هزتني دموعك يامتعب وانا اللي مايهزني جبل💔😔

البارت الثالث

بعد سهره جميله ببيت ابو مطلق رجع كل واحد لبيته وكان هاذا روتينهم يوم الجمعه♡
--------
في بيت مسعود اللي اول مادخل تفاجأ ب حصوص نايمه بالمجلس وجنبها جوال هيام وفيه وحده بعبياتها نايمه جنبها
مسعود وقتها استغرب من ذي ووش جابها ( يمكن هيام!!)
مسعود : احم احم ( فزت منيفه من مكانها واستغربت وقت رجوعهم )
منيفه: اسفه ي عمي بس كنت عند حصه ونمت بالغلط!
مسعود: منيفه!!!
منيفه اي ياعمي شفت ستوري هيام وجيت البيت اتطمن وعلمتني حصه السالفه مع السلامه
مسعود: حصه حصه
حصه مافيه اي استجابه ومافيه الا انه يشيلها ويوديها لغرفتها
مسعود: رعد قول للخادمه تطلع تشغل مكيف غرفتها
رعد: ابشر يبه
رعد : ميشيللل ( الخدامه)
ميشيل: نعم بابا
رعد: اطلعي شغلي مكيف غرفه حصوص
مسعود شال حصه وطلعها الغرفه وراح مسعود ينام بغرفته ورعد نزل يشرب مويه
----------------------------------------
يوم السبت اللي مر مرور الكرام عندهم وهم يفكرون ب هيام ومتعب
ببيت عبدالله اللي يحس انه ثقلها شوي مع ممدوح وقرر يروح يراضيه
دق الباب مره مرتين بس للاسف مافيه استجابه وطلع!!
-------
في بيت سامي
سلمى اللي كانت تشوف سامي وواضح عليه مره ان فاقد متعب واتصالاته وضحكهم مع بعض كل يوم
سلمى : حبيبي تبي اسويلك شى تاكله
سامي: لا مالي نفس اكل
سلمى : ادري انك متضايق على اخوك بس ان شاء الله بكره كل شى ينكشف وتطلع براءة اخوك
سامي اللي حط راسه على كتفها : اخ ي سلمى
سلمى : عيون سلمى
سامي اللي كان منجد يحس ان الهم كله انزاح
---------------------------------------------------
يوم الاحد اللي الكل كان ينتظره الساعه ٧ص
في بيت ابو عبدالعزيز
مسعود: ي الرعد بسرعه لا تطول بركب السياره على ماتخلص
رعد: ابشر يبه ابشر
حصه: يبه تكفى علمني وش يصير
مسعود: اه ان شاء الله
مسعود اللي ركب السياره ينتظر رعد اللي ماطول كلها ١٠ دقايق وتوجهو للمحكمه
--------------------------------
في بيت عبدالله كان مايمدي ابدا ينتظر العيال على مايخلصون وبيته بعيد مره عن المحكمه
عبدالله: بطلع انا والفارس وممدوح وهايف مع بعض والباقيين الحقونا
فهد : خلاص يبه ابشر
مطلق : ي كاسر يله
كاسر : انا ماراح اروح
فهد: ليه ي استاذ كاسر
كاسر : يعني توني صغير تبيني ادخل محاكم
مطلق : قوم تحرك قدامي
فهد : نروح بسياره وحده
مطلق : ي عيال ابوي دق
مطلق : الو يبه
عبدالله: وينكم
مطلق : طالعين يبه
عبدالله : زين زين
مطلق : يله مشينا
طلعو متجهينن للمحكمه
----------------------------------------
اما سامي اللي كان طالع قبلهم كلهم وهو اللي ماقدر يذوق
لذة النوم
---------------------------------------------
الساعه ٨ ص
الكل كان متواجد بالمحكمه دخلو كلهم للقاعه
( طبعا متعب وهيام بلغوهم بالحكم قبل لا تبدا الجلسه )
بدات الجلسه والكل منصت
الحمدلله ، والصلاة والسلام على رسول الله ، وعلى آله وصحبه ، اما بعد : لقد اصدرت المحكمه العليا بالقبض على كلا من متعب عبدالوهاب ال ****** و هيام مسعود ال***** وذلك بتهمة تزوير اوراق حكوميه للدوله وسرقة اموال نقديه باعداد باهضه
وعلى ذلك تم الحكم على متعب بالشروط المذكروه :
١/ الفصل من الوظيفه
٢/ نزول راتب قليل جدا
٣/ المنع من قياده المركبه ويتبع الحكم ايضا لزوجته
٤/ دفع تعويض بقيمه ٦٠ مليون والمهله ٤ سنوات فقط
متعب اللي صرحو له بالخروج
اما بالنسبه ل هيام
١/ الحبس في سجن الاحداث لمده ثلاث اشهر
( وكانت كلها من شروط حاتم لان حاتم الاوراق اللي سواها ابدا ماكانت سهله)
والكل وقتها كان مصدوم لكن ثلاث شهور تهون عن غيرها
طلعو من المحكمه ومتعب معهم وهو اللي مايدري وش يقول لاخوانه
سامي اللي عزمهم على العشاء بمناسبه طلوع متعب
مسعود رفض العشاء وقرر انه يجلس بالبيت وهو اللي خلاص كره متعب وحتى ماسلم عليه
اما البقيه اقبلو العشاء وكل واحد راح بيته ينام العصر
وصحو تقريبا على الساعه ٥:١٥
ممدوح ايضا رفض العشاء وهو نفس حاله مسعود كره متعب
كره وكان يدعي على القاضي ليش يحكم على هيام
ومتعب يسرح ويمرح
مسعود اللي كان شايل هم قبول هيام بالجامعات
وطلب من رعد انه يتابع القبول اذا جاها وكانو بشهر ١٢ يعني معد باقي شى على بدايه السنه
--------------------------------------------------
في بيت متعب اللي اول مادخل وافنان راحت تركض له وحضنته وجلست تبكي
افنان : تخيل لو سوو لك شى اقسم بالله لاموت
متعب: خلاص ي بنت الحلال استهدي بالله ماصار الا كل خير الحين تجهزي احد عزمك على العشاء؟
افنان : اي سلمى ارسلت
متعب : تدرين ماني بشايل هم الشروط اكثر من هم اخوي مسعود اللي واضح زعله كبير 😔
افنان: تهون ان شاء الله
متعب : سعود وينه ؟
افنان : امس راح ينام عند عبدالله واولا راسلت روان تقول بيجي معنا للعشاء
متعب : زين زين يله تجهزي سامي بيجي ياخذنا
افنان : خلاص نص ساعه ان شاء الله وانا مخلصه
--------------------------------
في بيت سامي سلمى اللي كانت مشتطه تسوي ااحلويات والقهوه وتنظف البيت
سامي : سلمى
سلمى : هممم
سامي : بروح اجيب متعب
سلمى : باهله!!!!!!
سامي : اي
سلمى : سلامات ماخلصت !
سامي : ليه !!
سلمى : خلاص روح بس امش على هونك
سامي : ههههههههههه
-----------------------------------------------------------
في بيت مطلق
مطلق : ساره يله ياساره والله تاخرنا
ساره: تعال اخذ عني سلطان عشان اخلص
مطلق : سلطان حبيبي وش فيك صاير مزعج كذا
ساره: طالع على ابوه
مطلق : ايش
ساره اللي ابتسمت له : ولا شى
مطلق : يله يله انا بنزل والحقيني
ساره: لا لا ااخاف انزل لحالي دقايق بس بلبس عبايتي
مطلق : افف طيب يله بسرعه
------------------
في بيت عبدالله اللي كان يقسم السيارات
عبدالله: فارس وزوجته وامك وميس والجوري ونوف كلكم بسياره
و فهد وممدوح وهايف وكاسر معي ومطلق بيلحقنا هناك
واخلصو يله متاخرين
وكلهم ركبو سريع سريع ومرو ياخذون حلا لان عيب يدخلون يدهم فاضيه
------------------------------
عند سامي اللي وقف عند بيت متعب
وارسله : انا برى
متعب اللي قرا الرساله وشال فجر ونزلو
متعب: ارحب
سامي: من يرحب يبقى
متعب وسامي كانت علاقتهم مره حلوه مع بعض
وكملو سواليف على مايوصلون البيت
---------------
سلمى اللي فتحت البيت وكانت ابتهال
سلمى : ارحبي والله واشتقت لك ي حيوانه
ابتهال : وانا اكثر ي روحيييي وين سامي مشتاقه احارشه
سلمى : ههههه راح يجيب متعب
ابتهال : اساعدك بشى
سلمى : لا لا ريحي
------------------------
ناخذ تعريف بسيط عن ابتهال
ابتهال اخت عبدالله ومسعود الخ عمرها ٢٩ متزوجه من رايد وكانت لساتهم عرسان متزوجين من ثلاث شهور تقريبا
---------------
ربع ساعه واجتمعو كلهم ببيت سامي وضحك وسوالف
وجمعه ماتنمل
انتهى يومهم الحلو ماعدا مسعود الي يحس اليوم ثقيل وكيف الثلاث شهور هاذي بتمر
----------------------------------------------

( حاولت اطول البارت شوي +عطونا رايكم وافكار للبارت الجاي ووشرايكم بتصرف ممدوح؟♡ +لا تنسون الكومنت ونجمه عشان استمر✨️ احبكم 🫀🫀 + بوقف فتره بسيطه علشان الاختبارات احتمال البارت الرابع ينزل الاسبوع الجاي❤️)