هل ما زلت في قلبك

البارت ١١

هل مازلت في قلبك
البارت 11

سمر كعدت الصبح لكيت مثنى دازلي مسج 📱 7643....... عبي هذا الرصيد

ظليت صافنه شويه بعدين عرفت دازلي رصيد لان بارحه خلص رصيدي ردت اخابره بس اصلا رصيد ماعندي عاد دخلت الكارت وخابرته
شويه دك وجاوب
الووو
صباح الخير شونك
صباح الخيرات بخير وانتي
الحمدلله شكرا عالرصيد بس مجان اكو داعي جان دزيت احد هنا يجيبولي
- دخلتي الرصيد
- اي
- ليش بعد هالحجي الزايد
- ههههه ماشي بس هم شكرا
- من تحتاجين شي كليلي
-  تسلم متقصر شنو هالاصوات انت وين
- انه جاي اسوق
- ها اوكي لعد يله انتبه عالطريق باي
- الله وياج

سديته وكمت جنه وعبودي كاعدين من صبح نزلت صبحت عالكل وتريكت  ورحت شفت بيبي وكعدت يمها

جنه ...صارلنا يومين بيت بيبي بهاليومين ايوب كل شويه يدك بس اني ماجاوبه
بالاخير اجتني سمر بيدها تليفونها كالت ايوب يريدج
جان خالي كاعد يمنا استحيت احجي شي زايد
اخذت التليفون وطلعت من الغرفه وحجيت وياه

نعم
- هاي وينج مدشوفين تليفونج من يدك
- اشوفه بس مالي نفس اجاوبك
- شوكت ترجعون
- واحنا لحكنا نجي حتى نرجع
- احجي ويايه عدل
- ما
- حسابج ثگل ديربالج
- ماخاف من عندك وهذا تهديدك ميمشي عندي
- جنه صبري بدا يخلص
- صدك عود فول صبر جديد
- ماشي جنه

سد  التليفون بوجهي قليل الادب ميعرف يكول مع السلامه انسان مستفز

بعد اسبوعين على جيتنا هنا والوضع طبيعي مابي اي شي جديد بيبي شويه احسن اني وسمر وعبودي كلش نرتاح من نجي هنا يمكن لان يذكرونا باامي ولان من يحجون على سوالف لازم يذكرون امي كانما موجوده وياهم
ايوب من اخر مره سده بوجهي بعد مدك ولا اني دكيت.. احجي ويه سعاده و بيبي هنومه وكلسع يسئلوني شوكت  نرجع
بيوم جنا كاعدين عبودي سئلني

عبودي...جنه شوكت نرجع
جنه ... ليش ضجت من هنا
عبودي ... لا اصلا اريد ابقى هنا اني
جنه ... مادري انشوف الله كريم

وره جم يوم خابرت سعاده كالت عمج يكول شوكت يرجعون كتلها ماعرف كالت حيدز عليكم احد يجيبكم
اني صراحه ضجت لان حرجع لهناك  بلغت الكل حيجون ياخذونه
حضرنا غراضنا ثاني يوم
اجه مثنى علينا ومقبل شويه يبقى بسرعه اخذنا ورجعنا

سمر ...بعد مكالمتي ويه مثنى بعد لا اني دكيت ولا هو ماعرف شنو سبب لحد قبل يومين من رجعتنا خابرت فرح اسئل عليها لان عمتي كالت فلاونزا خطيه فدكيت عليها ظل يدك قبل مينتهي الدكه  نفتح الخط
واجاني صوته الو
هلو مثنى شونك
هلا سموره  وينج يمعوده دكي سئلي
والله ملتهين ويه بيبي . سعاده كالت فرح مريضه خابرت اسئل عليها
اي فلاونزا وتخاف تاخذ علاج علمود الحمل
يا خطيه وينها
فريحه نايمه من تكعد اخليها دك عليج
اوكي يله مع السلامه
سموره
نعم
يابه مناوين ترجعون
-والله ماعرف تعرف عبودي يقنعنا نستقر هنا ( حجيتها بشقه بس هو افتهمها عباله صدك حنستقر )
— حجي يفيدكم هذا لعبالج خاليكم براحتكم ترى علمود جدتج لان مريضه والا اني لو ادري اصلا مادزكم