البارت 18
رحت للمطبخ لكيت مثنى كاعد من دخلت للمطبخ سعاده جانت واكفه شافتني جتي تبوس بيه كالت تعالي كعدي خل اسويلج ريوك كعدي اكلي ويه مثنى عالواهس
بكلبي كتلها واني نزلت حتى ناكل سوه
رحت كعدت صرت مقابيله هو لازم تليفون عساس ممنتبه
اجاني مسج عالتليفون فتحته منه كاتب 📱الله لا يحرمني من هالوجهه
قريت الرساله وابتسامتي اجتاحت ملامحي كتبتله 📱 بطل هالحركات ابو البنات
جاوبني 📱 منو هذا ابو البنات
جاوبته 📱 انت
جاوبني📱 لا لا ممرجيه منج اصلا اني دايما غاض البصر هذا اتهام باطل منج
جاوبته 📱 لا بله غاض البصر منو لعد البارحه جان يحجي بالتليفون باليل بالحديقه
رفع راسه باوعلي باستغراب قطعت حديثنا سعاده كالت عوفوا التليفون واكلوا لكمه عاد
تركنا التليفون وصرنا ناكل جان الوضع هادء سعاده عافتنا وطلعت ظلينا بس اني وياه بالمطبخ
سمعته يكلي جنتي بره من داحجي بالتليفون
رفعت راسي بس مجاوبته لان جنه دخلت للمطبخ وكفت وراه وجتفت ايدها خازرتني وواكفه
اني غلست ونزلت راسي كملت اكل وهو هم كمل بعد ماكدر يحجي لان جنه وعبودي بالمطبخ ....
اني غسلت الماعين وجان اسمع عياط بالبيت ظليت اباوع على جنه بخوف ركضنا بسرعه جوه لمكان العياط لكينا نعيمه لازمه حوريه
وماكو مسبه ماحجتها عليه وخطيه حوريه صافنه عليها
نعيمه جانت بعده لابسه العبايه هسه واصله
عالعياط نزل مثنى لان جان بالبيت ظل يعيط ويصيح اخذ امه ودخلها لغرفتها
وشتغل العياط بالغرفه مثنى يعيط ونعيمه تعيط
عمي جان طالع بيبي كاعده وتعيط خابروا علي يجيها يربيها بت مهديه ...
البيت كلش متوتر جان حوريه دخلت لغرفتها ماحجت كلمه شكد فقيره هالمره
وره شويه البيت هدء اجه عمي جان عنده كعده دخل وجهه يضحك وفرحان
سعاده كلتلها لابيبي لاتحجين شي شوفي شون فرحان خطيه تكسرين بخاطره
فبيبي سكتت بس على اعصابها محد كال لاعمي نعيمه رجعت فهو اول مااجه سلم علينا وكام لغرفه حوريه
احنا كلنا كاعدين كلنا اكيد عمي هسه حيطلع يصرخ لان حوريه حجتله
وره شويه طلع عمي وحوريه يضحكون ولا كانما اكو شي
كعد عمي يسولف ويانه ويضحك
تعجبنا شو عمي طبيعي
شويه وطلعت نعيمه عمي تفاجئ بيها بس كام راح باس راسها وكعدها يمه صارت زوجاته وحده من هذا الجانب والثانيه من الجانب الاخر
كعد كال انتو هسه بيت واحد ماريد مشاكل وانتو كبار وفاهمات واعرف مسون مشاكل ومن هالحجي احنا صافنات سعاده كلتله اي هنا مو صديقات من الاول
نعيمه بسرعه كبت انه ماعندي صديقات
كلنا نصدمنا بيها عمي ندار عليها كلها نعيمه اعرف مكسور خاطرج بس انه ماعتقد قصرت وياج بشي لهذا اليوم كل الي اريده منج ماريد مصايب
أنت تقرأ
هل ما زلت في قلبك
Contoهل مازلت في قلبك ...الحياه تتغير لكنها لاتتوقف كلشي ميستمر مثل بدايته لازم يجي يوم ويتغير الحياه مثل الطقس يوم صافي يوم مغيم يوم ممطر كنت اظن اكدر اجاوز ايامي الصعبه بوجود امي واختي واخويه الصغير يمكن جنت اتمنى اخي يكون اكبر مني وهو يتحمل مسؤوليتن...
