هل مازلت في قلبك ❤️
عمي من خلال معارفه خلاني اتعين بمدرسه اساسيه للبنين
هذا الشي اجاني من سمه حتى التهي وانسى شويه هو المفروض اني وجنه بس جنه رادت تكمل ماجستير
مثنى بعد ماشفته وماعرف اي شي عنه
بديت اداوم بالمدرسه بس عمي اشترط البس حجاب فخليت حجاب على راسي عن العين على كوله جنه
جنت اخذ صف اول متوسط لان صغار المدير خاف ينطيني ثاني وثالث كلي همه اطول منج
بديت ادوام وادرس بالبدايه واجهت صعوبه ماكدر اعيط ولد وكحين بعدين كدرت اسيطر على الوضع
مرات جنت اطلع من المدرسه من ينتهي الدوام اشوف مثنى واكف بس ابد مااجه وحجه ويايه ابد جنت بس اريد اخلص دوام حتى اطلع واشوفه واكف
مرات يجي مرات ميجي كلشي تمام جان حياتي مستمره بيوم صعدت عليه جنه اني بالغرفه كالت ... فرح جوه تريدج
تفاجئت بجيتها صراحه نزلت جوه سلمت عليها وكعدت اني وياها وحدنا
كالت ... سمر اني جيت اليوم اطلب منج طلب اعرف هذا صعب عليه بس ياسمر ماكدر اشوف مثنى هيج تعبان كلبي يتكطع عليه والله حالته كلش بس سرحان وعصبي وماطايق نفسه
ارجعيله وزوجوا انه مازعل والله بس عالاقل يرجع مثل قبل ويايه
تعرفين هو من جان يحجي وياج جان مداريني كلش هسه هامل كلشي
سمر ... فرح شدكولين شنو ارجعله اني ومثنى مننجمع تحت اي ظروف حياتنا مختلفه
فرح انتي كسبيه الج لاتفرطين بي حسسيه بااهتمامج بحبج اله
فرح ... تعبت سمر تعبت هالفتره صاير عصبي لدرجه اذا جبت الماي اله وطلع حار يشمر الكلاص
اعرف جرحه اني ليش مااداويه وانتي دواه اعرف يحبج بس اني ماكدر اشوفه هيج متعذب
سمر .... لافرح اسفه والله ماكدر مصدكين اني هسه شكد مرتاحه ماكدر ارجع لتأنيب الضمير ونظرات الناس الي المحلوه
ماكدر مثنى محتاجج انتي يمه
فرح ... انه اسبوع الجاي عمليتي
سمر ... صدك شبسرعه الله يكومج بسلامه حبيبتي
فرح ... تسلمين سمر تعرفين وضعي انه كلبي تعبان يجوز ماتحمل
واموت وانه ماشايفه ابني
سمر ... اسم الله لانحجين هيج ان شاءالله دكومين وشوفيه وشيليه وزفيه هم
فرح ... امين اريد اوصيج عليه اذا صار بيه شي هو باامانتج
سمر .... من حجت هيج كزبر جلدي ودموع ملاءت عيوني كلش نقهرت من كلامها
ظليت انطيها كلامات تشجيعيه حتى لاتخاف
سمر ... جان اكو طالب بالمدرسه اسمه ياسين هذا ياسين جان ذكي بس ميقرا موتني شكد احجي واكول ماكو فايده
وكح وكاحه موطبيعيه كل ماشوفه يسولف يحجي بالبنات وهو صف اول متوسط
شديت وياه كمت كل درس اكومه صح جان يخاف مني بس ميقرا
جنت كاعده بالغرفه المخصصه للمدرسات سمعت صوت واحد يعيط
كمت طلعت شفت صوت من غرفه المدير سئلت المدرسات كالو هذا الحجي ضرغام جاي على ابن اخوه لان كل المدرسات يشكون منه
كتلهم منو ابن اخو بس كالو ياسين
كتلهم ياسين اول ج كلولي اي كتلهم الله جابه اريد احجي وياه ابن اخو موتني كلولي ...ديربالج ترى ميقبل احد يجب طاري ابن اخوه بكلمه لاتتورطين وياه جم مره مفشل المدرسات الي يحجون وياه علمود ياسين واصلا بعد جم يوم حيصير اجتماع اولياء امور ويجوز تجي امه لاياسين واحجي وياها
كتلهم وين ابوه ليش عمه جاي كلولي ابوه متوفي وهو مربي ياسين
ظليت واكفه يم الباب اريد اشوف هذا الحجي الصاله ساعه بس يصرخ شون شكله شو طلع واحد شاب يعني ثلاثيني من الغرفه مرتب وطلع فاير والمدير يركض وراه
كتلهم وينه الحجي كالو هذا الطلع هسه كتلهم هذا حجي عبالي شايب ليش حجي يصيحوله كالوا غير حاج ويسموا حجي
العرفته من المدرسات انه الشيخ ضرغام كومه يتبرع للمدرسه حتى يعمروها لان صدك تقريبا المدرسه الوحيده البنائها زين
عفتهم حتى كمت اخاف احجي ويه ياسين من وره الحجي ضرغام واني من اجيت للمدرسه واني شاده ويه ياسين بس والله اني احبه بس ميقرا موتني ...
وره ايام صار اجتماع اولياء الامور جنت واكفه احجي ويه جم اولياء امور على طلابهم سمعت المدير كال اهلا وسهلا بالحجي
اني باوعت عزه هذا الحجي بسرعه خلصت ويه ناس ورحت ختلت بزويه حتى لايجي يسئلني
ظليت واكفه حظي اجه عليه كال بصوت يخوف ... السلام عليكم
اني باوعت عليه فكرت اذا سئلني على ياسن اكله ورده مال الله اذا السلام مالته يخوف
جاوبته بصوت خافت وعليكم السلام كال ... انت ست سمر
أنت تقرأ
هل ما زلت في قلبك
Short Storyهل مازلت في قلبك ...الحياه تتغير لكنها لاتتوقف كلشي ميستمر مثل بدايته لازم يجي يوم ويتغير الحياه مثل الطقس يوم صافي يوم مغيم يوم ممطر كنت اظن اكدر اجاوز ايامي الصعبه بوجود امي واختي واخويه الصغير يمكن جنت اتمنى اخي يكون اكبر مني وهو يتحمل مسؤوليتن...
