عشق عصام ( متوقفه)

الحلقة 3

سلام لكتيكيتات عرفتو راه غير كنسالي من فصل كنبدا فلاخور وكنلحق نشرو بعد يوم او يومين على الاقل حيتاش كنحفظ وفي نفس الوقت كنكتب
المهم نبداو الفصل ديالنا
____________________________________

فاق الخيال الواسع ديالو البنت اصلا كيجي يقرب منها كتبدا ترعد لاعساك يبوسها غير كتحلم اولدي عصام
هاذ البنت ماشي بحال لبنات اخرين هاذي محافظة وخة كتلبس هكاك الا انها عارفة حقها وحق الله غير الله يهديها على الحجاب وصافي
صونات داك خمسة دقايق سلات ضغيا ناضت بزربة وضرباتو بشعرها لي تشد مع الخاتم لي كان دايرو عصام فيدو كان ديال النقرة وعادي بحالو بحال ولاد اليوم تأوهات بصوت مرتافع حتى شد ليها فمها بيدو وهضر وهو مغدد " شهاد الغوتة واش حمقة فضحتينا" هي شعرها كيضرها وهو كيقول ليها سكتي وياني تناقض بقات كتقول اي اي شعري وهو عاجبو الحال كيعذب فيها ونيت كيخليها حداه كثر في كثر مسخاش بيها ابدا دار راسو زعما راه كيحل شعرها من خاتمو وهو بالو كيشكر فيه حيتاش خاتم وفي وعرفو فاش كيفكر
ستاغل الفرصة في شمان ريحة ديال جسمها كان ريحة هادئة بزااف والا مقربتيش ليها مكيشموهاش مشمها حد من غيرو حتى شبع تشمشيم وعرف راسو زاد فيه حلو بكل سهلو حيتاش مكانتش شي شدة نيت غير من الفوق اما هي فكاتفكر في تمرين ديال الماط لي كانت بغا تنوض تخرجو وهادابة تعطلات عليه مشاو كيجرو اقصد مشات كتجري وهو تابعها كيتمختر بكتافو واصلا هو خطوة ديالو كبيرة غير دخلات دخل موراها ساعة لقاها واقفة في لباب وحانية راسها دار عند الاستاذ لي كان كيشوف فيها نظرات شهوانية وحمر بزاف وبدا كيعرق حيتاش تحلات شي صدفة من الكسوة ديال العشق وبدا كيبان صدرها المنفوخ غير داك الخطيط هنا طلع دم لعصام علاش لا وهو كيشوف في حبيبتو وقف قدامها وحاول يبرد ودوا ببرود كبير " كاينا شي حاجة " ناري كيتبادلو النظرات والاستاذ صافي كره عصام حيتاش عرفو علاش ناوي ولاخور له بالمرصاد
عصام وخة باقي صغير الا انه انسان عصبي بزااف حاجتو متقاسش ولو من البعيد وكيغير بزاااف فاش كتخرج معاه ختو ولا مو ناري ويشوف فيهم شواحد شي نظرة ماشي هي هاديك يقتلو وميحنش فيه لعساك لناويها تكون حبيبتو وعاجباه الررررررعد لكان
دار عندها عصام وهمس ليها وسنانو كيدابزو " ستري صدرك راه كيبان " هي تصدمات من هضرتو وحمااااارت بزاااف ماشي غير حناكها وحتى وجهها كامل سداتها بالخف لقات عندو لحق اما هو تبسم برد شوية على ليكان فيه ودار عند الاستاذ لي كان مصبح وهو يبلبل وكيسب في امثال عصام
عصام فاهم معندو لاش يعي راسو كلشي عرفو كيدوي عليه على اي في الاخير جرا عليهم مع احضار ولي الامر ضحك باستهزاء ومشاو جابو شكايرهم هي القدام وهو وراها كيسب ويعاير خرجو مشاو الحراسة يحلو المشكيل عاد يخرجو وداكشي لي كان غير دخل عصام وقف الحارس العام كان راجل بسيط قصير وباين فيه قاصح دوا وهو كيتبسم بشوية " عصام راه مكملاتش حتى سعاتاين باش جبتي البيي " ضحك عصام بمرح ورد عليه " معندي مندير مكيحملونيش وزايدون حاسديني على الممتلكاتي وفين ما مشيت كيشوفو فيهم على مافخباركش انا مشهور " شاف فيه الحارس العام بسخرية زعما راك حامض وشاف في عشق وهضر بجدية" شنو المشكيل " يلاه جا يرد عليه وشافو كيتسنى رد من عشق هي فهاذ المواقف كينقدوها غير الاعذار دياولها
دوات بصوتها الحنين من عند الله بحال شي نغمة هادئة كتريح لي كيسمعها " تعطلنا واحد شوية عند استاذ ديال الماط ياك وهو يجري علينا ولكن راه غير شوية والله منكذب عليك" تبسم الحارس العام وهو كايعرف عشق مزيان هي وعائلتها محترمين وفي قمة الاداب وهضر وهو متبعها " وعلاش تعطلتوا فين كنتو " هي شافت في عصام لي كان كيشوف في الحارس لعام لي كان كيشوف في عشق وكيتناها ترد عليه " والو غير تعطلنا في المكتبة جبت من عندها شي كتاب بغين نقراها " حمارت حيتاش كذبات هي مكذاباش ولكن بزز عليها عصام حنا راسو وشداتو ضحكا وحتى لحارس العام اصلا عصام عمرو مشا لشي مكتبة هي 50 كيشري كتوباتو بيدو + ان عصام كيجي لمدرسة غير باش يلعب واغلب الوقت كيكون في ساحة الرياضة دوا عصام وهو حاس بيها محطوطة في موقف لايحسد عليه
" عندها الصح صراحة انا اول مرة ندخل للمكتبة وعجبني لحال فيها كتوبة زوينين وراني تقيدت فيها" دار شاف فيه الحارس لعام لي كان سميتو طه زعما واش كطنز عليا راني ياوليدي خابزك بخميرة ناشفة هو غمض عينيه وحلهم في عشق زعما متفرشناش اصاحبي قدام تيتيز
قاليه طه سير حتى لعشية عاد اجيو خدو البيي دبا ميصلاحش وداكشي لي كان مشاو في حالتهم هي يلاه كانت ناوية تمشي لدارهم جرها هو لداك جريدة فين تلاقاو اول مرة وهي مسكينة غير كتبرقق في عويناتها دواتها وصوتها مجهد شوية مزادو غير جمال " خاصني نمشي لدار "
دار شاف فيها وعاد تفكر شوفات الماط وهو يتعصب ثاني راه حمق ومقطع لوراق وغير هارب من الطبيب وصافي 😂
جلسها بهدوء وهو ناوي يفهمها بشوية لعلة وعسا تفهم راسها وحوايجها هادو
دوا وهو متبسم في وجهها الملائكي " اجي بغيت ندوي معاك فواحد الموضوع ونتي قوليلي واش عندي صح ولا لا " حركات راسها بأه زعما تفضل وداكشي لي كان
" دبا حنا مسلمين ياك وكنأمنو بالله وبالرسل ديالو وحتى بالملائكة والقرآن ياك " هي حركات راسها بزربة بأه وكمل هضرتو " ونتي عارفة الله شنو قال عليكم نتوما العيالات وشنو اخر وصية وصها عليكم الرسول صلى الله عليه وسلم " حركات راسها بأه وكتسناه يكمل " وصانا عليكم بالخير ونعتانو بيكم ونديرو بهضرتكم ونتيقو فيكم واهم حاجة نحافظو على حقوقكم وبالمقابل خاصكم تحتارمو شي حوايج لي عاينا وعليكم باش متغضبيش الله منك وباش يحميك ويرعاك ونتي ديما تحت رحمتو " هي صافي عرفاتو لاياش كيلمح وفهمات علاش ناوي يهضر اصلا هادشي هي قاريا عليه وفاهماه غير الله مزال مهداهاش وصافي ونيت كانت ناوية تشوف مدا العلم ديالو فهادشي هو كمل وعرفها فهمات من الحركات الجسم ديالها" دبا نتي عارفة انك من الكاسيات العاريات ومكطبقيش سنة وكتزيني لغير حلال عليك وهادشي خايب وبزاف زعما نتي بنت ذكية معارفاش هادشي؟ " سولها وهو مترقب الجواب ديالها كيفاش غادي يكون شتي عصام نوى على عشق وهاذ السؤال سولو لبنات كاملين وكلهم عطاوه تقريبا نفس الجواب ولي هو راهم باقيين صغار على تعقاد ديال والو وان الله بغانا نعيشو في الحرية ماشي تقيد هي حنات راسها وضميرها كيأنبها كلامو صحيح ومافيه حتى شي ذرة خطأ بقا فيها الحال وردات عليه بصوتها لي ولا ضعيف وفيه رنة ديال الخجل لي سيطرات عليها " انا عارفة لي كانديرو ممزيانش وكيغضب ربي وكايناش ولكن وكل نهار كندعي لراسي بالهداية في صلاتي انا الانسان وكانخطئ " شاف فيها بحنية ودعا ليها بالمغفرة وعرف انها انسانة كتعتارف بالاخطاء ديالها ماشي بحالي كينكر وكيتعصب غاع من هضرتو تكلم وهو كيهضر معاها بشوية " على الاقل لبسي حاجة مستورة الا ماكنتيش باغا ديري الحجاب ماشي هاذ لبس هاذا ذبا تخيلي شحال من واحد غريتيه برجليك لي معريين ولا يديك ولا حتى وجهك راه كل واحد فيهم كدي ذنب ديالو" قطعاتو في هضرتو " ولكن هما لي مكيشوفوش في لارض " راه تاهذاك ذنب عليهم وحتى نتي الا ماشفتيش في الارض راه ذنب عليك "شافت فيه ببرائة زعما راه فهمت شنو بغيتي توصلية تبسم من الحركات دياولها كلهم عفويين وزويونين كلشي فيها كيفتن داز من حداهم واحد الدري كان كيقرى مع عشق لعام فات وكانو اصدقاء عادي وداك دري كيعتابرها ختو صغيرة وقف عليهم " هاي هاي الانسة عشق شكاديري هنايا خرجو رجليك لشواري " هو قالها بالضحك ولكن راه خايف على عشق حيتاش كيعرف عصام من البعيد وعارفو ماشي هو هذاك هي ضحكات وبغات تعرفهم على بعضياتهم " فوفو لباس فين غبرتي المهم عصام هذا فؤاد وفؤاد هذا راه عصام كيقرى معايا" هنا عصام زير على يديه 1 حاجة دلعاتو 2 حاجة كتحجج ليه وهو شغلو لاش كيسولو سلم فؤاد على عصام سلام رجولي وجلس معاهم
عصام ضايق وكيشوف قدامو ببرود اما فؤاد فكايضحك مع عشق معلابالوش حتى صافي ناضت من حداهم بغات تمشي وبما ان عصام كيسكن حداها قالت ليها يلاه معايا هو فرح حيتاش غايتهنا من داك فؤاد دوالو اما هي ولافات عصام كضحك معاه وهو كيضحك معاها مكاين حتى مشكيل كيتاناقشو على الكتاب ديال قبايلة وكيشرح ليها هاذ القانون حتى وصلها لحي عاد تفارقو كل واحد مشا لدارو هي دخلات لقات مريم وهبة كيتفرجو في تلفازة ودخلات عند ماماها لي كتوجد في لغدا ومع هي مكتسكتش عاودات لمها كلشي من a حتى z ومها حيتاش عاودليها على داكشي لي طرا لبارح عرضات عليها تجيبو لدار يتغدا معاهم ردا للجميل ديالو ونبهاتها انه وخة يكون فيه الخير متمشيش معاه بزاف كيبقى دري ومافيه ثقة هاذو توصيات ديال الام ديالها وديال جميع الامهات ماشي غير هي كلشي كيحاف على ولادو الا لي قلبهم بارد هادوك حاجة اخرى
دخل سي عبدالله لدار وهو كيلحن داخل لمراتو بالفرحة " زين ولطاي كلشي تما وياجميلة يالمرضيا لالة لالة ويا جميلة ايوا الاة جميلة زين وتباتو شنو دايرة لينا في لغدا " هي تبسمات ابتسامة باردة زعما راني عايقة بيك " لعععععدس" شدات فمها عشق حابسة ضحكة اما هو ابتاسمته زالت بخيبة معندو ميدير كان يصحابلو ليوم جمعة غادير كسكسو بسبع خضاري لكديرو كل جمعة تأسف على حالو ومشا لصالون وهو يجر رجليه بحزن جلس وهو يعيط لبناتو بثلاثة بيهم ومراتو كتشوف فيه من الباب ديال الكوزينة عنقهم كاملين داك تعنيقة لي كيديروها لاعبين فاش كيبغيو يتافقو على شيحاجة هاديك
دوا بشوية باش متسمعهمش مولات دار
" بالية مكم عيات وشرفات اش باليكم نتزوج ثانية" كلهم رفعو راسهم كيشوفو في جميلة لي بدات كتشك فيهم ونقزات عشق باغا تنساحب زعما راه ممتافقاش معاهم جرها عاوتاني لعندو وقال" اودي سمعي كلشي وحكمي اش بالك نجيبو لمراة تانية وتطيب وتخمل لانتوما لامكم غادي ديرو شيحاجة " تبسم بمكر وهو ضاحك لبنات هزو ريوسهم زعما بالموافقة ودارو شافو في جميلة
" شي داك الزواج هو لي عمرك لاشفتيه من ورايا ومنين غنموت غنسحر ليك باش تموت معايا افهمتي ياه" هضرت لالة جميلة ببرود و دضارة لكوزينة عشق شافت في عبدلله لي عرف مراتو تقلقاتو " لحق مراتك راه تقلقت علينا وحنا مزال متغدينا راه غاتجري علينا كاملين " مشا بغا يصالحها وهكذا قضاو ليوم ديالهم في نشاط والحيوية حتى نعسو عشق مبغاتش ترجع للمدرسة حتى لغدا ونيت عاودات لباها شكاين وهو عارف بنتو وعاجنها بيديها مغاديش تكذب عليه اما في دار ديال لعصام فحجا اخرى حيث ليوما روبو فشركة كلها مخدامش هاذ نهار كامل لحتى لغذا فليل تغداو في هدوء غريب كيكرهو عصام وبشدة فيناهوا الجو العائلي لي كيسمع عليه ديما فيناهو الحب والحنان ورابطة الاجتماعية لي كيقراو عليها دار عندو باه سيدا حمد ببتسامة متعبة " الله يرضي عليك اولدي ديما هازني فوق كتافك هزيتي الحانوت وعرفتي تسيرو ومخليتي حتى مشكيل فيه لقيت كلشي ناضي" ربط على كتافو وعصام عجبو الحال كيبقى مراهق ومتشوق للحنان ديال والديه لي معمرو حس بيه ومن بعد غادي نشرح ليكم علاش ضحك ليه عصام وكمل ماكلتو ومو غير كتشوف فيهم
دار عند ختو جنات لوحيدة لي كتخفف عليه لقاها كتشوف فيه وضحك استغرب ورفع حجبانو زعما مالكي هي مدات يديها لوجها ولوات الموستاج واشارت لوجهو زعما راه كبر ليك الموستاج هو نفخ صدرو وبكل غرور مسح على موستاجو هي طلقات ضحكتها في ارجاء المنزل شي لجذب الانتباه ديال سي حمد ومراتو وبتاسمو حتى واحد ماباغي تكون عائلتو حزينة غير ظروف وصافي
من بعد مسالاو لغدا ناض عصام جمع طابلة مع مو حيتاش معندهاش من غيرو هو وجنات شكون لي غايعاونها ومشا لبييتو يستارح شوية دار مع صحابو في لعشية يمشيو يلعبو كرة في تيران وبالفعل داكشي ليكان رجع لدار وتعاشا صلا صلاتو ونعس من تعب لغدا في دار ديال عشق ناضت معطلة مع فاقت من حلمة لي كتراودها ديما ونعست في الفجر ومافاقت حتى لدبا خرجات كتجري ملحقاتش حتى الفطور ديالها لي بلابيه مكتقدر دير والو كاتولي مكلخاااا وفيها غير نعاس وصلاة لمدرسة ومهلات معامن تزدحات مع الاستاذ مع المدير مع التلاميد مع كل شي وصلات لقسم بعد معاناة وعندها الحصة ديال الاسلاميات صافي تما فين قررات تنعس
دخلات سلامات على كلشي ومشات حتى لطاولة لخرة ودارت شكارتها فوقها ونعسات مشافت لا لأستاذ لا لغيرو ومن حسن حضها الاستاذ منتابهش ليها غير جا جلس في لبيرو كيتكونكطا
داكشي دخل عصام معطل كالعادة وكيقلب عليها بعينيه والو مشافهاش مشا لطاولة لخرة وهو يلقها ناعسة تما اجو نوريكم كيكانت شعرها مرون ومطلوق لقصة جامعها ببونضو بيض لابسة سروال كحل شارلي معاه صوفيطما نص كم في البيض عندها جويب في الكحل جيهت صدر ومع هي متكيةعلى الطاولة مشافش تريكو كيداير من لور شافو غير قصير من جيهة لوخرا ديال الظهر وعلاين يبان ظهرها وجهها لي كان داير ناحيتو كان فشكل اول مرة يشوفها مغمضة عينيها عاد شاف شفرها طوالين والكثافين وحناكها الحومر بالنعاس وفمها لمحلول شوية ومنفوخ وحميمير غيطرطق بالحمورية وسنيناتها لي كيبانو كان كيبحث على لخالة لي هبالاتو اخر مرة ساعة كان من جهة ثانية ودنيها مفيهم حتى حاجة راه ملحقاتش حتى تفطر لحساك ديرهم الحاجة لوحيدة لي لحقات ديرها هي داك ليلونتي حيتاش هما باش كتشوف ونسات ونعسات بيهم في القسم حريرتها حريرة جبد لفيستة ديالو ورماها عليها بالخف منين شاف كلشي كيتحاجة ومداينهاش في العالم لاخور الا شوحدين طبعا ودار حتى هو داير راسو كيتكونكيطة اما هو فراه كان كيصور فيها وكيجات تصويرة منعاودش ليكم مع تيلي ايفون كيفاش مبغيتيهاش تجي زوينة