رواية جابته الصدف وصار أغلى ما عندي

البارت السابع

قاطعها : اخذته صح بس الحين لو فيج خير سيري وقولي لاهلج عسب اقولهم روحج يايه لين عندي اخر الليل سمعيني بيزاتي ترد يعني ترد و ورقة طلاقج واصله

بند بويها و ف باله حور ، دق لها ، صوب حور شافت تلفونها حطته سايلنت ع طول

محمد : منو يدق لج؟
حور : لا تهتم الدوام حتى في الاجازه يدقون لي ماعلينا منهم احس فيك رقاد مابتدخل تريح شوي؟
محمد : والله ودي بس برقد معاج لو بترقدين
حور : اوك حتى انا فيني رقاد شوي

دخل معاها الغرفه قعد عالسرير

محمد : تحسين عمرج انج جاهزه؟

حور توترت وهزت راسها ب لا

محمد : اوكييه ماراح اجبرج ولا راح اغصبج برضاج انتي بس بسوي اللي تبينه الحين تعالي بس رقدي حذالي عسب ارقد مرتاح
حور : اوك

صعدت عالسرير محمد انسدح حور انسدحت حذاله ترقد ، بعد ساعه سمعت صوت جرس الشقه يرن

محمد : تترين حد؟
حور : اتوقع وحده من ربيعاتي لانه قلتلهم ايووني اي وقت محد عندي بروح اشوف انت خلك هني
محمد : اوك روحي

حور طلعت وشافت من الفتحه نايد بطلت الباب ودخل ع طول بدون مايشوفها

حور : شو يايبنك؟
التفت لها شاف لبسها : اوووه اشوفج من سكنتي روحج قمتي تاخذين راحتج باللبس وين اللي تقول انا مالبس جي
حور : شو تبا مب فاضيه لك
نايد : تعالي قعدي بسولف معاج شوي
حور : تشرب شي؟
نايد : سويلي اي شي
حور : كوفي؟
نايد : من ايدج هيه