تنوية(امس صار معاي خطا و يا ريت تسامحوني عليه لاني كنت مضغوطة هلبة و نبي نلحق انزل الحلقة اللي عنوانها مجهز مسبقا بالختام ع حسب تخطيط مسار الرواية بس عارفين يعني الكلام شكل و وقت السرد يختلف الموضوع و كنت مقررة نغير العنوان باسم part 21 بس بسبب الضغط و الاستعجال نسيت و اليوم برضوا انشغلت و ضغط خدمة الفترة هذه روحت رقدت و راحت عليا نومة 😅و لهذا ما غيرتها خلاصة القول الرواية مازال فيها ممكن حلقتين و تنتهي لاني من البداية حكيت انها خفيفة ظريفة و اعذروني ع الخطا غير المقصود ح نعدل عنوان الحلقات من جديد و ياريت تتفهموني بسبب الاستعجال احيانا الواحد ينسى تحياتي ليكم جميعا و محبتي الخالصة ليكم جميعا و اسفة جدا ع التاخير اليوم بس درت جهدي تعوضكم بحلقة طويلة و مليانة احداث ❤️❤️❤️❤️)
_________________________________
و من صباح ثاني يوم اللي كان غير في كل شي
صباحها وقت حست معنى نظراته الليلة الماضية لمس كل جزء في قلبها
دفاها بعد بردها
حسسها انها انثى قلبه و فاتنته
و ماذا تريد اي انثى بعد هكذا احساس قد تستغني عن اي شيء حتى الجميل من الكلامبكل نشاط فاقت و تجهز في الفطور و في ذات الوقت اتفقد في اللي ناقص ع شان تجهز غداء صديقه عاد طلب منها بشكل خاص
كانت تغني : اطيرله عبوده وين اطيرله عبوده وين اطيرله .. فتات يهبل نديرله عبوده وين اطيرله غاليا وين اطيرله
كان يسمع فيها تدندن ابتسم و قرر ما يحرجها دار صوت و بدي يكح : كح كح
و دخل للحمام اكرمكم الله
هي تحشمت و حطت ايديها ع خدودها : حيه عليك حشمة
بعدين رفعت اكتافها بعدم مبالاة : عادي ... اطيرله
و ضحكت و بدت تحط في الفطور ع الطاولة
لعند سمعاته جاي للمطبخكل شي فيها شعرها بحالته الغريبة
ابتسامتها الجذابة اللي تبعث الحياة و تلون كل المساحات المظلمة داخله
طريقة وقفتها عيونها كيف يهربوا منه وقت تتحشم
هو ببساطة عاشق لكل هذه الامور و لكن عاشق غير قادر ع النطق و التعبير
وسيلته الوحيدة للتعبير هي نظراته و افعاله اللي احيانا تخونه و ما يقدر يوصل عن طريقها شيبس هي عرفت من عيونه و نظراته بالذات الليلة الماضية و حضنه يوم اللي صار معاها قصة الرصاص في المصحة انها غالية عنده بس يا فجر مازلتي ما عرفتي كيف هو يشوف فيك و يحس بيك لان هو نفسه مش قادر يعبر
و ممكن الزمن كفيل ع شان تحسي بالشيء هذا
فجر استغربت و في ذات الوقت من جديد حست ان يفكر فيها حاليا بسبب طريقة نظراته الحلوة : صباح الخير
قدم و بدون كلام قعمز في مقابلها و ضم ايديه الاثنين قدامه و يتفرج عليها
فجر علامات الاستفهام تزيد و مؤشرات الاحراج في تزايد اكبر بدت تمسح في وجهها : خيرك ؟