|| قِصص الأنبياء ..🦋'

48- فتية الكهف

#قصص_الأنبياء
#الحلقة_الثامنة_والأربعون
#فتية_الكهف

اتكلمنا المرة إللي فاتت عن أصحاب السبت وأنواع الناس في الأمر بالمعروف والنهي عن المنكر،
واتكلمنا عن أهمية الأمر بالمعروف والنهي عن المنكر وإن إللي ربنا بينجيه هو إللي بيأمر بالمعروف وينهى عن المنكر😊

طيب لو الإنسان هيتعرض لأذى شديد جدا لو أمر بالمعروف ونهى عن المنكر يعمل إيه🤔
هنعرف الإجابة إن شاء الله من قصة فتية الكهف 😉

كان في مدينة قومها بيعبدوا الأصنام من دون الله،
وبيقدموا القرابين للأصنام دي زي ما كان قوم إبراهيم عليه السلام بيعملوا لو تفتكروا😊
وكان الملك والأمراء من أوائل الناس إللي بتقدم القرابين للأصنام دي،
في وسط الكفر ده كان في شاب من أبناء الأمراء بيفكر مع نفسه كده... إزاي نسجد ونبكي ونتضرع ونُعطي قربان لصنم مش بيتكلم ولا بيتحرك ولا حتى بيسمع..أكيد في إله تاني للكون ده هو إللي خلقه وهو المستحق للعبادة👌
طبعا الكلام ده كان جواه مش قادر يقول الكلام ده للناس حواليه لأنه عارف إنه لو اتكلم ممكن يؤذوه😑

في يوم عيد لهم والكل خارج عشان يقدم القرابين للأصنام ...الشاب ده اعتذر وقال إنه مش هيقدر يخرج معاهم، وبعدين راح ناحية شجرة لوحده عشان يفكر في حاله وحال قومه وهيعمل إيه بعد كده،
وهو ماشي رايح يقعد في مكان لوحده لقى ستة شباب جايين معاه في نفس الوقت عند المكان ده 🙊
فالشباب بصوا لبعض واستغربوا😳
وكأن لسان حال كل واحد منهم بيقول:
المفروض النهاردة يوم عيد والكل خرج عشان يقدموا القرابين...الشباب دول بيعملوا إيه هنا..إيه إللي جابهم هنا🤨

فبدأوا يكلموا بعض ويسألوا إنت جيت هنا ليه..وإنت ..وإنت...فكل واحد بدأ يتكلم عن إللي جواه وطلعوا كلهم بيفكروا في نفس تفكير صاحبنا إللي اتكلمنا عنه من شوية😮
فالشباب اتشجعوا واستقووا ببعض، وقالوا :
إحنا ربنا هدانا له وعرّفنا به..مش هينفع نسكت لازم نعرف الناس إن إللي بيعملوه ده غلط وإن الإله الحق هو الله مش الأصنام👌
إِنَّهُمْ فِتْيَةٌ آمَنُوا بِرَبِّهِمْ وَزِدْنَاهُمْ هُدًى "

هنا الشباب آمنوا بالله واحنا عندنا القاعدة بتقول إيه😁
إن مادام في إيمان يبقى في إبتلاء وفتنة😉
"أَحَسِبَ النَّاسُ أَن يُتْرَكُوا أَن يَقُولُوا آمَنَّا وَهُمْ لَا يُفْتَنُونَ"

الملك عرف إن في مجموعة من الشباب لا تعبد الأصنام مع باقي الناس وبيقولوا إنهم بيعبدوا إله تاني،
ودول مش أي شباب دول أبناء الملوك والأمراء وهو يعرفهم ..طبعا الشباب كانوا خايفين لأنهم دلوقتي في مواجهة دولة كاملة وهم سبعة أشخاص😶

☆خليني أقرب الصورة أكثر😊
شوفي لما تكوني عايزة تلبسي نقاب مثلا أو عايزة تلتزمي إلتزام صح بدينك ،
وتيجي تكلمي أهلك وإنتي عارفة إنهم ضد فكرة الإلتزام جُملة وتفصيلا..بتبقي عاملة إزاي..بتبقي بتفكري في إيه..قلبك بيكون خايف أد إيه🙊
ودول أهلك من لحمك ودمك..بيخافوا عليكي وبيتمنوا لك الخير أكثر من أي حد👌