رواية جابته الصدف وصار أغلى ما عندي

البارت الاول

تعيش حور في بيت عمها اللي اخذها تعيش عنده بعد وفاة امها وابوها واخوها في حادث .. تعيش عند زوجة عم كريها ماتحب الا نفسها وعيالها .. وعيالها ماخذين طبعها ويسوون اللي هي تباه .. يووم الاحد في البيت كلهم ملتمين في الصاله

ام شهد : بناتي حبيباتي مخلصين كل شي باجر عرس عمتكم
بو شهد : و حور؟ خلصت خذتي لج جي ابويه؟

حور ساكته وخايفه تتكلم من زوجة عمها لانه ماخذت ولا شي لعرس عمتها ولانه زوجة عمها ماهتمت لها

بو شهد : ها حور اكلمج ابويه؟
حور بغصه : لا عمي
بو شهد بعصبيه : ام شهد كييف ما خذتي للبنت شي انتو طالعات هاك اليوم ليش ما خذتوها معاكم؟
شهد : ابوويه قلنا لها اتي ويانا مارضت بعد نحن ما بنجبرها اتي ويانا يوم ماتبا
بو شهد : خلاص حور الصبح خلج جاهزه انا باخذج معاي تشوفين لج شي
ام شهد : ليش اتعب عمرك بتاخذ من لبس البنات وبتلبس من شهد او بشاير عندهم ملابس مب لابسينها غير لبسه وحده بس وبيعطونها تلبس
بو شهد : حور تبيني اخذج معاي ولا بتلبسين منهم؟
حور بقهر وبنفس الوقت ماتبا زوجة عمها تعصب عليها : لا عمي بلبس من عندهم ماله داعي اتعب عمرك وياي
بو شهد : لا حبيبتي انتي بنتي والابو مايتعب من بنته ابيج تكونين كاشخه عمتج هذي اللي بتعرس بعد
شهد : ابووي خلاص قالتلك ماتبا بعد مب بالغصب
ام شهد : يلا قوموا سيروا رقدوا بسكم سهر باجر من الصبح بتنشون قوموا ارتاحوا لكم شووي