|| قِصص الأنبياء ..🦋'

43- خبر النبي دانيال وعُزير عليهم السلام

#قصص_الأنبياء
#الحلقة_الثالثة_والأربعون
#خبر_النبي_دانيال_وعُزير

وقفنا المرة إللي فاتت عند بني إسرائيل لما طغوا وفجروا وربنا توعدهم على لسان نبيه أرميا إنه هيرسل عليهم ملك جبار يشردهم ويقتلهم👌
بني إسرائيل لم يستجيبوا لنبيهم وكذبوه وقالوا عنه مجنون😑
¤وهو ليه ربنا يحذر بني إسرائيل أصلا 🤔
عشان يقول لهم ولكل الأمم إللي هتيجي بعد كده...إن مهما كانت جرائم الإنسان وذنوبه فلو تاب..ربنا هيتوب عليه ويتقبله،
لكن لو أصر على طغيانه وعصيانه..ربنا سيعاقبه ويعذبه بألوان العذاب،
يسلط عليه حد يؤذيه...يبتليه بمرض يذله ويقعده...المهم إن ربنا هينتقم منه في الدنيا قبل الآخرة👌

في الوقت ده كان مَلك بابل في بلاد العراق معروف بقوته وبطشه،
فكان يقود جيوشه عشان يحتل البلاد، الملك ده كان اسمه بُخْتُنصّر🙊

☆فاكرين لما قلنا إن الأرض حكمها أربعة ملوك اثنين كفار واثنين مؤمنان، الكافران كانا: النمرود وبختنصر
والمؤمنان كانا : ذو القرنين وسليمان بن داود عليهما السلام.

فضربنا إذا أراد شيئا هيأ أسبابه، إحنا فاكرين بني إسرائيل عملوا إيه في سنحاريب وبختنصر من كم سنة فاتت😉
فلما بنو إسرائيل عصوا أمر الله وطغوا في الأرض وقتلوا الأنبياء ألقى الله في قلب بختنصر إنه يروح يغزو بني إسرائيل مرة ثانية👌
فتحرك بالجيش بتاعه في اتجاه بيت المقدس،
فلما وصل لدمشق، خافه أهل دمشق،
فقدموا له الهدايا والأموال وتصالحوا معاه، فتركهم واتجه لبيت المقدس، فملك بني إسرائيل في الزمن ده تعاهد مع بختنصر زي ما أهل دمشق عملوا،
وأخذ بختنصر بعض أثرياء بني إسرائيل، وقرر إنه يرجع للعراق،
فساعتها بنو إسرائيل اعترضوا على ملكهم وإزاي يعمل كده، وراحوا قاتلينه، ونقضوا الصلح مع بختنصر😐
فرجع لهم بختنصر تاني وحاصر مدينة القدس فترة،
فلما طال الحصار استسلموا لبختنصر، وفتحوا أبواب المدينة،
ودخل بختنصر المدينة وحرقها وقتل المقاتلين وسبى النساء
والأطفال وحرق التوراة وخرب الحصون وهدم المساجد،
يعني نالوا فعلا إللي يستحقوه👌
"وَقَضَيْنَا إِلَىٰ بَنِي إِسْرَائِيلَ فِي الْكِتَابِ لَتُفْسِدُنَّ فِي الْأَرْضِ مَرَّتَيْنِ وَلَتَعْلُنَّ عُلُوًّا كَبِيرًا"
وأخذ بختنصر معاه إلى أرض العراق ٤٠ ألف من اليهود كعبيد عشان يخدموا أهل بابل زي ماخدموا الفراعنة في مصر😏
وفي بعض اليهود هربوا لمصر في الوقت ده،
وبكده انتهى تماااما الحكم اليهودي في فلسطين😉
هم هيرجعوا تاني بعدين زي ماهنشوف لكن مش هيرجعوا حاكمين👌
"فَإِذَا جَاءَ وَعْدُ أُولَاهُمَا بَعَثْنَا عَلَيْكُمْ عِبَادًا لَّنَا أُولِي بَأْسٍ شَدِيدٍ فَجَاسُوا خِلَالَ الدِّيَارِ ۚ وَكَانَ وَعْدًا مَّفْعُولًا "
☆وكان العلو الأول لبني إسرائيل زي ما ربنا أخبرنا في الآية👆 في زمن داود وسليمان عليهما السلام، فلما كفروا وطغوا وأفسدوا، ربنا أرسل عليهم إللي يهلكهم ويذلهم وهو بختنصر وجنوده،
"بَعَثْنَا عَلَيْكُمْ عِبَادًا لَّنَا أُولِي بَأْسٍ شَدِيدٍ فَجَاسُوا خِلَالَ الدِّيَارِ "