Chapter 1598 : မင်းဘယ်သူလဲ ?
နဉ်ရှု ရှီစီနန်ကို အသာတွန်းနှိုးလိုက်ပေမယ့် နိုးမလာချေ။ ထိုအစား တစ်ဖက်လှည့်အိပ်လိုက်ချိန် ကုတင်က တကျွိကျွိအသံ ဆူညံသွားသည်။
"ထတော့ ၊ ထတော့ .... "
နဉ်ရှု ထပ်အော်နှိုးလိုက်သည်။
ရှီစီနန် မျက်လုံးများ ပွင့်လာဟန်တူသည်။ နဉ်ရှုကို တွေ့လိုက်ရတာကြောင့် ခက်ခက်ခဲခဲ ထထိုင်ဖို့ကြိုးစားရင်း ခေါ်လာသည်။
"အမေ"
"မင်းအဘိုးပြန်လာပြီ ၊ သွားနှုတ်ဆက်လိုက်ဦး "
နဉ်ရှု ရှီစီနန်ကို သွားနှုတ်ဆက်ရန် ပြောလိုက်သည်။
ရှီစီနန် ကုတင်ပေါ်ကနေ ရုန်းကန်ထရင်း အဘိုးရှီအခန်းကို ဆင်းလာခဲ့သည်။ နဉ်ရှုလည်း သူမနောက်ကနေလိုက်လာပြီး အခန်းထဲဝင်လိုက်သည်။
အခန်းထဲ၌ ထိတ်လန့်သော အဘိုးရှီအသံထွက်ပေါ်လာသည်။"မင်း ဘယ်သူလဲ ?"
"အဘိုး ၊ ကျမပါ ... စီနန်လေ "
ရှီစီနန် တိုးတိတ်စွာ ပြောလေသည်။
အဘိုးရှီ အချိန်အတော်ကြာအောင် ပြောစရာစကားမဲ့သွားသည်။
"မင်း ဘာလို့ ဒီလိုကြီးဖြစ်သွားရတာလဲ ?"
"အဘိုး ၊ ဦးလေး ဘယ်မှာလဲဆိုတာ အဘိုးသိလား ?"
ရှီစီနန် မျက်ရည်များ စတင်ကျလာပြီး မေးလေသည်။
အဘိုးရှီ မျက်နှာအရောင်မှာလည်း မြင်မကောင်းလောက်အောင် ပြောင်းသွားရသည်။
"မင်းအဘိုးက ဆေးရုံတတ်နေတာလေ ၊ မင်းဦးလေးလို ကျန်းမာတဲ့သူတစ်ယောက် ဘယ်ရောက်နေလဲ ငါဘယ်လိုလုပ်သိမှာလဲ ?"
ရှီစီနန်အမူအရာမှာ ကွဲအက်သွားရသည်။ သူမမျက်နှာ နီရဲပြီး ဘယ်လောက်ရုပ်ဆိုးနေတယ်ဆိုတာ ရှင်းပြစရာတောင်မလို။
အဘိုးရှီသက်ပြင်းချကာ
" အဘိုး ပင်ပန်းနေပြီ ၊ မင်းထွက်သွားတော့ ""အဘိုး ၊ ဦးလေး ဘယ်သွားမှန်း တကယ်မသိဘူးလား ?"
ရှီစီနန် အနည်းငယ် မကျေနပ်သေးဟန်နှင့် ထပ်မေးသည်။
သူမဦးလေး ဘယ်ရောက်နေမှန်း ဘယ်သူမှ မသိကြဘူးလား ?
CITEȘTI
Realm 24 : Hello, Uncle
Mister / ThrillerQuick Transmigration Cannon Fodder's Record of Counterattacks Realm - 24 : Hello, Uncle Original author : Hen Shi Jiao Qing E-translator : Butterfly's Curse https://butterflyscurse.stream/novel-translations/qtf-table-of-contents/qtfavii400/ I do n...