يوم الخميس الساعه ١٠ الصبح
تحرك مسعود على صوت المنبه وكان مسعود منزعج
ونزل تحت يفطر مع عياله
هيام: يبه فيك شى احسك مو على بعضك
مسعود: لا ي حبيبتي مافيني شى بس مانمت زين
هيام : اكيد؟
مسعود اللي حرك راسه بنعم وهو اللي كان منزعج من الحلم اللي حلمه وقاطع تفكيره صوت الجرس اللي رن
-------------------------------------------------
عند حاتم اللي بعد ماشاف مسعود وهو خايف لا تنكشف لعبته وقرر انه يسوي شى يدمر مسعود ويخليه مكسور ومعزول عن الناس وياخذ اغلى شى يملكه
----------------------------------------------------
مسعود اللي فتح الباب وكانو مجموعه من العسكر اللي جايين يلقون القبض على هيام بتهمة انها مشاركه بالجريمه مع متعب
هيام اللي تجمدت بمكانها بعد ماسمعت الضابط يقول : معليش ي استاذ مسعود عندنا تقرير بالقبض عليها
مسعود: اقدر اشوف التقرير
الضابط: اي نعم
الضابط عطى مسعود التقرير واللي انصدم من اللي مكتوب وقال بنفسه( انا اعرف هيام مستحيل تسويها حسبي الله ونعم الوكيل عليك ي متعب بتضيع مستقبل بنتي )
الضابط: ادخلو وفتشو البيت وهيام اللي دخلت غرفها وجلست تبكي وفتح الضابط وكان يتاملها وقال بنفسه( لا اله الا الله هاذي كيف بيطاوعني قلبي واسجنها)
هيام اللي عرفت مافيه اي مفر قامت ومدت يدها وخذاها الضابط برى الغرفه
هيام والدمعه بعيونها : يبه لااوصيك على نفسك واخواني
مسعود اللي ماقدر يمسك نفسه وانهار بعد ماطلعو من البيت وهو يشوف بنته محتاجته وهو مايقدر يسوي اي شى
الرعد اللي نزل يركض مع الدرج : يبه خلاص هد ان شاء الله مافيه الا كل خير خل نروح المركز الحين ونتطمن بانفسنا يمكن فيه غلط بالموضوع
قام رعد ورفع ابوه اللي كان طايح بالارض وهو منهار وطلعو متجهين للمركز
----------------------------------------------------
عبدالله اللي جاه الخبر من ميس لانها كانت تكلم حصوص من جوال هيام وطلع مستعجل للمركز وهو حتى ماافطر ويبغى يلحق على اخوه قبل لا يصير اي شى
------------------------------------------
بالمركز
كان مسعود توه داخل وركض لاول ضابط شافه وسأله وللاسف قاله المحامي : باذن الله جلسه المحكمه بتكون الاحد وعاد وقتها يحدد مصير هيام ومتعب اما بالنسبه لهيام الحين موجوده بالحجز مع متعب
-----------------------------------------------
بالحجز
متعب اللي عرف كل شى وهو اللي ماتوقع ابد ان حاتم ممكن يسوي ذا الشى واساسا حتى لو بيسوي وشوله مدخل هيام بالسالفه
ومتعب اللي ماتكلم مع هيام لان واضح انها زعلانه منه بالحيل وصدت عنه وحطت راسها على رجولها والكل فضل السكوت افضل
( طبعا هيام كانت تحب عمها متعب بالحيل وكانت تعتبره مقام ابوها )
-----------------------------------------------
عند مسعود اللي رجع البيت وجت حصه تركض لابوها وطاحت عند رجوله تبكي وتصيح : يبه تكفى وين هيام ابي هيام ترجع مستحيل اعيش بدونها تكفى يا يبه 💔
اما مسعود اللي نزل لمستواها وجلس يبكي وهو مابيده شى ورعد اللي كان يشوف انه رجال البيت بما ان ابوه مكسور ومو قادر يسوي شى وهو خايف على ابوه من الصدمات اللي صارت له اليوم
كلها نص ساعه واجتمعو اخوان مسعود كلهم بالبيت ويواسونه وهم اللي علمو افنان باتصال بس وشروحلها اللي صار مع متعب ووش ممكن يصير وطبعا افنان قررت تسكت وماعلمت سعود عشان مايفقده وقالت ان بابا مسافر فتره ويرجع
سعود: طيب بابا ليه سافر وخلانا
افنان: حبيبي بابا عنده شغل ان شاء الله مايطول تعال الحين نروح ننام
سعود: طيب ابغى اكلم بابا عشان اقوله اشتقت لك 🥺
افنان : سعود حبيبي بابا الحين اكيد تعبان ونايم تعال يله
راحو ينامون وهاذي كانت اول مره افنان تنام مع عيالها بغرفتهم
--------------------------------------
ومسعود اللي ماقدر ينام ابدا والحال نفسه عند رعد اللي قضى ليله على سجادته يدعي وهم فقدهم ل هيام جداً صعب ويحسون انهم مايقدرون يتحركون بدونها
-------------------------------------------------
في بيت عبدالله
ممدوح (اللي كان يحب هيام ولكن محد يدري حتى هيام بنفسها يعني حب من طرف واحد )
وهو اللي طول وقته يدعي على متعب وليش خلى التهمه على
هيام
عبدالله: خير ان شاء الله معاد فيه احترام تدعي على
اخوي وانا جالس قدامك واللي صار ل هيام شئ الى الان ماوضح
وبعدين وش دخلك ب هيام هاه ولي امرها انت !!!!؟؟
ممدوح اللي قام يتأفف ودخل غرفته
مطلق: يايبه الله يهداك الحين حنا ندور حل لمشكله عمي ولا لممدوح وبعدين خله يدعي وهو صادق شفت حال عمي
مسعود كيف !!!
ام مطلق : خلاص انت وياه اللي بيجلس يجلس والباقيين قوموا روحو لحريمكم الوقت تاخر قامو فارس ومطلق وطلعو لبيوتهم وقامت روان وراحت لعبدالله وحطت يدها على كتفه وقالت : لا تشيل هم ان شاء الله الامور بخير
عبدالله اللي قام وحضنها وهو اللي مايدري وش يسوي بدونها:الله لا يحرمني منك ي روحي ادري والله اني هاليومين مقصر بس
عارفه الوضع والضغوطات النفسيه
روان : ادري ي روحي خل نطلع ننام بكره وراكم صلاه الجمعه
وقومة من بدري
-------------------------------------------
يوم الجمعه الساعه ١٠ الصبح
كانو دايما يجتمعون ببيت عبدالله ويطلعون للصلاه سوا
عيال عبدالله وسامي اللي كانو جاهزين من بدري ومسعود ورعد اخر الحضور طلعو مع بعض للصلاه ورجعو لبيت عبدالله لان الغداء هالاسبوع كان عنده
مسعود: محد مر اهل متعب يشوف ناقصهم شى يبون شى
سامي: لاوالله مامريت بس اولا كلمت سعود يسال عن ابوه قلت ابوك مسافر عنده شغل وماحبيت اناقش مره وسكرت
فهد: اجل انا بمرهم بعد العصر ان شاء الله
رعد: خذ امك ولا وحده من خواتك معك
فهد: ليه!؟؟
سامي: ي ذكي عشان تدخل عند زوجته تشوف وش تحتاج يعني انت بتدخل مثلا
الكل:هههههههههههههههههه
--------------------------------------------
في بيت مسعود
حصه اللي كانت بتموت من الطفش وهي عادة ذا الوقت تتكي مع هيام يتابعون فلم او يطلعون يلفلفون وياخذون قهوه ويرجعون
بس الجمعه هاذي كانت غير على الكل حصه اللي تشجعت وفتحت جوال هيام ونزلت ستوري سناب وانستقرام وحاله بالواتس اب وتغريده ب تويتر ولوكيت مقطع تيك توك وكانت كاتبه اني بختفي فتره بسيطه وارجع لكم احبكم🫶❤️ كتبتها وهي كلها دموع
ومن بعد رسالتها ماوقف الجوال اتصالات ولكن ماعندها الجرأه ترد ووش بتقولهم اصلا ماعدا منيفه صديقه هيام من المتوسط اللي حست انه في شئ وقررت تروح بيتهم لانها خايفه على هيام وليش الاختفاء المفاجئ
-----------------------------------------------------
( حبايبي انتهى البارت ادعموني بكومنت ونجمه عشان اتحفز + ادري ساحبه بس والله فتره اختبارات وضغط😭🥺 + عطوني افكار بالكومنت للبارت اللي بعده ❤️❤️🫶)
أنت تقرأ
هزتني دموعك يامتعب وانا اللي مايهزني جبل💔😔
Randomروايه تتحدث عن اشخاص قد تضحك لهم الدنيا ويصير اللي يبونه او ينعكس كل ما كان في بالهم متعب بتدور الدنيا فيه وهيام بيصير لها تاثير على العالم وعلى عمانها واخوانها وممدوح اللي بيعيش اصعب ايامه ❤️ والاحداث مؤثره واكشن وكلها شوق ولهفه 😔❤️
