هل مازلت في قلبك ❤️
جنه .... دك تليفون رحت طلعته من الجنطه شفته سمر تتصل ستغربت شعدها متصله جاوبتها
الو هاسموره
الو هلو جنه انه مو سمر انه ريام اخت ضرغام
هلو ريام خير شكو
سمر وكعت من الدرج وصار عدها نزيف وهسه ودوها للمستشفى
اني هنا ماعرف شسوي صار كلشي بيه يرجف صرت ابجي واحجي لايوب وافتر بالغرفه ماعرف شنو اريد
بسرعه طلعنا من البيت للمستشفى وصلنا نزلت اركض وايوب يركض ورايه صرت مثل المخبله
اجه ايوب لازم ايدي وعاط بوجهي لان ماسكتت بس ابجي
رحنا شفت ام ضرغام كاعده بالممر واخوه لضرغام اني ركض لاسلام ولا كلام كتلهم شبيها سمر واعيط عليهم
ام ضرغام ... حبيبه قدر بعد راد يصير
جنه ... باوعت اكو رجال كاعد بالكاع وايده على وجهه ويبجي
صعد راسه شفته ضرغام
سمر مدخليها عمليه لان الطفل ميت
ظلينا ننتظر بين ماطلعت من العمليه حولها للغرفه طلعت الدكتوره عصبيه علينا دكلنا اني حقدم بلاغ ضدكم هذا السويتوا جريمه قتل
ام ضرغام واخوه يسكتون بالدكتوره طبعا اني مثل الاطرش بزفه بس ابجي
رحت على دكتوره كتلها دكتوره سمر شونها كالت سمر حمدي ربج بس صارعدها اسقاط رحمها متاذي كلش من الضرب
كتلها ياضرب هي وكعت من الدرج
كالت انتي شصيرين منها كتلها اختها
كالت روحي شوفي وجهه والكدمات الي بجسمها مال وحده واكعه من الدرج هذا
اني بسرعه باوعت على ضرغام الي باع علينا وبس يبجي مثل النسوان
عفتهم ورحت للغرفه اشوف سمر نصدمت وجهه كدمات بحيث اول ماشوفيها دكولين مضروب الوكعه مسوي هيج بحيث وكفت يم الباب اباوع عليها وابجي رحت كعدت يمها اتلمسها واحجي وياها اكلها ليش هيج قبل ساعه وصلتج وجنتي تخبلين ياريتني بقيتج يمي ياريتني ماوصلتج
شفت ضرغام دخل اني كمت عليه مثل المخبله اريد اكتله ماحسيت الا ايوب لزمني قوي
اني صرت افشر عليه وكلسع اريد اهجم عليه
ايوب ظل يسكت يكلي خل تكعد سمر ونتاكد اذا هو مسوي بيها شي انه الطيح حظه
هديت شويه بس طلعهم كلهم من الغرفه ظليت بس اني وعبودي وايوب
كاعده يمها وامسدلها واقرا ايات الها وادعيلها وكلسع خانكتني العبره وابجي
عبودي كاعد على صفحه يبجي ايوب واكف يمي كومني من يمها
لان بس ابجي فوك راسها
حضنته وابجي اكله جانت ممرتاحه وياه وساكته جان يأذيها وساكته هو الي سوه بيها هيج هو الجان ميريد الطفل هو
زوجت حتى لا تقهر فرح وتكسر كلبها بس شوف صار بيها
طبعا اني اول مره احجي هذا الحجي لايوب
صارت سمر طلع صوت الونه شويه شويه فتحت بسرعه لزمت بطنها
كعدت يمها اهدء بيها تحجي بصعوبه اول شي كالته ابني بي شي
اني توقف عندي الكلام ماعرف شحجي من شافتني ابجي صارت تبجي بحيث ايوب طلع من الغرف منطرها يكطع الكلب سمر احجيلي صار ضرغام هيج سوه
سمر ... لمن رجعت للبيت تعارك ويايه لان بقيت ومارجعت وياه وهذا العادي بس اني زهكت منه ومن اسلوب زهكت من كلشي
كتله طلكني ماريدك بعد اكظي حياتي هيج اني
جنه الضرب الي ضربه الي كله عادي وكعت بالكاع صار يضربني برجله بطني بكل قوه جنت حاضنه بطني قوي حتى لاتتاذى حجيت واتوسل عيطت وراها ضعفت مقاومتي حسيت نفسي حفقد مثل الي غفيت وكعدت لكيت اهله كلهم فوك واني نايمه بحضن ضرغام واسمعه يبجي بعدها ماحسيت بشي هو الي وكع ابني ابوه الي وكعه
أنت تقرأ
هل ما زلت في قلبك
Short Storyهل مازلت في قلبك ...الحياه تتغير لكنها لاتتوقف كلشي ميستمر مثل بدايته لازم يجي يوم ويتغير الحياه مثل الطقس يوم صافي يوم مغيم يوم ممطر كنت اظن اكدر اجاوز ايامي الصعبه بوجود امي واختي واخويه الصغير يمكن جنت اتمنى اخي يكون اكبر مني وهو يتحمل مسؤوليتن...
