|| قِصص الأنبياء ..🦋'

37- طالوت وجالوت

#قصص_الأنبياء
#الحلقة_السابعة_والثلاثون
#قصة_طالوت_وجالوت

وقفنا المرة إللي فاتت عند بني إسرائيل لما ربنا سلط عليهم الجبابرة أو العماليق وسرقوا منهم التابوت وأخرجوهم من القدس وشردوهم بسبب فجورهم وقتلهم لأنبيائهم،
ومات ملك بني إسرائيل في الوقت ده من الهم والحزن بسبب سرقة التابوت،
فأصبح مفيش حاكم يجمعهم تحت راية واحدة، واحنا قلنا المرة إللي فاتت إن المُلك والنبوة انفصلوا، يعني النبي بييجي من سِبط والملك أو الحاكم من سِبط تاني، والسبط هنا معناه قبيلة😉
لكن معنى كلمة الأسباط هم الأنبياء من ذرية يعقوب عليه السلام، عشان بس ميحصلش لخبطة😅

مفيش مَلك لكن النبوة موجودة...مستمرة لأن الدين لازم يُقام في جميع الأحوال👌
بني إسرائيل تعبوا وزهقوا من التشريد وعايزين يرجعوا للقدس، ويسترجعوا أبناءهم المأسورين عند الجبابرة،
فراحوا لنبي ذلك الزمان،
ويقال إن اسمه 《شمويل》 أو 《سمعون》 طبعا مفيش دليل على الاسم ده، يعني اسمه من الإسرائيليات التي لا تُصدق ولا تُكذب زي ما قلنا قبل كده😉

فقالوا له: إحنا عايزين ملك عشان يقودنا للجهاد في سبيل الله ..فاختار لنا ملك😤
"أَلَمْ تَرَ إِلَى الْمَلَأِ مِنْ بَنِي إِسْرَائِيلَ مِنْ بَعْدِ مُوسَى إِذْ قَالُوا لِنَبِيٍّ لَهُمُ ابْعَثْ لَنَا مَلِكًا نُقَاتِلْ فِي سَبِيلِ اللَّهِ "

فنبيهم قال لهم: ولما يتفرض عليكم الجهاد مش هتجاهدوا😑
"قَالَ هَلْ عَسَيْتُمْ إِنْ كُتِبَ عَلَيْكُمُ الْقِتَالُ أَلَّا تُقَاتِلُوا "
☆ده احنا حفظناكم خلاص...كلام وبس🙄

فردوا بكل حماس: إزاي مش هنجاهد والعمالقة أخرجونا من بيوتنا وشردونا وأسروا أبنائنا😤
وكان عددهم حوالي ٨٠ ألف
"قَالُوا وَمَا لَنَا أَلَّا نُقَاتِلَ فِي سَبِيلِ اللَّهِ وَقَدْ أُخْرِجْنَا مِنْ دِيَارِنَا وَأَبْنَائِنَا "

فربنا فرض عليهم الجهاد زي ما طلبوا...والنتيجة المتوقعة إنهم رجعوا في كلامهم وتولوا عن أمر الله، إلا قليل منهم.
"فَلَمَّا كُتِبَ عَلَيْهِمُ الْقِتَالُ تَوَلَّوْا إِلَّا قَلِيلًا مِنْهُمْ"
☆وده أول اختبار يسقطوا فيه 😶

¤عارفين الموقف ده زي إيه🤔
لما مجموعة من البنات مثلا تسمع إن الإلتزم بدين ربنا ده حاجة جميلة وإن نهاية الإلتزام ده الجنة،
فبعدين بقى لما يبدأوا يعرفوا إن الواحدة لازم تصلي الصلوات كلها وتصلي السنن وتتعلم قراءة القرآن وتتعلم عن دينها، وتسيب المحرمات إللي هي بتحبها...فييجي جزء من البنات دول ويقولوا إيه العقد والتشدد ده 😳
لالا خلونا زي ماحنا ...أصلا ربنا غفور رحيم ☺
أهه بني إسرائيل لما شافوا إن الموضوع صعب عليهم تراجع الجزء الأكبر والجزء الأقل هو إللي كمل👌

قال لهم نبيهم : إنتم طلبتم مَلك صح؟ ربنا بعث لكم طالوت عشان يكون ملك عليكم👌
"وَقَالَ لَهُمْ نَبِيُّهُمْ إِنَّ اللَّهَ قَدْ بَعَثَ لَكُمْ طَالُوتَ مَلِكًا"
فقالوا : إزاي يكون ملك علينا واحنا أحق بالملك منه، المُلك في القبيلة بتاعتنا من زمان، إزاي واحد من قبيلة تانية هو إللي يكون ملك علينا😲...وكمان معندوش مال كفاية😒
" قَالُوا أَنَّى يَكُونُ لَهُ الْمُلْكُ عَلَيْنَا وَنَحْنُ أَحَقُّ بِالْمُلْكِ مِنْهُ وَلَمْ يُؤْتَ سَعَةً مِنَ الْمَالِ "
☆وده تاني اختبار يسقطوا فيه😑