رواية جابته الصدف وصار أغلى ما عندي

البارت السادس

نايد : شعرفج انتي بس خلج عالباستا شو بتتعشين عقب؟
حور : مايخصك ردني البيت
نايد : بشوف يوم بتين بيتنا كييف بتغيرين النظام
حور : اوك الحين يلا قووم وردني لانه حدي تعبانه ابا اريح
نايد : تعالي ريحي عندي
حور وقفت : يلا قووم فكني منك

قاموا ركبوا السياره نايد وصلها لبيت عمها قبل ماتنزل

نايد : نسيت اخبرج ترا انا بسافر باجر وعقب اسبوعين برد يعني يوم بنملج بكون موجود
حور : زين ليش تقولي
نايد : عسب ما تفتقديني
حور : على اساس هميتني يعني

حور نزلت عنه ودخلت البيت ، مرت اسبوعين بيوم الملجه حور مستغربه من كشخه شهد المبالغه فيها كانها هي العروس تمت تتطالعها من فوقها لتحتها

شهد : بلاج جي تطالعيني
حور : اشووفج اوفر كاشخه اليوم كانج انتي العروس
شهد : ليش انا مب عروس؟

بشاير قرصت شهد حور ماهتمت لهم مسكت تلفونها عنهم ، صوب بو شهد و ام شهد

بو شهد : الحين كييف بيملج ع شهد وهم يبون حور !!
ام شهد : ترا مايبالها شي بس قولهم حور غيرت رايها وماتبا تتزوج اذا سالوك عن حور قولهم بنعطيك بنتنا شهد حلوه وسنعه و رزه وتناسبكم
بو شهد : يارب بس تسامحيني ياحور
ام شهد : بتسامحك ماعليه انت عمها وانت ادرى بمصلحتها