و احلى شي في كل حوش التحضير للفرح
وكيف لا وفرح الليلة فرح طال انتظاره كان حلم و صار واقعفرح احمد و الريمة النوارة
اي نوارة عيلتها
ضحكة العيلة ...و فرحتها
فرحة خوتها و دلوعتهمكلا سكينة اكيد اكثر من فرحان و اخيرا بتتخلص منها و من مقالبها
بس سالمة كانت حتى هي تبكي عليها ليها سنين معاهم و علاقتهم كلها حب و احترامو الام يا روحي ع الام
و بالذات الام اللي عندها راس بنت و تكون ايديها و رجليها
و رفيقتها و بنتها و مونستها
ع قد ما تستنى يوم فرحها ع قد ما يكون صعب عليها توديعها لحياة جديدة سعيدة بس ح تكون عنها بعيدةبس مع هذا حريصة كل الحرص ان كل شي يخص عرسها يكون من احسن ما يكون
و من اول يوم في تحضير الحلويات بين البنات اللي حضروا كلهم رغم ظروفهم لان كل من منال و فادية حامل
بس كيف يغيبوا عن ضحكة عقدهم اللي ياما وقفت معاهم
ريمة كانت حريصة كل الحرص ان كل شي في عرسها يكون منظم : انت يا فرخة منال لو بالك في النوم خشي ارقدي لكن صغري يا ماما طرف الكعك وانت دايراته زي عجلة السيارة
ضحكت فادية
فنصت فيها : و ع فكرة حتى انت خلي الحجم زي بعضه مش من جهة زي الخيط و من جيهة تقول حامل زيك
و اهني ضحكت فجر
شافت للي عندها : حكري بعيونك اللي عند مرة خوي العسل هكا اللي بيدير حق
منال : اي اي حكرناها وقت حامل
فادية بدت تضحك : نست الخميرة مرة وحدة
فجر بعدم مبالاة : بس درته اختراع و خذي علامة الجودة و لعند توا في كل مناسبة حنى نجمية تقول ديروها
ريمة حتى هي ضحكت : المشكلة معش جت زي هذاكا اليوم
قاطع كلامهم صوت عياط هيام
كانت فجر ح تمشي
بس : والله مانك متحركة انا نمشيلها حبيبة قلبي العسل هذه
طارت تجري
و منال : كيف تدير من غيرها
فجر حطت من ايدها و بدت تبكي : انا كيف ندير من غيرهاو في اللي مستثقل حتى الهواء من غيرها
يستنى امتى يفوتوا الايام و تجمعه بيها في الحلال
و حاليا يفرش في حوشه
و ما احلاها من تفريشة
وقت يكون خوك يفرش في حوشك و يتمم ع كل شي مع راجلك
عاد عبدالحميد احمد وقف معاه هلبة ولهذا قسم وقته بينه و بين حوش اهلهاحمد ايديه في نصه : واخيرا ...
عبدالحميد حط ايده ع كتفه : مبارك يا صاحبي و ان شاء الله تعيشوا فيه ايام مباركة