هل ما زلت في قلبك

البارت21

البارت 21
جنه ....كعدت صبح عالمنبه يدك كمت واني متكسره من تعب بس لازم اكوم اليوم الحنه
كمت عالسريع غسلنا وتريكنا وللصالون وصلنا جابر
كملنا من الصالون ورجعنا جنت لابسه بدله نفخ حمره الصدر وظهر كله طالع
وتسريحه والمكياج حسيت نفسي غير وحده جنت متوتره وفرحانه بنفس الوقت صح ايوب بعده ميحجي وبعده يعاملني برود بس اكو شي فرحان بداخلي  اجتي سعاده عليه همست الي اليوم كسرتي خشوم كل الي شمتوا بيكم اريدج تموتيهم قهر
ظليت مبتسمه الها حسيت نفسي بمعركه وانتصرت عليهم
ظليت اركص  ويه البنات وفرحانين

حنه الولد جانوا مسويها بشارع نسمع بس صوت الفرقه من دك خشابه بصراويه وكلسع وحده جايه مشوفتني فديو لايوب شون يركص ويه جماعته جان بين عليه الفرحه
ظلينا نركص ومتونسين عمتي دخلت ايوب حتى يحنيني جان البيت هوسه والكل فوك راسنا وحاره سمر خطيه بس تهفيلي
جانت هاي اول مره يشوفني بالبدله من دخل وشافني حسيته ابتسم بس مبين الي وكف يمي وبيبي هنومه اجتي حنتنا
طلع كلاده لابسها الي همس باذني
( تمنيتي طلعين من هذا البيت واني حطلعج تعرفين ليش باوعت عليه
اريده يكمل رجع همس لان تحديتج وتراهنت وياج اخذج والانتصار الي اليوم وكسرت غرورج الانتصار الي مو لان ازوجتج لا لان انتي اجيتي وطلبت نزوج وهذا كافي الي
باوع عليه وابتسم ابتسامه حقيره جانت  رجع وكف ويبارك للنسوان

باوعت عليه واحس نعكد لساني مفتهمت الي حجاه زين لو موزين حجه فرحان لان اخذني لو بس حتى يثبت لنفسه الي يريده يحصله جانت نبره كلامه محلوه
كذبت نفسي بس ليش حسيت دموعي حتنزل من سمعت كلامه
باوعت عليه وابتسمت لان الكل يباع علينا وكف عادي جنت ابتسم بس بداخل هواي اسئله شنو قصده
ظل شويه وطلع رجعوا البنات يركصون وفرحانين  كملت الحنه اصلا هو دخل عالنهايه
بدت الناس تطلع اني صعدت فوك للغرفه دخل كعدت عالجربايه اني وبدلتي وصافنه بالكاع. دخلوا عليه خالاتي لان جوي علمود عرسي
كعدوا يمي يسولفون ظليت اسولف وياهم وامثل الفرحه
نزعت البدله ودخلت سبحت ظليت جوه الدوش فتره افكر بكلامه زين هو زعلان مني لو فرحان من حجه هيج
مارتاحيت الا لمن بجيت واحس فرغت كل الي جوايه
ظليت احجي واهدء بنفسي لا هو حجه هيج لان يحبني يعني اخذني انتصر واخذني واذا انتصر مو اني هم رايده هيج
ظليت اكذب على نفسي لحد ماهديت طلعت من الحمام جانت غرفتي عباره عن بنات عماتي وعمي وخالاتي
كعدت بنصهن هنا يحجن واني بس صافنه عليهم
طلعت من الغرفه لان احتاجيت احجي وافتهم منه ليش حجه هيج نزلت جوه دورته ماكو صعدت فوك لغرفته دكيت الباب محد جاوب فتحتها ماكو بالغرفه
اتصلت عليه ظل يدك فتره يله جاوب ... الو
جنه ... انت وين
ايوب... ليش
جنه ...دورت عليك مموجود
ايوب... اني بالبيت
جنه ... دورت ملكيتك
ايوب... اي بالبيت الجديد
جنه ... ها بيتنا  كلتها جانت طالعه طبيعيه جاوبني بضحكه وراها كال ...اي بيتنا
جنه ... اريد احجي وياك
ايوب... شتحجين اكو شي عندج مسويته
جنه ... انت ليش هيج تحجي ويايه
ايوب... شون تريدين احجي وياج لازم نسيتي ست جنه من كتلج  اذا رجعتي تنسين ايوب عبالج جنت العب
جنه ...وليش حنزوج وانت تريد انساك