عشق عصام ( متوقفه)

الحلقة 7

نجمة 💫وكومونطير 💬

غير خرجو وصلها حتى الحي وطريق كامل مهدروش مع بعضياتهم
هي دخلات لبيتها بزربة باش ميشوفوش لحمها لي كلو حمر هزات حوايجها من الماريو بيجاما كلها كحلة مكتبين والو حتى عنقها مكيبانش دخلات دوشات وغير كتشوف في لحمها وتبكي بقى فيها الحال بزاااف خصوصا الشخص لي كتبغيه هو لي داير ليها هاذ الحالة كانت كتشوف البنات لي كيكونو في علاقة مع دراري عايشين بسعادة ووخة هي وعصام ممصاحبينش الا انه ولا كيتدخل في حياتها كاملة حتى لباسها لا وضربها حيتاش الكسورة قصيرة كان كيضرب بواحد الشراسة عمرها شافتها وكتقول في راسها هاذا مريض وخاصو يتعالج ميمكنش شواحد طبيعي يضرب بحال هكا حسات بالحكرة لي عمرها عرفتها حتى منين جات حسات بالظلم وبالاشمئزاز من عصام خرجات من دوش وشعرها دايرة لو زيف حياتي تكات فناموسيتها كتفكر وكتعاود في هادشي لي طرا ليها من هاد المنبر عمرها تفكر في الحب ولاتعاود تقربلو وعصام الا عاودات هضرات معاه راها ماشي عشق بقات هكاك حتى داها نعاس

في الجهة الاخرى كاين عصام لي عاد دخل لدارهم فيما كيوصل ليها كيحس بالكئابة الشديدة مشا لبيت ختو لي كتفوج عليه دخل لقاها ناعسة مبغاش يبرزطها وخرج مشا لبيتو حيد سبرديلتو ودارها في بلاصتها وتكا فبلاصتو كيفكر في داكشي لي دار في بنت ناس هو عارف وندمان اشد الندم ولكن راه غيرتو قاصحة بزااف ودمو سخون من عند الله وكيطرح على راسو بزاااف ديال الاسئلة واش صافي غادي تبعد منو ؟ مغاتجيش عندو فرحانة وتنطق بعصام بصوتها الملائكي ؟ واش مغاديش تبتاسم ليه مرة اخرا ويبانو سنانها والغمزات دياولها وعينيها لي كيتسدو فاش كتوسع ضحكة ديالها ؟واش سلا هادشي كامل شوية استوعب فاش كيفكر فيه لقا راسو كيدقق فيها كثر من حياتو تفاصيلها حافظهم كثر من اسماء عائلتو حك نيفو كيضحك معارفش هاذا بداية هوس وجنون لهاذ البنت وهو كيضحك وكيتخيلها قدامي ومعاه فينما مشا
عصام غمض عينيه الحادين منبعدما حيد نظاظرو وهدر بصوتو الرجولي المميز : غادي تسمحي ليا احبيبتي غير تهناي بالسيف ولابالخاطر مكيهمش ونتي ديالي طوال زمان ولاقصار مغادي نخليك لحتى شي شماتة وهانتي غادي تشوفي
هز المخدة لي معاه ودارها قدام عينيه فتحهم ببطئ وفيهم لمعة غريبة بزااف ديال التملك ديال تهديد بحال هكا تخيل عشق هي داك المخدة وقربها ليه كيعنقها بلطف شديد بحالي هي ضبصح وخشا نيفو في المخدة وكيشمشم فيها باغي داك ريحة لي فعشقو باغي يشم داك ريحة الاطفال لي هبلاتو وخلاتو يحماق عليها شوية وهو مغمض عينيه غادي نلقاو عشق مابين الاحضان ديالو دايرة يديداتها صغار على كتفو وكتقرسو قريصات كيوت لي خلاوه يحل عينيه بلهفة فيها لقها قدامو كتبسم ليه بلطف وفيمها الفتان قدامو عينيها القهويين كيشوفو فيه من تفاحة ادم حتى لعينيها بحال نظرة ديالها داك نهار وترجع تشوف في فمو
( واحد الفاصل كنحس بيكم من كثرة ماكنوصف عشق نسيتو عصام كيداير
عصام ياعصام طولة طويل يكون تقريبا طويل على عشق غير شوية سميمر داك لون الفتان عينيه الكوحل فتانين ورموش ديالو طوالين حجبانو غلاضين ومرسومين بحبكة من الله عز وجل نزلو لنويفو المنقاد جاي مع وجهو الرجولي ومع فمو لي ماشي لونو فاتح ولكن عاوتاني ماشي لونو غامق بزااف مابين وبين واش عرفتو داك شعيورات لي كينوضوهم دراري تحت فمهم وفي القويديمة معرفتش شنو كتقولو ليها كل وحدة تقولينا شنو كيقولو ليها في مدينتهم ايوا والفك حاد بامتياز هو وسيم وبزاااف ولكن المظهر ديالو بسيط للغاية وحيتاش مكيعتانيش براسو خلاوه يبان في شكل مطلع شعرو بجيلي كيجي فن اما الجسم ديالو ماشي معضل لا عادي ولكن صحيح مع هو حياتو كامل كيدابز وقف صحتو وجسمو قصاح عنقو ويديه فيهم العروقة مبارزينش ولكن فاش كيتعصب راه ماشي غير كيبانو راه كيخرجو من بلاصتهم ايوا هاذا هو عصام ملامحو رجولية كتخلي اي وحدة تنجاذب ليه نظاراتو الحادة كتخلي اي وحدة تبغيه ودبا نكملو)
زير عليها بيديه ممتيقش واش عشق هنا معاه وفي احضانو تبسم بفرحة كبيرة وشاف فوجهها البيض وبالاخص فملامحها الانثويين فيها غاع لي كيبغي فالبنات لا وفيها شيحوايج خلاوه يزيدهم فالقائمة نزل عينو وعاود طلعهم باغي يتأكد لقاها كضحك ضحيكتها الكيوت قرب ليها بوجهو وهو كيستنشق الاكسجين لي كتخرجو وعينيه غير على فمها الحميمر قرب ليها ببطئ شديد وحط فمو على فمها متحرك ماوالو كافيه الاحساس دافئ لي كيحس بيه كافيه الحضن الحنون لي هو فيه كافيه وجودها بقربو سمع دقان في بابو دور راسو مخلوع لعشق فين غادي.... فين غادي شنو يخبي مخذة عاد عرف راسو حماق ديال ضبصح واش كان كيتخيل عشق ولا شنو واش كان كيبوس فمخدة ؟؟ اويلي على زهرو المكوز ناض وحط المخدة لي يلاه كانت عشق ومشا حل لباب لقاها الكتيكيتة ديال جنات كتفرنس تلاحت عليه كتعنق وتبوس فرحانة بخوها حتى هو شدها وسد الباب ورجع الناموسية ديالو جلس عليها ومجلس ختيتو فوق حجرو
عصام ببتسامة شاد فنيف ختو : الخنيفيشة فقتي ؟؟
جنات ببرائة فكراتو بعشقو: انا ماشي خنيفيشة انا جنات
عصام ضحك بمرح وقرصها من حناكها بجوج: لا نتي الخنيفيشة ديالي بوحدي ديال خوها نتي الاميرة ديالي ياك؟؟
جنات بضحك وفرح : اه اه انا
عنقاتو وكملات هضرتها : دير ليا طيارة شحال هادي مدرتيها
شاف فيها كيضحك وتكا فوق ناموسية وهزها وادارها فوق رجليه ورفعهم لفوق هي طلقات يديداتها وكتخيل راسها كطير ( دراري صغار كاملين لعبو هاذ لعبة وبطبيعة لحال كلنا لعبنا هاذ لعبة )
منين عيا حطها وهي بدات كتنقز فوق صدرو سيدة مشارجيا اصلا هي عاد فاقت وبغيتيها تعيا
مد يدو لمجر ليحداه وجبد منو شكلاطة ديال عشرة دريال ومبينهاش ليها
عصام شدها من يديها : دبا انا وياك غانلعبو واحد لعبة سحرية تلعبيها؟؟
جنات بلهفة: اه اه نلعبها نلعبها
عصام: يلاه ركزي معايا مزيان هزي يديك وعرضيهم ليا بحال السراق
جنات دارت داكشي لقال ليها وهو جبد داك الشكلاطة ووراها ليها عرض يديه بحالها ويدو كمشها على شكلاطة قال كلمة ابراغادابرا واوبا اختافات شكلاطة من يديه جنات تصدمات اويلي فين مشات شكلاطة ديالها
هز يدو ودارها مور ودنها جبد شكلاطة من تم كيدارلها الله وعلم فرحات وبدات كتصفق عطاها شكلاطة وحطها في الارض هي مشات لبيتها تقرا شوية ( ديرو نجمة اشكيلاطات عاد كملو القراية )😘
وهو هز تيلي ديالو يتكونيكطا وهو كيكتب مع صحابو تفكر طريقة ديال الضرب ديالو وحتى فاش كان مع نوال فنعاس ونع بزاااف ديال البنات ماشي غير هي كان كيميل يضربها كثر ماانه يبوسها ولا شي حاجة اخرى دخل لغوغل وبدا كيبحث واش كيعجبو الحال فاش كيشوف شيواحد كيتعذب ؟؟ معرفش ولكن هاهو كيقلب حتى لقا واحد الموضوع ديال سايكوباطية دخل ليه ولقا شحال من حاجة مشتاركة بيناتهم ولكن تعذيب حتى يشوف دم لا اكيد لا
بدا كيقلب مرا اخرى ولقا واحد الحاجة سميتها سادية والمشكل هنا انه كلشي ليفيها فيه اويلي لا واكبر من هاذا انه مريض نفساني ياسلام كملات هادشي لي مان محتاجو بالضبط ناض كيمشي ويجي فبيتو واش الحاجة لي كان خايف منها حياتو كاملة طايح فيها ومفخباروش حاول ماامكن ميمرضش نفسانين بحال والديه حاول ماامكن يكون سليم مافيه والو يخرج من هاذ دار سالم غانم ولكن لا كلا ثم كلا حس بغضب شديد من نفسو لي ضعيفة جلس شاد فراسو دبا شنو لحل واش فيما يبغي يدير شيحاجة مع محبوبتو خاصو يكون عنيف لا خاصو يتعالج باش ميضلم معاه حتى شي حد ترفع اذان ظهر وناض توضى ومشا يصلي يستغفر الله ويدعيه بالهداية لما لا وهو القادر على كل شئ سلا مشا يتغدا في جو من الحزن والكئابة ومشا يبدل حوايجو باش يمشي للمدرسة
نمشيو لواحد شخصية حرام منذكروهاش في الفصل ديالنا ولي هي نوال من بعدما طرا داكشي فيشي مع عصام ممشات لمدرسة علاش غادي نعرفو سبب دبا