هل مازلت في قلبك
البارت 15
سمر ... الكل جان يتحضر للكعده الا اني ماعرف شنو اريد اسوي كانما تايهه وادور الطريق حتى اوصل ....
وره العشه دزلي مسج مثنى 📱طلعي للحديقه
اخذت تنهيده واني اقره المسج تردد اطلع او لا اخذت اسهل طريق وطلعت اريد يكلي شسوي تعبت واني ادور على حل ...
طلعت للحديقه جانت نوعا ما جو اظلم بس اضويه الكراج العاكسه عالحديقه والحديقه بيها لايتات صغار بكل ركن منطي جمال للحديقه
رحت كعدت عالمرجوحه انتظره يجي صرت اهز المرجوحه حيل جنت اتمنى اطير واخلص من الوضع التعبان الاني بي ....
سمعت صوته ....
مثنى ... لتوكعين
سمر ... نداريت شفته جاي باتجاهي ابتسمت لا ارادياً
اجه وكف يمي كرصني من خدي كلي .... شونج
سمر ... هزيت راسي زينه ... اجه كعد يمي صار هدوء لا اني احجي ولا هو بس صوت المرجوحه من تتحرك
لحد ما صاح
مثنى ... حبيبي
سمر ... نداريت عليه نعم
مثنى ... شوكت حتحجين ويه الحجي
سمر ... بشنو احجي ... شفته رفعلي حواجبه مستغرب
مثنى ... بشنو !!!!؟؟؟
سمر ... افتهمت قصده ... كتله ... ماعرف
مثنى ... بعد باجر الكعده شوكت تحجين لتخبليني
سمر ... نداريت عليه كتله بهدوء ... مثنى افهمني حتى لو انت تحبني حتى لو اني احبك هذا الشي غلط غلط
مثنى ... هذا بيا قانون بيا دين غلط فهميني اني رايدج صيرين حلالي اكدر هسه اروح اكول لابويه اريدها وانهي السالفه بس كل الرايده منج توكفين ويايه ثبتيلي انتي رايدتني ماريد احارب بعدين اطلع خسران
سمر ... ماكدر والله ماكدر
مثنى ... شنو المتكدرين.. سمر كل الاريده تحجين ويه الحجي كليله ماريد ازوج وهاهيه الباقي عليه
سمر ... ظليت ساكته افكر
مثنى ... تعرفين ابوي ماعنده اجبار على شغله خاصه الزواج . من جوي خطبوج رحت كلتله انه اريدها
سمر ... عزه كلت العمو
مثنى ... لعد اعوفج تروحين من ايدي
سمر ... وشكال
مثنى ... كلي اذا رفضت بذاك الوكت احجي بهذه السالفه وانتي حضرت جنابج بس عرفتي احبج ركض رحتي وافقتي
سمر .... ممرتاحه للوضوع افهم احس نفسي مسويه شي غلط اني حتى لجنه الي هي اقرب وحده الي محاجيه لان بساطه اخاف من ردت فعلها
مثنى ... شنو الغلط الي جاي نسوي فهميني حتى نوصل لحل
سمر ... مثنى ماكدر اخذك من مرتك هذا الشي ،وماريد يكلون عليه خطافه رياجيل ،وماريدك صير الي جزء اني اريدك كلك الي
مثنى ... واني كلي الج يابعد كلبي
سمر ... نداريت كتله اقصد الي ازوجه مقصدتك انت ... شفته ابتسم
طلع جكاره وصار يدخن
مثنى ... كل الحجيتي مابي سبب مقنع ترى انتي خايفه وبس خايفه تخلين ايدج بيدي خايفه من رد فعلهم وبس
زين كله هذا فكرتي بي مفكرتي من تصخمين وتتلطمين وتزوجين ذاك العار شنوه حياتج صير ها احجي فكرتي فرح فكرتي بجنه بعمج بجدتج كلهم فكرتي بيهم زين وانتي مرتاحه من تزوجين واحد ماتعرفينه وتعوفين واحد شاريج بعمره
احجي ليش ساكته ....
أنت تقرأ
هل ما زلت في قلبك
Historia Cortaهل مازلت في قلبك ...الحياه تتغير لكنها لاتتوقف كلشي ميستمر مثل بدايته لازم يجي يوم ويتغير الحياه مثل الطقس يوم صافي يوم مغيم يوم ممطر كنت اظن اكدر اجاوز ايامي الصعبه بوجود امي واختي واخويه الصغير يمكن جنت اتمنى اخي يكون اكبر مني وهو يتحمل مسؤوليتن...
