هلو بنيتات بخير جيت بفصل رائع نتمنى يعجبكم
المهم نبداو بلاما نطول ديرو نجمة معاكم راه مخاسرين والو
------------_________--------------_______--------
نرجعو عند عصام لي كان ناعس شاد داك الناموسية كاملة بجسمو ضخم بمعنى الكلمة كلشي فيه كبير كيهبل ناعس على كرشو كيورينا عضلات ضهرو المتناسقة تخلي اي واحد ينادهش منها يديه المسرحين على فكرة ناعس عريان كامل لابس غير البوكسر لي كحل فخادو المعضلين وحتى رجليه منفوخين نطلعو كثر لوجهو ناعس وعاقد حجبانو حتى راحة مكاينش في النوم ديالو شوية حل عينيه ببرود فاش سمع خطوات كتقرب لبيتو بقا مجبد في نفس لوضعية متحركش تسمعات دقات خفيفة على الباب ومن بعد دخل محمد كيتبسم ديما كيلقاه في نفس الوضعية ديما
محمد بحزن : فوقتاش ناوي تبدل قولي واش باغي تبقا بحال هكا
مسمعش الرد كالعادة وصراحة حتى هو متسناهش يرد
محمد بسخرية : لطالما كنتي قوي وكنتي القدوة ديالي بالا بيك موحاش نكون حي كون انا دبا تحت تراب وكلاني دود
عصام بضحكة سخرية : انا القدوة ديالك؟ طلعتي حمار هااا حتى الاختيارات عندك بحال الخرا ناس كياخدو قدوة شي واحد أخلاقو زوينة حياتو زوينة علاقتو مع الله زوينة عندو عائلة ماشي يتيم
محمد كيضحك بهدوء: ياريت كن كان كلشي مكتامل حتى حد مبحال هكا على أي نتا ضحيتي بحياتك كلها على قبلي وخة انا منستاهلش, حتى الحاجة الوحيدة زوينة لكانت عندك تخليتي عليها علاش؟ علاش هادشي كامل غير قولي؟
عصام تفكر حياتو لي ضربها تران حياتو مهدمة مافيها ولا طوبة مقادة كلها مخربة : علاش باغي تفكرني بزز ؟ نوض قود من حدايا باغي نعس جبتيلي الاعصاب
محمد طلق الضحكة : جبتلك الاعصاب ؟؟ اويلي يحصلي الشرف والله موح عليك اغزالي
ركلو لاخور بلامبالاة مكركبو من فوق ناموسية
حتى خرج عاد دار عصام جيهة الباب دار يديه تحت راسو وكيتفكر
Flash back
جالس عصام هو ومحمد فساعة ديال المدرسة
فاش كانت عشق جالسة مع منال وقبل متبدا ذلك الحركات كان هما خططو اجيو نسمعو هضرتهم هاذ المرة
عصام بضحكة : هههه ايوا شنو الجديد
محمد بجدية : فوقتاش غادي نحرقوا اعصام
عصام بجدية : نشدو الباك ديالنا ونتوكلو كل واحد يقضي مدة مع عائلتو ومن بعدما يوصل وقتو نمشيو فحالنا
محمد وهو كيشوف في الارض : كيفاش غانقدرو نتخلاو عليهم
تبسم عصام بحزن وهو كيفكر في ختيتو اميرتو الصغيرة ومو وباه و و عشق ؟؟ : معرفتش ولكن هادشي لمصلاحتهم الا بقينا حيين غادي نرجعو ليهم وحنا مرفحين الا متنا تهناو منا
محمد وهو كيشوف في عشق مع منال : وعشق ؟
سبحان الله عاد تساءل نفس سؤال لمعندوش جواب
عصام هبط راسو كيفكر في عشق عشقو : باغيها في حياتي ولكن معندي ليها جهد الا بقات حتى نرجع هي ديالي لامحالة والا لقيتها مشات نقلب عليها هي في كلتا الحالتين ديالي بوحدي
محمد بإبتسامة : ايوا نوض شوف شنواقع موراك راه مبانيش لي داكشي هو هذاك
أنت تقرأ
عشق عصام ( متوقفه)
Romanceجيت وجبت ليكم الجديد✊✊ كيفاش لا وهاد القصة فيها احداث لي مكيتنساوش✨✨✨ باقيين في ميكتهم غير سمية تبينليك لبلان 👽👽👽 القصة نار فلاكغار فيها💥💥💥 كل مكتمناو الغيرة 🌝🌝الحب❤️❤️ العشق😻😻 الهوس👹👹 المرض😹😹 القتيلة 🏋️🏋️🏋️شعبية🤺🤺كلام الخاسر 🤬�...
