هل مازلت في قلبك
البارت 9
ظلينا نسولف سوالف عاديه عاد بعدين كامو هو سلم وطلع
حوريه سلمت علينا وطلعت فاني وسعاده وصلناها للباب فعمي
بطلعتها هو دخل
صار واحد مقابيل الثاني
سمر ...اني من يمي حسيت كلبي صار يدك سريع
صار سنين مملتقين
عمي ... السلام عليكم
حوريه ... وعليكم السلام هلا ابو مثنى شونك
عمي ... هلا بيج خيتي
سمر ... حوريه سلمت علينا وطلعت عمي منزل راسه جان من راحت ندار عليها يشوفها حسيته مشتاقلها عيونه وعيونها فضحو الشوق البيهم ....
انت بالي احس وين ماروح....
واذا وياي تمشي شون تبعد ....
ليغرك قوي وعكده الحاجب ذيج.....
اباوعلج جنت من جوه ليجوه ....
تعودت كلشي في سبيل انساك ....
بس فراك وجهك ماتعلمته ......
ندار عمي شافني مبتسمه ضربني على خدي خفيف وابتسم ودخل جوه
كتله عمه سعاده شفتيهم شون واحد باوع للثاني
سعاده ... اوووف دخلي يمه دخلي الله يسامح الجان السبب
سمر ... دخلت جوه شفت نعيمه خازرتنا اني وسعاده بس سعاده متسكت كلتلها خير مضيعه شي بوجهي
نعيمه هزت ايدها وراحت
هاي وين وحوريه وين سمعت بيبي صيحني
رحت عليها لكيت عمي كاعد يمها من شافني كلي تعالي سموره كعدي
رحت كعدت حسيته حيسئلني على احمد وفعلا عمي كال ...
هاسموره شون شفتي للولد
سمر ... كتله عادي يعني خوش ولد مبين فقير
عمي ... اي وبعد
سمر ... ماعرف عمو يعني بعدني ماعرفه بس مبين عليه حباب واعي ومثقف
عمي ... يعني حتفكرين بي
سمر... ظليت ساكته ماعرف اصلا اني اريد ازوج لو لا كتله عمو افكر واكلك
عمي ... فكري زين بنتي محد جابرج توافقين انتي قرري هاي حياتج
سمر ... هزيت راسي ب اي
هنومه ... وين تلكين مثله خوش وليد عيونه مارفعها عليج طول الكعده
سمر ... بيبي قابل كلت عليه مو خوش
عفتهم وطلعت صعدت فوك لجنه جانت كاعده هي وعبودي اول مشافتني كالت ها بشري شنو الاخبار
سمر ... رحت كعدت يمها كتله عادي ولد حباب وشكله مقبول
جنه ... شو ممتحمسه اله
سمر .. لا مو شغله ممتحمسه بس ماعرفه بعدني يعني مو من اول لقاء بينه بس الولد حباب ميتعيب وهادء جان وعلى كولت هنومه عيونه مارفعها عليج
جنه ... شون شافج اذا مارفعها
سمر ... يباوع عليه من اني انزل راسي ههههه
جنه .. اي سولفتوا؟
سمر ... على دوامه واني ليش مااتعين ومن هالسوالف عباله محجبه لان ذيج المره شافني لابسه شال كتله اني ممحجبه وعادي كلي ماجبرج عالحجاب
جنه ...مممم شكله شونه
سمر .. شكله زين بس ممتخيله ازوج واحد هيج
جنه ... هههههه متخيله تزوجين واحد ابيض وشعره اشكر
سمر ... لا والله مو هيج بس مادري عمي كلي فكري ورديلي خبر
جنه ... لعد فكري زين حبي اذا معاجبج مو بلازم اهم شي راحتج
واذا شفتي خوش ولد شكو بيها انطي فرصه يجوز تحبيه بعدين
سمر .... شفتي مثنى سوه طول الكعده ايدي على كلبي
جنه ... وره مدخلتي عمي بالكوه صعده فوك لج صوته عالي كلت حيسمعون الناس
سمر ... ليش هيج يسوي
جنه ... مادري كاره بيت عليوي يكول ماحبهم
سمر ... من طلعنا التقوا العشاق عمي وحوريه
جنه ... لا لا جذبين وصار
سمر ... عيونهم حجت اه قلبي اكوم ابدل وانزل جوعانه متغديت من التوتر
أنت تقرأ
هل ما زلت في قلبك
Short Storyهل مازلت في قلبك ...الحياه تتغير لكنها لاتتوقف كلشي ميستمر مثل بدايته لازم يجي يوم ويتغير الحياه مثل الطقس يوم صافي يوم مغيم يوم ممطر كنت اظن اكدر اجاوز ايامي الصعبه بوجود امي واختي واخويه الصغير يمكن جنت اتمنى اخي يكون اكبر مني وهو يتحمل مسؤوليتن...
