عشق عصام ( متوقفه)

الحلقة 4

هاي البنت هاهو الفصل لي واعدتكم بيه وخة عندي بزااف ديال حوايج خاصني نديرهم ولكن فاش كنجلس كنكتب ليكم وخة غير شوية
ديرولي واحد النجمة راه مغاتخسرو والو هاهي تكي عليها عاد بدا تقراو باش متنساوهاش 😘
__________

تذكير
جبد تيلي ديالو ودار راسو كيتكونكطا اما راه كيصور فيها ومع تيلي ديالو ايفون كيجو تصاور فنين وخة تكون اقبح خلق الله تبان زوين الله يجيب لينا بحالو تاحنا وقولو امين
وهو جالس يزومي هنا وهنا هي بدات كتعنكش وكتحس عينيها كيحرقوها تزيد شوية تبكي دم حلاتهم مخسرة وجهها وهو عاجبو الحال بحالي كيتفرج فشي فيلم المهم هي ناضت كتفرك فراسها والبونضو تخسر ضارت عندو لقاتو كيهدر مع واحد دري حداه صاوبات البونضو وعينيها ماشي غير كيحرقوها حتى عينيها دمعو خاصها تمشي تقادهم ضاروري دار عندها
عصام: صباح الخير أزين
عشق كانت مزال حانيا عينيها في طاولة حتى رفعاتهم فيه وهو يتخلع عينيها كانو حومررر بزاااف ومدمعين هي مكمشة ملامحها بألم

عصام : مال عينيك حمرين واش مراضين دوي ؟
عشق ردات عليه منين شافتو محبسش من الهضرة: والو غير الرواح هاني جاية
ناضت كتميل باقي فيها نعاس ومساخياش من هاديك البلاصة ستأذنات من الاستاذ باش تخرج لطواليط وداكشي لي كان مشات كتجري ليه اما عصام فخاطرو كيضرو عليها
غير دخلات لطواليط مدات يديها كتحيد ليلونتي لقاتهم جفو في عينيها وحتى لبواطة ديالهم مجابتهاش هزات نظاظر ديال الشمس لي كانو في جيبها ومشات لقسم لي غادخلات ليه صونات ساعة هزات شكارتها ومشات لدارهم كتجري باش تلحق على الاقل الساعة 3 ندوزو لعصام كانو في الحصة ديال الفرونسي كيفكر غير فيها هي معامن تشاورات حتى مشات بلاما تقولها ليه حتى هضرات الاستاد كتقول
الاستاذة : رقم 18 قرالينا صفحة 2 ولاحتى نعرض عليك
مجاوبها حتى شي حد وكلهم كيشوفو في عصام لي ساهي هو ماشي تقصد ميجاوبهاش ولكن هو اصلا معارفش الرقم الترتيبي ديالو
هزات الاستاذة ملف الغياب تعيط بالارقام ونيت تقيد الغياب
كانت الاستاذة من ذاك الشيخات حجبانها مطراسياهم بلون الكحل وشعرها زعر زعفراني دايرة حلقات كبار ديال البلاكيور وحدا الاستاذات كتقول ليهم ذهب العياقة وكلشي المشكل عارفينها كتكذب
فمها فيه عكر غوزي غامق وذايب هي خمسين ولابسة لمنمر
1 حاضر2 حاضر بقات هكاك حتى وصلات لستة وكانت عشق
عيطات على سميتها وتاواحد معرفها حيتاش كتقولها غلاط حتى سمع سميتها عصام صححها ليها بإبتسامة مستفزة حيتاش فايت قاري عندها لعام لفايت وعارفها شكاتسوا مزياااااان

عشق العالاوي سميتها ماشي كيف منطقتيها ااستاذة
استاذة : اوووه شكون هنا عصام شرفتينا
توحشتك مشفتش كمارتك من العام لي فات

عصام : حسيت بيك توحشتيني داكشي علاش معطلتكش وزائد هاديك لكتعيطي عليها سميتها عشق
استاذة خديجة : وااااو الحب معليش المرة جايا نقول سميت حبيبتك مقادة وبما ان حبيبتك غايبة تانتى تكركب تبعها
عصام بالفرحات عليه: وخة مندير لخالتي خديجة غير داكشي لي بغات
خديجة غير سمعات ذاك خالتي طلع ليها دم تكون فعمرها شي 50 ومع دالك حاسبة راسها في العشرينيات
خديجة غوتات حتى بح حلقومها: يخويليك الركابي حتى نكون شارفا عاد نكون خالتك يالحمار ممربيش