(ح ندير جهدي انزل تابع اذا قدرت مش ح نتأخر عليكم )و هرب الضي
قلبه فز معاه و وجهه تغير و ع طول فكر فيها و خطر في باله ...موقف كيف خافت و بدت تفتح في الضي بعد هو طفاهاحمد لاحظ حالته: خيرك
حاول يبان عادي : شي بس تذكرت جدي موصيني ع دواء وراح من بالي بكل يا راجل
مع ان ما صدقه بس : خلاص معناها اربح هذاكا هو
وقف : و انت قلتها .. السلام عليكم يا جماعة
و في اصوات متتالية يلوموا فيه ليش مروح و في اللي يعلق عليه و يلقح ان مروح ع شان مرته بس هو تجاهلهم و ما رد ع حد و طلع ع طول يحاول يتصل بيها
و عندها عاد كل شي الا الظلام قعدت طول تدور في التيليفون طاح منها وراء السرير و الباين من قوة الطيحة تسكر بدت تبكي : عليك نهار احرف شنو يوصلني فيه البلوة هذا يا ربي يجي الضي و ما يطول يا رب
بدت تتلمس و كل مرة ضاربة في حاجة و مشت جنب الروشن فتحاته تبي يخش منه الضي بس الامر زاد سوء عندها لانها بدت تتخيل كل مرة صوت وكل مرة حد : وينه عبدالحميد بس مش وقتهم جماعته بكل يا ربي
: هاو هاو
و
و بدت عاد في الخوف الرسمي : روح يا كلب الهم روح مش ناقصنيسكرت الروشن و قعمزت تحته و ضامة ايديها لبعض و جسمها يهز بخوف
من جهة ثانية كان هو بينجن ليش النقال يعطي مقفل و يسوق بسرعة : خير دعوته البلوة هذا مسكر بس
و فيه اللي عاد متعود ع التصرف بروحه مش اول مرة يكون هو المسؤول
ع طول ولعت المبارة و هي زي الفنار : الله يظلمها عليهم دنيا و اخرة
ردوا في اصوات متقطعة : امين يا رب
صفية بتذمر : ديما يختاروا في وقت مميز الصراحة توا الليلة شنو يجيبه النوم
نوارة ضحكت : زمان هذا احسن وقت للحزافات امي كانت تلمنا و تبدا تحزر و احنى نجاوبوا
محمود ديما عنده فضول لايام امه زمان في الزنتان مع خوتها من كثر ما حكتلهم عليها : اماله احني فيها هيا يا حنى قوليلنا
نجمية خذت سبحتها : ايه يا ولدي زمان الاول عدا مع الاولين توا لا عاد تحبوا من يحزرلكم و لا عاد تعرفوا تجاوبوهم ما هو كيف قبل
محمد قعمز جنبها : باهي جربينا و بالك راهو بنتك واخدة منك هالعادة و تلقينا نعرفوا نجاوبوا
وجهت انظارها لنوارة: حق يا بنت
ابتسمت و تشبح لصغارها : عاد جربيهم بروحك
نجمية حركت راسها بايجاب : و انت قلتيها توا نجربهم ... يا حزارك يا مزارك هذا يا حنه أبيض لمَّاعْ فـي الغـوطْ سَمَّاع وذانـه وقـوف وذيلـه مَعكوف