عشق عصام ( متوقفه)

الحلقة 15

هلوووو
لباااس ؟؟ اكيدايرين ؟
//////////)(////////()//////////)(/////////()/////////)(/////

And Flash 📸

صاط بجهد عارف راسو مزال كيبغيها واخة كانو مراهقين فلول كان كيقول شوية وينساها ولكن عام مورا عام كيلقى راسو كيفكر فيها كيتخيلها قدامو ببرائتها لي كان مولفها ضحكتها لي كتخليه غير حال فمو لدبا باقي باغيها معاه فجنبو
لكن مرجعش على قبلها مرجعش يشوفها ومنفذش الوعد ديالو ليها
خايف عليها خايف عليها بزااف وهو ختار ينتقم على يعيش حياتو عادي بحالي موقع والو يفضل ينتاحر على يمثل انه موقع ليه والو هو ماشي جبان باش يتخلى على هادشي كامل  جمع الوقفة وكيتسائل واش غادي يتلقاها شي نهار او بالاصح واش غايرجع شي نهار يتلقاها

كيسمع دقان فلباب وممسوقش ماشي لناموسيتو ينعس فيها كالعادة ولكن الدقان محبسش بالعكس زاد : دخللل
دخل سيمو كينقز بالفرحة : فاق فاق محمد فاق
عصام ناض تقاد في الجلسة ديالو : وفينهوا
سيمو بغباء: اكيد فصبيطار
عاود تكا عصام في ناموسيتو : جهز ليه غرفة بجميع الأجهزة ديالها وجيبو للدار معندو ميدير تما
سيمو بحماقة : كيفاش نجيبو سيد يالله فاق وكتقولي جيبو ؟؟
عصام ببرود مكيحملش يعاود الهضرة : غانوض لحمار دبوك غنهرسك سير دير داكشي لقلت ليك
سيمو بخوف : ولكن هادشي خطير على حياتو
عصام بلغاوات  : قود يالله !!!!
مشا كيجري ينفد هضرتو اصلا شنو خاسر وااالو
وبالفعل خلال يومين كان محمد فدار وعصام كالعادة مكيخرجش من بيتو لحد الساعة
حتى دازت سيمانة عاد سيد قالك ياغي يزور صاحبو لمريض دخل عندو لبيت مدرم هذا عصام دخل على محمد عادي  وخا هو بين الحياة والموت
عصام ببرود : فوقاش غاتشافا ؟؟
محمد : الله يسلمك انا بخير بلاما تخاف بلاما تقلق غير إصابة خفيفة
رفع عصام حجبانو زعما جاوب !!
محمد بضحكة مرهقة : منعرف واش انا هو الله علم الله نقدر نموت في اي اللحظة
عصام بضحكة ثقيلة : موت وشوف شنو غادي ندير فعائلتك اشبانلك ؟؟
محمد بتوتر ومزال كيضحك : ربي يخليك هانتا غير سيمانة ولا جوج وإلا بقيت بجوع محاش نعيش حتى يومين  وأصلا جيب لصاحبك ماياكل
صفق بيديه وفلبلاصة دخل سيمو : جيب ليه ماياكل وبصح جابوليه مايحنجر وطول ماكلتو كيحس بالضغط حيتاش عصام واقف ليه على راسو خاشي يديه فجيابو وكيبانو لبادر ديالو ضخامة ديالو زاد وتراتو كثر ماهو اصلا موتر من عند الله كان كياكل بشوية لعلا وعسى يمشي بحالو ساعة هو بت نبت تما 
خلاه حتى سلا وهو يوحلها ليه : اشمن طبيبة لي باغي تجيبها لي
محمد بتوتر كيضور في عينيه  : إنا طبيبة كدوي  عليها ؟؟
قرب ليه بخطوات ثقال وفوجهو ملامح مكيبشروش بلخير تبسم بشر وجا قرب ليه لوجهو وصاط عليه وبصوت خلا رعب يمشي في عروق ديال محمد وبشوية قال : كتكذب عليا؟؟!!!!!!!!
ترعد فبلاصتو :لا اخويا .... صافي صافي ونتا كتسيف عادابة كنتي زوين
بعد عليه عصام عرفو غادي يعتارف : نطق يالله
محمد شاف فيديه كيلعب فيهم : دبا نتا  فهمتي نتا خاصك دير عملية على عينيك باش فهمتي ميمكنش تبقى هكا خاصك فهمتي خاصك تنتاقم ضروري وانا عارفك مغاتوافقش .....
عصام ببرود : وانا موافق!!!
محمد كيضحك: شتي عرفتك مغاتوافقش باينة....شنو ؟؟
عصام ببرود مشا جلس فلقنت فالارض داير يديه على ركابيه : انا موافق جيب طبيبة بلا خبار حد مبغيت حتى حد يسيق لخبار حتى نملة فدار متكون فخبارها
محمد بفرحة: وايلي غدا نصيفطها دير ليك عملية والله مغادي تعطل حتى تولي كتشوف بعينيك من جديد