انا اكثر واحد كيبغيك من بين ناس كاملين كثر حتى من والديك عشق تصدمات حيتاش اول دري يقوليها بحال هاد الهضرة وحيتاش عصام لي قالها دري لي كتبغيه قالها وبصريح العبارة هكاك وكمل هضرتو كيزيد يصدمها : وكثر من راسي ومن والديا ومن اي واحد في هاذ الدنيا ومعمرني نطلق منك وخة مكتبغينيش غانبقا معاك حتى لاخر نفس فيا عشق كدمع بتأثر : واش لهاذ الدرجة كتبغيني عصام بضحكة مهووسة وفيعينيه غير هي: وكثر من الحب كنعشقك اعشق جاتك غريبة فهاذ المدة البسيطة شفت شي حوايج فيك مشفتهمش في البنات كاملين سحرتيني بالجمال ديالك وكملتي عليا بالبرائة والافكار دياولك باللطافة وطيبة ديال قلبك بكلشي فيك خليتني نتسطا على شوفة منك عشق دارت يديها على فمها ممصدقاش واش كاين شي حب بحال هكا ولا غير كيكذب عليها ميمكنش هادشي كاين غير فروايات لي كتقراهم عصام وهو كيشوف فيها بتمعن كيدرس الحركة ديال جسمها كيحاول يفهم ردة فعلها وشحال استلطف الحركة ديال عويناتها لي كيرمشو بصدمة ووجهها كلو كيدل على انها مصدومة من هضرتو واش مكاتبادلوش؟؟ خاف خاف من الجواب ديالها وقرر يعطيها مهلة داها لسناك وكلها البيتزا وشرا ليها سقايط محبوبة الجماهير وداها لدارها قادليها حوايجها شرا مشطة صاوبليها شعرها وشحال عجبو لحال كان في الماضي عزيز عليه الشعر القصير ولكن دبا كيعشق شعر طويل خصوصا الا كان من حبيبتو كان رطيطب فيديه بحال حرير وعجبو الملمس للغاية المهم ممشا حتى دخلها لدار وعرف والديها مسافرين ووصاها بزاف عاد قدر يرجع للدارو وبالو مشطون عليها دخل لدار يالاه بغى يمشي لبيتو ضغيا باش يمشي للخدمتو ساعة لا تمشي رياح بماتشتهي السفن لقا باه هاز باليزتو غادي يسافر للعروبية ومعصب بالبيان باه بالغوات: فين تعطلتي صباح كامل وانا كنساينك عصام ببرود : كنت فالمدرسة (مع مراتي) باه خنزر فيه: ايوا منعرف فين كنتي كتشمكر تلقاك ضارب جوانات عاد جاي بحال خوك تفو على سلعة وحدة هبط عصام عينيه متفادي يتعصب خلا باه كيهضر ومشا لبيتو يوجد حوايجو هز لبسة والكاسكيط ديالو في الشكارة وبدل سبرديلة لوحدة مريحة كثر واصلا عندو غير هاذي ولي كان لابسها وخرج من بيتو لقا باه مكاينش متساءلش علاش مشا نيشن لخدمتو شد طاكشي نيشان للشركة لبس حوايجو في الفيستير وخرج لحدا لباب بعد مرور الوقت وهو حاضي للباب هو بالطبع ديالو مكيقصرش في خدمتو وهو نيت مكينعسش وصلات تقريبا شي 3 ديال ليل شاف طونوبيل غريبة دايزة من حدا الباب وماكيجي عينيه غير على العصابة لي خرجات منها كلها هازة سلاح فيديها وبدا القرطاس كيتشاير فسما هنا وهنا وضاروري تجي دقة في بطلنا طاح فالارض وهو شاد فصدرو كينزف بغزارة اتاصل على البوليس هما لولين عاد قدر يرتاح حط راسو على الارض وجات على بالو عشق دبا منين غادي يموت غادي تولي ديال واحد اخر صافي مبقاش غادي يشوفها يشوف ابتسامتها ووجهها الحنون لكان بنسبة ليه اجمل حاجة حس بيها صافي غايمشيو الاحلام كاملين ديالو غادي يرجع عزوز وغادي يقتل عائلتو ومكاينش ليحميهم منو غايقتل جنات وماكاينش الامير ديالها لينقذيها واخيرا وليس اخيرا غايموت بوحدو وحيد مامعاه حد يواسيه يخفف عليه نطق بالشهادة ومن بعدها فقد الوعي ديالو كان ديك ساعات باقي البوليس موصلوش هاذي حالو البوليس حتى يسمعو بالموت عادي يجيو جايين اما الاسعاف تقدر متجيش غاع حتى يعيط عليها البوليس وشوف تشوف علاش هادشي كامل حيتاش مكيهمهمش الشعب كتهم غير الفلوس تاشي واحد مخدام شي خدمة محبة وشغف كلشي خدام بزز وفلخر منين تهضر معاهم كيتنفخو عليك ويبرققو فيك عينيهم بحالي كلشي مخطأ وهما صح الوحيد ( هاني كنشوف فيكم يالله ديرو نجمة 💫......ايوا ديروها راني كانشوفكم ........صافي يالاه كملو معليش😂) جا البوليس وحيتاش الشركة معروفة متعطلوش وجات حتى لابيلونس لي بالوانها ولات عندنا نادرة فلبلاد كاينة تم هزو عصام للاسعاف بغاو ينقدوه ياحسرة لقاو نبض عندو ضعيف صافي سيد كيتوفا وبزز باش كيطلع نفس من نيفو وصلو لصبيطار وداوه الطوارئ نمشيو عند عائيلتو سمعو دقان في الباب بجهد حلو لقاو محمد صاحب عصام الا عقلتو عليه كيلهث مسكين ودموع فعينيه محمد بخوف: خالتي عتقي اخالتي ( كيلهث) الام عصام مخلوعة: امالك ياهاذ الولد غاتموت بشوية عليك محمد بخوف اكبر : ماشي انا لي غانموت اخالتي عصام لغادي يموت الام ديال عصام برعب ضربات حناكها بجوج وجات طايحة فلارض: اويلي على وليدي اويلي غايمشيلي كبيدتي ياويلي بدات كدور بيها الارض وهي كتشوف الولد الوحيد لي كان واقف معاهم من صغر غادي يمشي ليها : عصاااااااااام .طلقاتها بغوتة وحدة سمعوها جيران كاملين نوضها محمد باش تلبس جلابتها ويمشيو يطلو عليه وهي كتلبس وهي سخفانة كانت جنات ناعسة معاقت بوالو وخة غوتات مها الا انه عصام كان شرا ليها واحد لعبة ديال الاغاني كيطلقهم ليها فليل باش متخافش فيها ضو هي على شكل غيمة وفيها نجيمات الا عرفتوها مشاو كيتجاراو دخلو لقاوه في المستعجلات مزال مخرجش الطبيب والام قلبها غايسكت وخة كتعامل معاه بقسوة الا انه هو ولدها لعزيز غير باش ميطلعش بحال خوتو وهادشي لي كان في الاعتقاد ديالها ندمات وشحال من تصرفيقة عطاتها لراسها وقمشات وجهها وغير مزايدة في الوتيرة سخفات تم ومكاينش حتى لجاب ليها كاس ديال الما اصلا صبيطار عامر ومكاينش حتى فين تجلس وحتى واحد مكيشوفيك باستعطاف كلشي كيقول انا الاول انا الاول انا حسن انا حسن حتى حد مشفق على هاذ المرة لي ولدها كيمشي من يدها جلسها محمد غير فلارض حتى خرج عندهم طبيب كان ديك ساعات صبح الصباح تكون شي 7 والام ديال عصام فاقت وجالسة شادة فراسها طبيب : شكون ولي الامر ديال هاذ المريض ( طبيب ومن كثرة سميات مبقاش عاقل على حتى سمية ديال عصام) ناضو كيتجاراو من الارض الام : انا اسيدي انا طبيب ببرود : ولدك راه حيدنا ليه قرطاسة وحالتو مستقرة جات حدا قلبو خلاه يتضرر في عرق كاين تما وهادشي اكيد ليه مضاعفات نساحب طبيب والام شداتها فمها كتحاول تحبس من البكا وتشد فخاطرها اما محمد فبقا فيه صاحبو بزاااف صديق طفولة ديالو لي كيشوفو كيتعذب من صغر وهاهو كان غيموت دبا قال لام ديال عصام تاخد الاذن لعصام باش يغيب من المدرسة وداكشي لكان هزات تيلي ديالها وعيطات ليهم خبراتهم بحالتو وفين كاين وهما عذروه حيتاش معرفة مشاو بغاو يخلصو المستشفى لقاوه خالص على حساب الشركة حيتاش من مسؤولياتهم حمدالله وشكروه حيتاش هادشي اكيد غادي يكون غالي بقات الام عصام حتى سلات زيارة عادت مشات لدار عيطت على راجلها لهز بالزو جاي لدار مخلوع على ولدو جنات مقالو ليها والو باش متخلعش على خوها هي اكثر وحدة متعلقة بيه في ذيك دار ندوزو لمدرسة فين عاد وصلات عشق للقسم دخلات وعقلها كامل كيفكر فيه مشافتوش هاذ صبح تروبلات ومعرفتش علاش خايفة قلبها كينبض بجهد وحاسة بشي حاجة ماشي هي هاديك جلسات فبلاصتها ويلاه بداو الدرس حتى دخل عليهم الحارس العام بدا كيهضر مع الاستاذ شيشوية ودار عندهم ( تعقلو على داك الحارس لسميتو طه وراه هو هذا ) مع الاسف الصديق ديالكم عصام يازيري وقعليه حادث مؤسف تعرض ليه بينما هو في خدمتو غيضطر يغيب شي ايام معرفينش شحال هما فنتمنا تزوروه وديعيوليه بشفاء هنا عشق بحالي طعنتيها فقلبها كيفاش مفهماتش اصلا عاد البارح هي كانت معاه معنقها وكيقوليها معمرني نخليك ودبا تعرض لحادث ممتيقاش نزلو دموعها بلما تحس وشدات فقلبها لي كيضرها داكشي جذب الانتباه ديال الحارس العام واستدعاها لمكتب ديالو طه بجدية : عشق بنتي بغيت نهضر معاك واحد دقيقة مسحات دموعها بالخف ولحقاتو جلسها قدامو في البيرو وبدا كيهضر معاها طه كيشوفيها ساكتة وحانية راسها باينة تأثرات : شوفي ابنتي عصام خاصو دعم خصوصا انه باقي صغير وتعرض لبزاف ديال حوايج خلاوه يويلي شخص واحد اخور كنعرفو منين كان صغير كنت استاذ في الابتدائية لي كان كيقرى فيها ديما كان بوحدو ومعندوش صحاب منغير محمد ليقدر يقيس قلبو وحتى نتي الا قدرتي تقيسي قلبو غادي تعرفيه كيداير عشق نزلو دموعها بحزن كبير على عصام وعلى كلام طه وقرر طه يكمل هضرتو : فاش كان عصام خدام البارح هجمو عليه شي عصابة بالقرطاس ودبا راهو في المسعجلات حالتو مستقرة دبا ولكن حنا معارفينش شنو يقدر يوقع ليه تقدري تساءلي علاش انا كنقول ليك هادشي ولكن عصام بحال ولدي ويستاهل كل خير متخليهش بوحدو ابنتي عشق دارت يديها على وجهها كتبكي بجهد خلا الحارس كيقول غير شحال مزهار ياعصام تخلي بنت كتبغيك لهاذ الدرجة عشق شهقات ديالها مبغاوش يحبسو ولكن قررات ترد عليه : انا انا بغيت نشوفو فين نقدر نشوفو طه عطاها العنوان ديال المستشفى وحتى وقت زيارة كان باغي يزرو اليوم ولكن غادي يأجل لتاحقات بقسمها او والو غير ساهية كتفكر فيه فوقتاش غير تصوني ساعة باش تمشي فحالها ومن كثرة سهيان ديالها حسات الوقت بطئ ومبغاش يسالي وبعد مرور 3 ديال سوايع طلاب كاملين خارجين من المدرسة كل واحد ماشي لدارهم الا عشق لكانت غادية لسبيطار تزور عصام دازت على جردة ديال مدرسة نكطاتها من الورد معندهاش باش تشري حتى دانون ومع ذلك مبغاتش تمشي بيدين خاويين بدلات حوايجها لبسات سروال جينز وتريكو حمر عندو الكول غليظ وسبرديلة في البيض طلقات شعرها ودارت بونضو ديالها في البيض مقاستش وجهها كالعادة وحتى الريحة مدارتهاش هزات داك الورد فيديها وهزات معاها لغدا ديالها ليكانت من المفروض تغدا بيه ومشات لصبيطار على رجليها بقات كتسول هذا وهذا حتى وصلات ليه دخلات مشات عند سونتر دابيل سولاتهم عليه كانت بنت فمنتصف العشرينيات كتمذغ مسكة بطريقة مقرفة مكحلة عينيها وعكر حمر كيصحاب ل لراسها فعرس وهازة تيلي كتكركر مع شواحد وقفات عشق البطلة ديالنا لسحرات الغادي والجاي خلات كلشي حال فمو فيها علاش لا وهي زين ولاطاي والبرائة وكل ماهو جميل : سمحلي ختي واحد دقيقة طلعات فيها شوفة داك خيتنا ومحملاتهاش : اشحب الخاطر عشق بابتسامة واسعة على فمها الحميمر : بغيت نزور واحد دري سميتو عصام يازيري وخة تقوليلي فين كاين لوخرا قلبات عينيها وهضرات بعجرفة : سيري احبيبة حتى تجي ماماك هي لي تسول دراري صغار مكيدخلش هنا عشق عقدات حواجبها باستغراب وفي راسها كتسأل غير مال هادي ؟ : مفهمتش ؟ بغيت نزورو واش مكاينش هنا وانا ماشي درية صغيرة الله يخليك لوخرا خنزرات فيها ويلاه كانت باغا تسبها جات فرملية ضرافات باينة على وجهها فرملية : كتيكيتة شكادري هنا كتقلبي على شي حد عشق بعبوس استلطفاتو الفرملية بشدة : بغيت نزور صديق ديال وهاذي مخلاتنيش فرملية : وشنو سميت دري انا نقوليك فين كاين عشق بفرحة : سميتو عصام يازيري شكرا خيتي بزاف عمري نسا خيرك فرملية ضحكات وذاتها لداك الغرفة لي فيها عصام في الجهة ديال عصام خرج طبيب من الغرفة ديالو من بعدما طمأن عليه وامرهم يديوه لغرفة عادية وتلاقا بمحمد ليبقا حدا صاحبو اما مو مشات تشوف جنات : شنو كتقرب لمريض ؟ محمد بابتسامة واثقة : صاحبو وصديق طفولتو طبيب ببرود : من صبح وهو كيعيط لشي سميت بنت سميتها عشق شنو كتجيه محمد توتر ملقا مايقول :ختيتو صغيرة مسكين عزيزة عليه بزااف ومع سلا هضرتو مع شاف عشق جايا في الاتجاه ديالو زاد توتر وطبيب مزال ممشا طبيب بلامبالاة : المهم المريض غادي يفيق دبا شوية وزيارة مسموح بواحد فقط مشا مشافش حتى وراه ونيت كان في مصلاحت محمد عشق جات كتجري عند محمد مخلوعة ودموع نازلين من عينيها :عصام كيف بقا عصام محمد بابتسامة : بخير حالتو استقرات يلاه نمشيو الغرفة ديالو باش نطلو عليه عشق هزات راسها بزربة وكتحس برعدة طالعا معاها حاسة براسها متوترة وخايفة وكلشي وصلو وخلاها دخل قبل منو دخلات ورجليها كيقفقفو في بلاصتها تمشات بشوية لعندو حتى وصلات لقاتو مجبد وهيبتو ممشاتش باقا كيف ماهيا وجهو هادئ وماعليه حتى تعبير من غير ثعب الواضح لخلاها دير يديها على فمها متأثرة هاد الحركة فيها من صغر فاش كتألم ولا كتبغي ضحك كدير يديها على فيمها كيخلي لمنظر ديالها كيوت بزااف بالنسبة للجميع وخصوصا لداك الناعس حطات يديها على وجهو السمر كتقيس عينيه وشفارو طوال كوحل كتأمل فيه دازت لنيفو حدداتو بصبعو ودازت لشنايفو كضغط عليهم هادشي كامل بلاما تحس غير بعفوية منها واحساسها كيتحكم فيها ندوزو لداك لي ناعس او لي نقولو كان ناعس قبل 5 دقايق كان عاد فاق ومخدر بالبنج حس بالباب تحلات سد عينيه من الالم ليهاجمو فجأة كان الم قوي سمع شهاقات صغيورين كيترددو على المسامع ديالو لي عرف صاحبهم في البلاصة خلاها على خاطرها وبغا يعرفها شنو غادي دير شنو غادي تقول توغض من البنج وولاحاس بجميع التحركات ديالها حس بيديها رطيطبين على وجهو رعشة شداتو من رجليه حتى لراسو حس بصبعها محطوط على عينيه وكتلعب فرموشو ترخا مستمتع بالاحساس لراودو بزز عليه نزلات لنيفو كتقرصو وهبطات لفمو هنا قال ريح هاذي دبا شنو بغات ينوض يديرليها ولا صحابتليك حبسات بدات كتماسي فيهم اويلي على زغبية كن مكانش في سبيطار دبا كن وقع مالم يكن في الحسبان حل عينيه مقادش يصبر مولاي سلطان قيم على مجرد لمسة منها لعساك زيد وحدة اخرى هي حيدات يدها بزربة شاداتها عند صدرها تبسم بتعب وبحنان ونطق سميتها بشوية : عشق عشق شافت فيه ساهية وحتى هي قالت سميتو بشوية بورشاتو من مجرد رنة ليوصلات لودنيه مكانش يصاحبلو سميتو زوينة لهاذ الدرجة : عصااام عصام هز يديه جارها من يدها جلسها حداه وحتى هو بغا ينوض من بلاصتو يجلس ميبقاش ناعس مقدش فيما يتحرك كيضرو قلبو بواحد شكل هستيري شد فقلبو وتأوه حاس بيه غادي يطير من بلاصتو حتى كيحس بداك اليديدة فوق يدو كطبطب عليها طلع شوفة فيها لقاها كتشوف فيه بقلق وعاوتاني عينيها تغرغرو بدموع شنايفها كيرتاجفو حتى عضات وحدة فيهم باغا زعما تحبس دموع جاه واحد الاحساس فشكل واش ضبصح كتخاف عليه ضرب قلبو بزربة هز يدو وحيد شنافتها لي بين سنانها وتنهذ جابتلو تمام صافي بهاذ الاهتمام ديالها كيزيد يتعلق بيها ماشي كينفرها هضر بصوت رجولي مبحوح : سمحيلي مقديتش نوض و... وقبل مايكمل هضرتو شداتليه فمو بيديها وهزات راسها بنفي وجاوباتو بصوتها الحنين الانثوي بأمتياز: متقولش هكا نتا مزال مريض ومتقدش تنوض انا مجيتش باش نعييك معايا جيت نشوفك عصام طلع فيها شوفة وتبسم شاف في صقف ساهي لا ماشي ساهي جاوه دموع معمر شيحد هتم بيه لهادرجة من قلبو وهادشي لاحظتو هي لاحظات كيفاش عينيه ولاو يلمعو وولاو حومر تفهمات وعاد فهمات شنو كيقصد الحارس العام قربات كثر جيهت راسو وهزات يديه كتلعب ليه فشعرو وحناكها ولاو حميمرين عاوتاني لطالما كان شعرو كيعجبها كتشوف ديما منظم ومسرح وخصوصا كيعجبها شعر لكحل كتحماق عليه داكشي علاش مقاوماتش الرغبة ديالها في لمس ديالو تنهد هو بارتياح وعاود شاف فيها شحال كيوت هاد سيدة لامتى غادي يبقى صابر عليها معمرو مكان فخبارو هو انسان صابور كان كياخد حاجتو من الناس يإيما بالخاطر وبالزربة وايما بزز وبزربة حتى هي هبطات عينيها تشوف ردة فيعلو لقاتو كيشوف فيها بهدوء زعزع الكيان ديالها النظرات ديالو كانو كيشوف فيها او بالاصح كانو بحالي كيشوفو في قلبها كيتفحصو بحالي جردها من حوايجها حنات راسها وحيدات يديها من شعرو لي شعككاتو دارت يديها على صدرها حشمانة ضحك بمكر عليها : مالكي تخلعتي بحال هكا عشق مزال حشمانة وهضرات بصوت منخافظ : متشوفش بحال هكا عصام دار راسو مسمعهاش وهو راه قلبها لي بوحدو باقي مسمعوش : نعم قلتي شيحاجة مسمعتكش عشق زيرات على يديها وعاودات هضرتها : متشوفش فيا بحال هكا عصام شد ضحكتو عندو وعارفها علاياش كتهضر: مفهمتش بحالاش طلعات راسها فيه لقاتو كيشوف نفس الشوفة حطات يديها على عينيه : هاذ الشوفة خايبة هز يديه وحيد ليها يديها دارهم على نيفو كيشمشم فيهم ريحة نقيقية ديال صابون عجباتو مكرهش يبقا يشم فيهم العام كامل عصام ولا بحال سلوغي فهاذه اللحظة: ديالاش هاذ الريحة عشق بغات تاخد يديها من تحت نيفو صحابتليها فيها ريحة خايبة : واش ريحة خايبة عصام عينيه كيخرجو قلوبة وهو باقي كيشمشم :بزااااف هي تخلعات وجات جارا يدها عاوتاني عصام ضحك : خايبة بزاااف على قلبي ناكلها انا يدك حط يديها على فمو وبقا كيبوسهم وكيتبنن هي دارت يديها لوخرا على وجهها كتغطيه جات بحال البنية صغيرة هو ضبصح باغي ياكل يديها تحول من البوسان لعضان ضربهاليها بواحد العضة خلاها تأوه هز يدو سد فمها المسخوطة غادي تفضحهم ودار واحد الحركة لي خلا عشق ذوب فبلاصتها ......
اولس سلا الفصل نتمنا تكونو استمتعتو بيه وكانو فيه احداث نساوكم في تعطيلة ديالي ✊
اه ومتنساوش ديرو واحد نجمة راها لتحت بركو عليها راه مغاتخسرو والو الغزلات ديال باش تفرحوني وديرو كمونتير تشجعوني فيه يلا تهلاو الفصل الجديد قرب يتلاح مغاتساينوش بزاااف مبروك عليكم العيد تعيدو وتعاودو وخة داز عليه بزاااف عاد لحقت نعيد عليكم
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
