هل مازلت في قلبك ❤️
🌹حاچيني بعيونـــك . حچيهن يختلف...🌹
سمر ... ظل الوضع مثل ماهو ضرغام مايقبل يطلك ابد عمي بلغ عشيرته اذا مايطلك حنرفع عليه دعوه
بس هو حتى ويه عشيرته معاند ماعدال فتره يجي لاعمي ولايوب حتى ارجعله
ويوميا يظل واكف مقابيل البيت بسياره على امل اطلع سوى عندي حاله رعب
احلامي كلها صارت هو حتى صرت ماطلع من البيت من ورى
شكد عمي وبيبي يخابروني حتى اروح يمهم بس اني مالي نفس اروح
الوضع هيج حتى امه وخواته اجوي علي يتوسلون بس اني جان جوابي واحد اريد اطلك
الي عشته وياه هواي صعب حاولت وحاولت اغيره بس جان يصير اسوء من قبل
انا مثنى فهذا الجان كلبي يوجعني عليه احبه واريده بس ماعندي شجاعه اكله ولا احجي صعبه من شوفين الجان يحبج هسه من تمرين من يمه ميباع عليج بارد تحسيه نسى حبه الج
عمي شايل مشكلتي شيل وبس يريد يحلها مرات اكره نفسي لان خليته بهيج وضع
بيوم دزلي ضرغام مسج بس جان مسج مختلف عن باقي المسجات الجان يدزها
كاتب ( اعتبريني مريض لان تعاملت وياج هيج اعتبريني غبي اذيتج من اول مره شفتج بالمدرسه حبيتج حب امتلاك
هواي حاولت ابطل معاملتي القاسيه وياج بس بكل مره افشل
اسف اذا اذيتج صح حتركج بس حتى ترتاحين وتنسين الصار بينا ولاتحلمين احد ياخذج مني )
اني قريت المسج مافتهمت شنو معناه تركته لان هو من وره الزعله هو بس يدز مسجات ويخابر العادي مالته هذا
تركته
للعصر عمي اجه بيت ايوب سلمت عليه كال ... سمر ضرغام طلكج
اني نصدمت من كلي ممتوقعه حيطلك ابد صار جمعت دموع بعيوني ظلت الكلمات تطلع مني ترجف
عمي من شاف دموعي كلي دموع الفرح ذني لو الحزن
ضحكت واني امسح دموعي لا اكيد الفرح
كابوس ونزاح يعني بعد ماشوف ضرغام ماسمع صوته ماشم ريحته
كانما اسيرا وتحررت من قيوده
عمي كال ... اني اعرف انتي تأذيتي منه هواي ومامرتاحه وشفت اذيته وين وصلتج لذالك انه جنت واكف وياج واعرف اخلاقج وتربيتج وانه ابوج اي شي تحتاجيه تجين عليه او على رجل اختج هو هم مثل اخوج
سمر .... شكرا عمو الله يخليك النا والله من دونك جان ماعرفت شسوي
عمي .... هذا واجبي بنتي ماكو داعي تحجين هالكلام
بدت حياتي من جديد طبعا صح الكل واكف ويايه ويساندني بس محتاجه واحد بس جان ميجي للبيت ايوب ابد جنه دكول قبل جان يجي هسه ماعرف شبي جنت اكول اني سبب دخلت بالشهر الرابع بعد طلاقي واني ماشايفه وجه مثنى ابد
طلعنا للسوك اني وجنه من كملنا ريد نرجع وكفنا عالشارع حتى نعبر
طبكت سياره بصفنا اني ماعرف السياره لان مبدلها نزل مناظره كال ... ها الله يساعدهم
جنه ... هلو مثنى
مثنى .... جايين راجعين
جنه ... راجعين
مثنى ... يله تعالو اوصلكم
سمر ... باوعت عليه جنه ومشينا للسياره صعدت ليوره كتله هلو
ردلي هلو بيج
استحيت اباوع عليه فكرت اذا اباوع عليه خاف يكول عليه خفيفه وذابه نفسها
هو جان يحجي ويه جنه ويسولف واني جنت اسمع لصوته والبحه والخشونه التطلع بنبره صوته
وصلنا للبيت جنه لحت عليه الا ينزل يتعشه ويانه بالبدايه ماقبل وكلها غير مره وايوب ماكو
بس جنه ام لسان كلتله قابل بس هو اخوك غير انت اخويه انزل
واصلا ايوب على جيه
دخلنا للبيت هو دخل للصاله واني واكفه بالمطبخ جنه اجتي كالت قدميله ماي بين مابدل يله حبابه وراحت مستعجله
اني اخذت ماي ودخلت للصاله هو رفع راسه عليه واني توتر مشتغل عندي وكلسع احس نفسي حعثر قدمتله الكلاص شربه
كلي بعد رديت مليته ونطيته نشربه
وطبعا يشربه مره وحده كلي بعد اني هنا باوعت عليه صارت عيوني بعيونه صبيتله الثالث وقدمته هو اخذه وهم شربه مره وحده
كتله بعد كلي لا عشتي
أنت تقرأ
هل ما زلت في قلبك
القصة القصيرةهل مازلت في قلبك ...الحياه تتغير لكنها لاتتوقف كلشي ميستمر مثل بدايته لازم يجي يوم ويتغير الحياه مثل الطقس يوم صافي يوم مغيم يوم ممطر كنت اظن اكدر اجاوز ايامي الصعبه بوجود امي واختي واخويه الصغير يمكن جنت اتمنى اخي يكون اكبر مني وهو يتحمل مسؤوليتن...
