٥:٣٠ص تحديدا بالمنطقه الشرقيه
صحت هيام على صوت ابوها يصحيها : يله هيومه اصحي عشان نودي اوراقك لاتفوتك تقديمات الجامعه
هيام : ابشر يبه
صحت هيام ودخلت الحمام تاخذ شور عالسريع ونزلت تفطر مع اخوانها وحصوص
حصوص : ابوي اسمع اليوم عندي اذاعه لازم اروح بدري نزلني الاولى
رعد: لا والله خير انا الاول
مسعود: خلاص انا بنزل رعد وهيام تنزل حصوص كذا تمام؟
هيام: الله يعينك ي الرعد 😭
حصوص: اللهم اني استودعتك نفسي ( هيام توها في بدايات السواقه )
هيام : اجل طسي ماني موديتك
حصوص : اختي هيومه احبك هههههه
هيام: اي اهجدي
مسعود: يله يله قوموا لانتاخر
------------------------------------------------
في بيت عبدالله
اللي صحى عياله من بدري ووصلهم وكانت الجوري مع حصوص بنفس المدرسه ورجع البيت وهو مصحصح ونادى روان (زوجته)
عبدالله: رواني بما ان العيال بدوامتهم والجو يفتح النفس وشرايك نطلع نتمشى على البحر
روان : والله الجو منجد يجنن يله بقوم اتجهز ثواني بس
اما عبدالله كان يحب زوجته حب عظيم وروان نفس الشئ
دقيقتين ونزلت روان تركض مع الدرج
روان: هاه طولت عليك
عبدالله: ههههههه انتبهي يابنت الحلال لاتتكسرين يله يله خل نطلع
(طلعو متوجهين للبحر )
---------------------------------
نرجع ل هيام وابوها اللي نزلو كل اخوانها للمدارس وراحو يقدمون اوراقها على الجامعات واللي كان حلم هيام انها تنقبل بكليه الطب في بريطانيا وكانت دايم تدعي انها من المقبولين فيها
مسعود: اسمعيني يا هيام عطيتهم رقمك يعني انتبهي لاي رساله توصلك والله يفرحنا بقبولك يارب
هيام : امين يارب
------------------------------------------------
الساعه ١٠:٣٠ عند دوام متعب اللي كان يداوم (بشركه)زي اي شخص ثاني وكان معه شريك اسمه حاتم واللي كان يعلمه بكل شى ويحبه ويعتبره اخوه دخل عليه حاتم وعيونه تطلع منها شرار
وقف متعب وقال : استريح ياحاتم وش فيك فيك شى!!!
حاتم: وش اللي استريح تستهبل انت تدري انت وش سويت ي خسيس ماتوقعتها منك ابدا !!!!!
متعب: انت الخسيس ي واطي انت تدري على من قاعد ترفع صوتك عليه لاوالله طالت وشمخت ي سلطانننن(السكرتير)
لف متعب على صوت الباب اللي انفتح وكانو مجموعه من الضباط والعسكر : السلام عليكم
متعب : وعليكم السلام امر اخوي وش بغيت
الضابط: جايين نلقي القبض على متعب ال******
متعب: نعم نعم وعلى اي اساس!!!!!!
الضابط: انت متعب!!!!!
متعب: اي نعم
الضابط : جانا خبر من القسم انك تخطط لسرقه اموال من شركات كبرى وشراء اسهم بطريقه خاطئه وغير مباشره(وكل عمليات الاحتيال صارت من قبل حاتم)
متعب : دقيقه ابي اي شى يثبت كلامكم
لف حاتم وكان يضحك ضحكه مستفزه : سلامات يامتعب والاوراق اللي قدامك وش ولا مسوي نفسك ماتدري ي دلوع الماما
متعب : لا تجيب طاري امي على لسانك خلها ترتاح بقبرها ي حاتم
(متعب اللي مايدري وش قاعد يصير ) اخذوه للقسم وهو حتى جواله مايدري وينه وكان كل همه لا يصير شى وزوجته وعياله وش يسوي فيهم وين يوديهم
------------------------------------------------
عند كناري الحب سامي وسلمى
سامي اللي كان بطريقه راجع للبيت وسلمى اللي قامت تركض تبي تخلص اشغالها قبل يوصل سامي قامت رتبت البيت وسوت الغداء وبخرت البيت ودخلت تاخذ شور ولبست بجامه حرير لونها بنفسجي فاتح وفاتحها شعر الحرير واخر لمساتها حطت عطرها وتبخرت وكان شكلها يفتنننننن
سمعت صوت الباب انفتح وراحت للمطبخ وحطت الغداء بالصحن
سامي: سلمىىى
سلمى: عيونها
سامي: ياهلا باللي لها الخافق يهلي تعالي ي روحي خليني اشبع من شوفتك
راحت سلمى تركض وحضنته وقالت:حبيبي
سامي: لبيه
سلمى:روح البس على مااحط الغداء على الطاوله
وراح سامي يلبس وهو يشكر ربه انه ماتردد بزواجه من سلمى
------------------------------------------------
في بيت مسعود اللي رجعو كلهم من مدارسهم وتغدو مع ابوهم: اسمعو الحين تتغدون وروحو ريحو خذو لكم غطه ساعه ساعتين (مسعود اللي وصله خبر متعب وكان يبي يصرف عياله عشان يروح)
رعد: اقول يبه
مسعود: هممم
رعد: بعد اسبوع حفل تخرجي افف احس اخيرا طولت بالابتدائي
الكل:ههههههههه
هيام : توك بتعيد نفس عدد السنين بالمتوسط والثانوي
مسعود: ابشر باحلى حفل تخرجج
رعد اللي قام وحب راس ابوه : ياجعلني فدا
وقامو كلهم يريحون والخادمه تشيل السفره وتنظف
ومسعود اللي كان شايل هم اخوه ووش بيصير فيه وقرر يروح القسم ويتطمن
------------------------------------------------
بالقسم
حاتم اللي قدم كل اوراقه للضابط والمحقق وقال كل شى باين قدامكم مايحتاج اشرح
الضابط: يعطيك العافيه تفضل
حاتم كان طالع ومر على قسم التوقيف وشاف متعب اللي واقف وكان يفكر معقوله صديق عمره يسوي كذا!!! وكان طرف منه يقول لا مستحيل حاتم يسويها
حاتم اللي راح له وقال: هاه كيف وضعك ههههههههه وحاول تتعود على المكان لانك بتعيش عمرك فيه
متعب اللي مايدري وش اللي قلب حاتم عليه وخلاه كذا المشكله انهم امس كانو مع بعض
------------------------------------------------
عند مسعود اللي دخل القسم وواجه حاتم بالطريق
مسعود: حاتم !!!!
حاتم: اي حاتم اجل اخوه!!!!
(حاتم ومسعود ماكانو يطيقون بعض كان مسعود يحس ان وراه شى وكان مسعود عند احساسه)
مسعود اللي خلاه وراح للسكرتي وقال: السلام عليكم انا جاي ازور اخوي موجود عندكم بالتوقيف
السكرتي : معليش اخوي بس الزياره انتهت تعال الصبح افضل
مسعود وهو طالع مر من جنبه الضابط وهو ماسك متعب موديه للمحقق
متعب : يالضابط تكفى دقيقه بكلم اخوي
الضابط :بسرعه
مسعود: ولد وشفيك وش صاير !!!!!!!
متعب : والله مدري ي اخوي بس ترى عيالي وزوجتي امانه برقبتك
مسعود اللي من سمع اخوه يوصي عليه انصعق بمكانه ماقدر يتحرك درى ان السالفه قويه وحس ان حاتم ورى هالسالفه
الضابط : متعب تفضل
متعب اللي خبط على كتف مسعود : عساك على القوه ي اخوي استودعتك الله
مسعود معد يدري وش يسوي طلع من القسم ومتوجهه لسيارته مايدري وين يروح ووش يقول لزوجته وتوجهه لبيت اخوه عبدالله عشان يعلمه باللي صار واتصل على سامي يسبقهم لبيت ابو مطلق
------------------------------------------------
سامي اللي كان توه صاحي من النوم
سامي : سلمى وراك ماصحيتيني اصلي المغرب والعشاء (الساعه كانت٩)
سلمى اللي كانت مفجوعه منه وحست انه تعبان لانها حاولت تصحيه اكثر من مره بس ماصحا
دخل سامي ياخذ شور وطلع متوجهه لبيت عبدالله وهو خايف من مصير متعب ووش بيصير
------------------------------------------------
اما هيام اللي صاحيه من ٦ وسوت لها قهوه وصحت اخوانها عشان يخلصون واجباتهم ويصحصحون وحاولت اكثر من مره تتصل بابوها بس مارد ودقت على اخوها الكاسر
تشوف اخبارهم وهي اللي كانت تحب الكاسر وسوالفه
----------------------------------------------
( وخلص البارت حبايبي ادعموني بكومنت ونجمه❤️ + ادري البارت صار فيه احداث كثيره ووشرايكم بااول بارت لي وكيف اسلوبي بالسرد اعجبكم او لا 😭😭)
أنت تقرأ
هزتني دموعك يامتعب وانا اللي مايهزني جبل💔😔
Randomروايه تتحدث عن اشخاص قد تضحك لهم الدنيا ويصير اللي يبونه او ينعكس كل ما كان في بالهم متعب بتدور الدنيا فيه وهيام بيصير لها تاثير على العالم وعلى عمانها واخوانها وممدوح اللي بيعيش اصعب ايامه ❤️ والاحداث مؤثره واكشن وكلها شوق ولهفه 😔❤️
