رواية جابته الصدف وصار أغلى ما عندي

البارت التاسع

نوره راحت غرفتها ودقت لامها تصيح

نوره : امييه نايد مد ايده علي
ام نايد : ليييش شو مسويه انتي عسب يمد ايده عليج؟
نوره : تعالي عندنا البيت وبفهمج كل شي
ام نايد : ابوج وينه؟
نوره : مسافر باجر بي
ام نايد : زين طرشيلي حد ايي يشلني كييف اييكم انا
نوره : اوك الحين بكلم السايق يروح لعندكم

نوره بندت عنها ودقت للسايق يروح اييب امها البيت ، بعد ساعه وصلت ام نايد طلعت نوره تستقبلها ودخلتها الصاله

ام نايد : وين اخوانج؟
نوره : ماعرف نايف وينه وهذاك مادري عنه ماشفته
ام نايد : والاثنين الباقيات وينهم؟
نوره : وحده فالمحلق والثانيه فوق ماشفتها اليوم
ام نايد : خبريني ليش مد ايده عليج
نوره : امييه من اول يوم دخلت فيه حور مرت ابوي البيت والجو بينها وبين نايد متكهرب و اشكره جدامنا مب بالعين بعض ف يومها نزلت تحت فليل لقيته معاها وكانوا قراب وايد من بعض وسمعت نايد يقول لحور انه حور **** من قبل الزواج وحور ع طول مدت ايدها عليه وصفعته وراحت عنه عقبها نزلت وقلت لنايد انه حور ****؟ نكر
ام نايد مصدومه : انتي متاكده انج سمعتيهم جي يسولفون؟
نوره : هيه والله متاكده وسمعتهم عدل مب صمخه انا
ام نايد : وهاييج ماتكلمت ماردت عليه؟ 
نوره : لا ! واليوم توه قبل ماتين شفته طالع من عندها في قسم ابوي ويوم سرت اقوله شو مدخلنك عندها وحلى لك الجو بغياب ابوي مد ايده علي وضربني امييه انا حاسه اللي بين نايد وحور شي واييد كبير ولا ليش بيكونون مع بعض في الليل روحهم واليوم اشوفه معاها في الغرفه روحهم وفوق هذا يمد ايده علي
ام نايد : من كلامج واضح صدق انه بينهم شي وينه اخوج سيري ناديه لي
نوره : مابا اخاف بعد يرد يمد ايده علي مافيني انا قلتلج الحين بس لا تقولين انه سمعتي مني سيري انتي له اكيد هو قاعد ماتوقع انه طلع اصلن
ام نايد : زين خ اقوم واخذ جوله فالبيت دام ابوج مب موجود