عشق عصام ( متوقفه)

الحلقة 2

هلوووو كبيداتي كنحاول دبا نكتبليكم ماامكن من الفصول باش متنساوش الاحداث وباش القصة ماتجيكمش مملة متنساوش نجمة وكومونتير حلو بحالكم ويلاه نبداو على بركة الله
______________________________________

اصبحنا واصبح الملك لله صباح جديد بأحداث جديدة كلها حماس
كان البارح هي أسوأ ليلة دوزاتها بطلتنا من بعد ذاك الحلمة جالسة فوق سريرها وهي كتشوف في سقف ساهية فلامكان حتى دخلت ماماها عليها وهي مخلوعة مولفة بنتها كتكون ناضت دبا وخة تكون نعاسة ولكن متفوتش دبا جات عندها وقالت ليها "بنتي ياك لاباس مالكي جالسة بوحدك هنا" شافت فيها عشق بعنين مغرغين وببراءة دوات على حلمة لي شافتها وغير سالات بدات كتهرنن
عنقاتها لالة جميلة بجهد وهي كطبطب عليها وتقول ليها بسم الله عليك حتى نساتها في كلشي وناضو يفطرو في الجو ديال ديما تفارقو هبة وعشق وكل وحدة ماشية لمدرستها
منين وصلات عشق لمدرستها بغات تجلس في جريدة شوية عاد دخل حيتاش جات بكري داكشي لي كان شافت واحد الكرسي خاوي فوقو شجرة وعجبها لحال اه نسيت نوصف ليكم البطلة شنو كانت لابسة كانت لابسة سروال شارلي باج وصوفيطمة نص كم في زرق فاتح كتموت على هاد لون وشنو دير سبرديلا في البيض ودايرة غرينات شاداهم شفنجة كل وحدة في جيه كيدارة ضفراتو الله وعلم جبدات تيلي ديالها بغا تلعب لعبة لحنش حتى جلس حداها شي حد نمشيو لجهة لوخرا لي فيها بطلنا
فاق بكري وصلا لفجر وغير سلاه تفكر عشق مكفاهش انه مخلاتوش ينعس هاهو تفكر رجع لنموسيتو والو واش جاه النعاس بقا هكاكا حتى ل7 ونص وتحرك لبس عليه تريكو نص كم في لكحل برزو كتافو لعراض وسروال حتى هو فلكحل هز الكاسكيت ديالو في لكحل من بعدما مشط شعرو ورجعو لور ورش عليها ريحتو الرجولية دار ساعتو فيدو كانت عادية غير ديال 30 درهم غير باش يشوف شحال ساعة وصافي لبس سبرديلتو وتحرك لمدرسة صيفط ميساج لصاحبو وعرفو مجايش وحتى هو ناوي يلقاها غير هي ويغبر عاوتاني غير يرتاح قلبو وعلقو عليها ويتحرك
وصل لمدرسة ومشا جهة جردة باش الا دخلات ينومرها من البعيد غير دخل وعنيه لي دايرين كيف الصقر شافها اصلا ماشي شي جردة لي كبيرة باش يتلف المهم اصلا كانو تقريبا غير شي 3 ديال كراسة تقدم عندها وهو كيتمختر بكتافو وهو كيعبر فيها بعينيه اجي نوصفها ليكم كيدايرة من منظور ديال عنيه داك سروال لباج ترفع شوية وبانو ليه رجيلاتها البيبضين وعاد هو شاف سبرديلا فين بقا عاقل على شي حاجة اخرى طلع عينيه عبر داك سروال لي وخة شارلي كان مزير عندها من جيهة الفخاد كملات على اشنو طراليه البارح شاف جيهة داك الكريشة لي عاطية واحد المنظر ياسلام اشنو يقول جات معها وصافي وطلع عينيه لصدرها المرفوع دغيا حيد عينيه من تم حيتاش صافي سيد صعر بالبيان دوز عينيه لكتيفاتها البويض وهبط عينيه ليديداتها المطبزين والحميمرين كانو فيهم شي خواتم هبلاتو فيهم وطلع وجهو اخيرا لوجهها واول حاجة لاحظها هو شعرها المضفور ومع هو عزيز عليه ضفيرات كيديرهم لختو صغيرة مبقا مايقول نزل عينيه لوديناتها لي فيهم حويلقات فشكل على ديال البارح ودور عينيه لعينيها الكوحل ومشفرين وحجبانها المطراسين نويفها المنقاد واخيرا لي جابوليه تمام شنايفها لي كتعظ فيهم دبا حاليا تفقص فقصة ديال العذاب علاش ميكونش هو لي يعضهم مشا زرب وجلس حداها قبل مايسبوقو شي حد هنا هي لاحظاتو
دورات عينيها وشافت فيه بذاك العفوية ديالها وصبقات الهدرة بصوتها الملائكي "صباح الخير "فرح واحد الفرحة وعجبو الحال بزااااف جاوبها هو وكيدير راسو مرزن ومعرفت شنو " صباح الخير " قالها ودار عندها كيتمعن فيها بلاحشمة هي منين شافت شوفاتو هبطات عينيها بخجل وحمارت بزاااف كتحس حناكها غايطرطقو بالحشمة هو شاف فيها ناري صافي كملات عليها الا عضها دبا ولا دار فيها شي حاجة راه هي السبب هو مدار والو بغا يضحك معاها وقال بصوتو رجولي " مالك حماريتي بحال مطيشة وكنقول علاش غلات" معرفش راه زاد حشمها ماشي ضحك معها اصلا هو رجل وضحكو خايب الا بغا يقول شي حاجة ضروري تكون شي كليمة خارجة طريق وهو ضحاك منين شاف راسو زبلها نزل عينيه شاف واحد الكتاب محطوط حداها ونطق سميتو " العادات 7" وكمل هضرتو " واش كملتيه " جاوباتو وعينيها كيلمعو عجبها حال فاش شافت شي حد مهتم بالكتوبة " مزال راني فصفحات الاخيرة " هو عجبو لحال وبزاف ملي شاف شي حد مهتم بالكتوبة بحالو هاذ الكتاب قاريه وهو لي خلاه يفكر في شلا حوايج وهما لي غادي يبدلوليه حياتو داكشي علاش هو مهتم بالكتوبة بشكل هستيري ولي لقاه بحالو كفرع ليه راسو بيه هضر معها بشوية " وشنو ستافدتي منو " دارت عندو بزربة وربعات رجليها فوق داك الكرسي من بعد مدارت عندو بدات كتشرح ليه وهو متبعها مهتم بيها وزاد الاهتمام ديالو بيها كثر في كثر من بعد   الساعة كتصوني هو صحابتليه عجباتها لجلسة معاه وتقدر تزيد ساعة غاع ولكن لا ختنا ناضت ونفضات حوايجها وقفات قدامو هو لي دور عينيه فيها ورفعات يديها قدامو وقالت بعفوية " انا سميتي عشق العلاوي وانت" هو ناض ووراها طول ديالو عندو شي 180 وجوبها بهدوء وكايحاول يحفظ الملامح ديالها "سميتي عصام يازيري " ومد يدو سلم عليها وهو كيمس يديها رطيطبين كل منهم ضربو ضو هي من يديه الرجوليين الحرشيين حسات بواحد الملمس لي في شكل وهي كتشوف عينيه الكوحل وكتحاول تفكر فين شافتهم حسات بإحساس غريب بزااف محسوش بالوقت وهما كيتأمل بعضياتهم حتى جات فاتي وجراتها من بين يديه وهو لي دار كيشوف فيها وداك دريكو لي واسع كان مزير من جيهة المؤخرة ديالها عض شنايفو منين ضارت وودعاتو كدير ليه باي باي بيديها بطفولية لا وشنو بانو الغمازات دياولها بإبتسامة واسعة والفرح ظاهر على وجهها الفتان هز يديه ودار ليها بايباي وهو يمسح وجهو بالاعصاب وكيتمتم غير بوحدو " مال د* مها هادي كتلبس بحال هكا معندهاش الحوايج وخة على مك" بلاما يحس لقا راسو غاير عليها ولكن معرفش متساءلش لاش قال هكا مشا فحالو لخدمتو اه خدام فواحد شركة غير سكيرتي مرة فنهار ومرة فليل دبا عرفتو منين جاب ايفون والديه عاجبهم الحال حيت واخة ساقط بزااف ديال المرات هاز راسو بيديه ممحتاجش ليهم وولا هو لي كيسلفهم وخة صالير قليل معليش وداكشي علاش اصلا سقط جوج مرات حيتاش كانو والديه دايزين من فترة صعيبة وملقاوش لي يكرديلهم البنكة مقبلاتش حيتاش هما من اسرة فقيرة والافراد كثار عندو سبعة ديال خوتو وكل واحد فين كاين كلهم مزوجين وخدامين ولكن شكون يعتق كل واحد وحياتو وولادو ضطر يغيب العام كامل تقريبا غير باش يخدم ويسعف الحالة وحمدلله على اية حال دبا مزيان ولكن لي مقايلوش لوالديه انه كيقرى اللغة الانجليزية فواحد صونطر يالاه جديد وحيتاش ديال الاب صاحبو كيقرى عندو فابور والفلوس لي كيتخلص كيجمعها وغادي نقوليكم لاش كيجمعها من بعد مشا لخدمتو وفي بالو غير عشق سميتها متحيداتش من فمو ابدا واش تقول دوز نهارو في تمارة ودار مع صاحبو يتلاقاو فليل باش يتسركلو حيتاش الا خدم في نهار مكيخدمش فليل داكشي لي كان مشا لدار كلا كاسكروط وخرج تلاقاه فلزنقة ساكنين حدا بعضياتهم وبداو كتمشاو هنا وهنا في الحي حتى بغاو يزورو الحي لاخور يسلمو على الاصدقاء القداما وداكشي لمهم مشاو تما وتلاقاو معاهم كانو تقريبا كلهم شماكرية في الجانب لاخور كانت عشق كتوجد مع ماماها لعشا حتى قالت ليها تمشي تجيب موندا يدوزو بيها بطاطا بالبيض وهي مكتقولش لا مشات كتجري تلبس صندالتها كانت لابسة بيجاما ديال البارح غير هي طالقة شعرها لور فازغ عاد دوشات ودارت ماسكات لوجيها وتأنتكات على الحالة دايرة مرطب في فمها ووجها بلق كيشقشق خرجات كتحلون في مشيتها وصنديلة ديال الميكة في رجيلاتها الحميمرين وداك لخلخال لي كل خطوة كيتسمع داك الرنة غير شافوها ولاد الحي جمعو لوقفة كيحنززو فيها ايوا راكم عارفين كان معاهم عصام ومحمد
محمد حنا عينيه واستغفر الله اما سيدكم عصام شاف فدراري شوفة ديال القتيلة ودور عينيه عليها هي وداك شعر لي هابط تحت المؤخرة قهراتو صافي حضاوها حتى مشات لحانوت وشرات كوكا وجا دايرة باش ترجع لدار كتلقا دري من هاديك الفرقة تافقو باش يجيبو نمرة ديالها وليجابها حلال عليه مدا الحياة عصام ساكت وقرب يتفرقع ونيت شايفها واش غاتعطيه بسهولة بحال لبنات هاذ اليوم
داكشي لي كان وقف عليها وقاليها وهو مبوق وذايب في زين ديالها" زين لباس كيدايرة مع صحيحة لباس" غير قال داك لكليمة ديال صحيحة طلعها ونزلها وغمزها باليسرية حيتاش ليمنية مزرغها ليه شي واحد مقدش يفتحها هي شافت فيه بعويناتها وقالت ليه " لباس لحمدلله " ضبصح هي خافت ولكن خاصها تبت باش مديرش صداع " ايوا زين متعفيش علينا وتعطينا نمرة ديالك نهضرو معاك" هي صافي غير قال هاذ الكلمة عرفات راسها واحلة وبالبيان خصوصا راه بان ليها مبوق ياسلام ياسلام المهم هي عينيها تغرغرو خوافة ومعندها مدير " معنديش تيليفون وزايدون بابا مايخلينيش نعطيهاليك " وزادت ماشية لدارهم كانت يلاه ناوية تجري وهو يشدها من يديها مزير عليها وغوت عليها بالجهد " شوفي ياهاد الق*حبة ياكما ولفتيها راه بغيناك غير ليلة وتهلاي حنا زعما ولاد دربك تسبقينا حنا لولين ولا شنو قلتي " جرات يدها ووالو وبدات كتبكي شنو عندها مادير حمارت بزااااف وهي تغوت" باباااااا واطلقني مكنعرفكش بعد منيييي " هو ضحك بإستهزاء وشاف فيها وشد يديها الثانية جارها لقنت مظلم حدا الحانوت معندو علاياش يحشم" صافي مبغيتيش بالخاطر تبغيها بزز والله منطلقك حتى الصباح ألكبيدة" هي تخلعات وعلى فمها غير ماما وبابا مونادا طاحت اما بطلنا فراه كان متبع فلول كيفاش كانت كتهضر معاه بهدوء وعينيها فلارض جاه اتصال ومقدش ميجاوبش كان باه جاوبو ومشا لجنب حيتاش كان الهراج حده وقال " الو با ياك لاباس" جاوبو باه" فينك اولدي راك تعطلتي دبا نلقاك حدايا " " وخة ابا" هكا جاوبو كيدير ليه خاطرو وصافي ضار يشوف الاحداث فين وصلات لقاها طيحات موناضة وداك خينة شاد ليها في يديداتها بجوج وهي كتبكي وتغوت هو محسش براسو حتى كان ماشي لعندو كيجري جوج خطوات كان حداه ناس كاملين كيتفرجو وكايقلو البطل ديالنا مشا فيها هو باقي صغير ولاخور يكون في اواخر ثلاتينات
دوا عصام وعينيه حومر صافي ناوي على خزيت " طلق منها الق*لاوي ولا غان*حوي مك هنا " لاخور شاف عصام وهو يجر عشق عندو من خصرها وقاليه" خااااي عصام لاباس وسير عند ماماك سلم عليها قبل ميسلم عليك عزرائيل خوك خايب والله حتى نشعل فيك" ورد عليه بطلنا لي كان شاف غير يديه على خصرها مبقا عاقل على والو حتى عطاه بكروشي لوجه هرسليه نيفو
تلقائيا لاخور طلق منها وشد فنيفو لي كلو دمايات اما هي مشات تخبات مورا عصام كتهرنن اما هو حس بإحساس في شكل بحالا هي مسؤولة منو ديالو وكتخصو بوحدو دار عندها بزربة ولعروقة بانو ليه فجبهتو ويديه "جري لدار منشوفكش هنا نشوفك نخلطك نتي وياه " هي داكشي لي دارت مشات تعيط على باها حيتاش عصام دافع غير جبهة وماشي قد هاذ المهزلة ناض هداك المبوق ورض الكروشي لعصام لي كان مستعد ياكل سلخة ديال لعصا ولكن دفاعا عن نفس تاهو يعطي حقو من كثرت لمدابزات لي مدوزها في صغرو مع دراري كبر منو محارش بزااف مع لي طايرليه لعقل لو كان بصحيحتو كون قتل عصام ولكن عندو زهر شدو عصام من كتافو وجمعو بنص باش يحكمو اما المبوق كلشي عندو تقيل مزال في عالم زمردة كيغني بقا كيضرب فيه وهو كيغلي فيما كيتفكر يديه هز يدو ضربها لمرة لولة على ركبتو ثانية ثالثة عاد تهرسات المهم برد فيه غدايدو مزيان عاد جاي باين عشق بالجنوية ناوي يضحي بهاذ المخلوق لي قاسلو بنتو ليوما تنوض لحيحة كان ناض ديك ساعات عصام على داك المبوق وكحاز لور كيمسح يديه في سروالو حتى شاف لاب ديال عشق كيجري بالجنوية تجاه لي مغط باش عرفو باها كانت عشق موراه كتجري تابعاه وهي كتبكي هو لحق باها قبل مايدوز على سيد شدو من كتافو حيتاش كان باها كتافو عراضين وباقي شاد صحيحتو وكيهدر ليه فودني" واش باغي تخلي بنتك يتيمة يهديك الله انا راه سلختو معندك لاش تكمل عليه داكشي كافي وموفي " سلا هضرتو برزانة وعرف كيفاش يهدي باهها
عبدلله دار عند هاذا لي عتق بنتو واستغرب واش هذا هو لي سلخ هذا ميمكنش دري باقي صغير
شاف بنتو لي كتنخصص ومشا عندها كيجري " بنتي لحبيبة يالبلارة لاش كتبكي موقع والو وسترها الله باقي ولاد ناس فهاد دنيا لحمدلله ماشي كلشي خايب" هي كتمسح في عويناتها وتهرنين مبغاتش دموع تحبس وشهقة مرا شهقة وهدرات بصوتها لمبحبح بالبكا" كان غادي يضربني انا مدرت ليه والو حشومة عليه "
عصام عض على شفايفو وتقدم عندها وهضر معصب من دموع دياولها وبصوتو لمجهد دوا" وراه دوا معاك باك سكتينا من تهرنين هاذي هي الحياة فيها الخايب وزوين مرة عليك ومرة معاك تقعدي لداركم كاينين هنا غير رجال " شاف فيه عبدالله باستغراب ومعاودش معاه لهضرة شنو يقوليه وهو عندو صح مشات عشق لدارهم وهي كتمسح فدميعاتها وحنيكاتها الحميمر جات كيوت وكتحمق هو فذاك اللقطة بغا ياكولها حتى يسالي داكشي لي عندو ويتقبض بيها دار عبدالله عند عصام وقاليه بجدية " شكرا اولدي كونمكنتيش نتيا معرفت شنو كان غايطرى في عشق " شافيه عبدلله وهو كيدرس حالتو شافو مرزن ومتبت عجبو لحال ملي شاف باقيين ولاد ناس رد عليه عصام وهو كيسلم عليه سلام رجولي " اي واحد كان غايدخل ماشي غير انا ماشي واجي وتعدا على بنات ناس " شاف فيه عبدلله بإفتخار عرض عليه يتعشا معاهم ولكن هو مبغاش كيتسناه باه داكشي لي كان كل واحد رجع لدارهم
فدار ديال عصام
غير دخل لقا ختيتو صغيرة كتسناه سميتها جنات في عمرها شي 10 سنين تكون بحال هكاك دخل لصالون وهو شادها فيديها كيضحك معاها لقا باه معصب وباغي غير فين يشد
شاف فيه عصام ببرود وتقدم عندو صيفط ختو لبيتها حيت عارف شنو غادي يطرا دبا
غير شافو باه مد يدو عطاه بواحد التصرفيقة وتبعها بوحدا اخرى وعصام مدواش شدو من كتفو وبدا كيمخد فيه" ياك قلتلك دبا تحضر علاش تعطلتي واش هضرتي زايدة ناقصة ولا شنو " شاف فيه عصام وعينيه حمرين هذا باه ومهما كان مخصوش يمد عليه يديه وزايدون غير معارفش شنو طرا ليه
" ادوي فين كنتي فين كنت كتشمكر عاوتاني " وبدا كيشم فيه حتى جات مراتو كتجري باغا تعتق عصام وعينيها مدمعين
" سيدي حمد طلقو اسيدي حمد راه دريري مدار والو " شاف فيها حمد وكشاكش خارجة من فمو كان غايطيح حتى شدو عصام هضر مع مو بهدوء كبير " جيبليه دواه " كالا باه بيديه حتى وصلو لبيتو شربو دواه وغطاه
غادي تشوفو باه دبا غاتقولو هذا هو الجانب الشرير في القصة ولكن لا راه باه حنين غير فاش كتنوض عليه الحالة نفسية ديالو حيتاش تعقد من ولادو لكبار كيشبط في عصام وهو حاس بيه وراد ليه البال ومكيبقاش فيه الحال بالعكس كيتأسف على حالتو وبزاف
مشا لبيتو مافيه ماياكل شي حجا صلا صلاتو وتكا في بلاصتو كيفكر في حياتو يشد لباك يزيد لقدام مايشوفش وراه ونهار لي يدير داكشي لي فعقلو ويضمن مستقبالو عاد يفكر في عائلتو
حالة الاجتماعية لي واصلة ليها عائلتو كتخليه يفكر غير يخرج من هاد الفقر لي فيه
يلاه جا يغمض عينيه وهو يتفكرها داك الفنيونة لي عاد عرفها وشطناتو المفروض ميفكرش فيها ابدا حيتاش مستقبالو مافيهش لبنات ولكن عقلو وقلبو متافقين عليه
شد تيلي ديالو وبحث على داك زغبية في الفايسبوك دار سميتها بالفرنسية وبالعربية ملقاهاش والو واش تقول
مشا الانستغرام زعما الا ملقاهاش تما يلقاه هنا ونفس شي دار ووالو واش لقاها مسكين معارفش ان في الحاصول ديالها نوكيا بيل
نعس وهو مقلق تاحجا مصادقا ليه وليزاد كمل عليه هو غدا ممساليش يمشي يشوفها خاصو يدير شي شغالات وينعس باش راه غدا خدام فليل