رواية جابته الصدف وصار أغلى ما عندي

البارت الثامن

بو شهد : وانتي بعد ماصدقتي قمتي وجهزتي عمرج وبتروحين معاه
شهد : هيه ابا اروح مابا عرس
بو شهد : ماعرف شو اقولج بالنهايه هو ريلج يلا روحي معاه يترياج في السياره
شهد : مشكور ابوي

شهد طلعت سلمت ع امها وقالتها بتروح مع نايد ما عارضتها وطلعت ركبت مع نايد وهي مستانسه وفرحانه و نايد مب معبرنها نهائيا ، وصل البيت نزلوا ودخلوا شهد عينها زايغه عالبيت كييف كبير وفخم والصاله عن عشر واكثر من خدامه تتمشى فالبيت ، نايد منتبه عليها كييف تتطالع

نايد : شكلج بدوخين وانتي تتطالعين تعالي قعدي هني

شهد قعدت

نايد : بقول للخدامه ترتب لج الغرفه ومن تخلص دخلي قعدي فيها ومابيج تطلعين منها لين ارجع البيت
شهد : ان شاء الله اللي تبيه بسويه

نايد رايح يقول للخدامه وبعدها يالعند شهد

نايد : انا رايح مابا مشاكل و مابيج تتمشكلين مع حد واذا احد كلمج لا تردين عليه من تخلص الخدامه ع طول تدخلين الغرفه
شهد : ان شاء الله

نايد طلع عنها راح الدوام ، بعد ساعه الخدامه نادت شهد تدخل الغرفه ، حور طلعت من قسمها ونزلت تحت تقعد يتها الخدامه

الخدامه : مدام حابه تشربين شي؟
حور : سويلي كوفي ويبيه لي الحين بسرعه