مر الشهر والشهرين والثلاثه
وكان باقي يومين على خروج هيام ومسعود اللي يحس اليومين ثقيله ويحاول يسوي اي شى عشان تمشي هاليومين
هيام اللي وصلها رساله القبول بالابتعاث ببريطانيا مسعود اللي ضاق صدره وخايف لا تروح عليها وهي لسه ماطلعت من السجن
اما عند كناري الحب سلمى وسامي جاهم خبر كثير فرحهم وفرح جميع اخوان سامي وكان هالشى الحلو اللي طال انتظارهم سلمى حامل وبيصير سامي اب👶 ومحد بفرحتهم
عند عبدالله اللي كمل روتين حياته عادي اللي هو اهم شى عياله وراحتهم
وممدوح يحس انه بيطير بعد مادرى بخبر ان هيام بتطلع من السجن وهو اللي الى الان مايدري ببعثتها وكمل يجهز للجامعه
ومتعب اللي توه يستوعب انه ابدا مايقدر يدفع التعويض والمبلغ جدا كبير وبدا يشيل هم اكثر واكثر
------------------------------
يوم الاثنين
مسعود: الاسبوع الجاي ان شاء الله ذا الوقت وانتم بالمدرسه ههههه
حصه: يبه تكفى لاتنكد علينا
رعد : اوه حصوص كبرتي بتصيرين ثالث😉
حصه : يع كل مااكبر كل ماكرهت المدرسه اكثر
مسعود: ههههه توك قدامك مشوار طويلللل
رعد : باقي على بعثة هيام شهر ونص صح ؟
مسعود : اي عاد بتستانس
رعد: اي عاد هاذا حلمها الله يوفقها يارب بس كيف بتبعد عنا ٥ سنين وحنا ثلاث شهور ماقدرنا
مسعود : فيه فرق اذا انت تتطمن عليها وتشوف وش تبي ووش ماتبي ووفرق اذا ماتدري هي وش تسوي ووش محتاجه
رعد : صادق والله الله ييسر لها
مسعود: كلمت كاسر
رعد : اي
----------------------------------------------
في بيت سامي
سلمى اللي قامت وراحت تسوي لها فطور
سامي : سلمى!!!!
سلمى: وش فيه
سامي : انا مو قلت لاتسوين ولا شى
سلمى : وشدعوه ترى كلها فطور وبعدين انت نايم يعني اصحيك ههه
سامي : ههه اطلعي اطلعي انا بسوي الفطور
سلمى : يله ورنا ابداعك
سامي اللي تورط وهو مايعرف يسوي شى
سامي: سلمى كيف اسوي الشاهي
سلمى : طلع الاكواب وسوو ملعقتين سكر ولبتون ومويه حاره بس
سامي : بس !!!!
سلمى : لا دخله الفرن
سامي : صادقه!
سلمى : وشرايك
سامي : لا جد وش
سلمى وهي طالعه : زي ماقلت لك
سامي: طيب تعالي شغلي الفرن
سلمى : امزح ي رجال لا تحرقنا
الكل:هههههههههه
-------------------------------------------
في بيت عبدالله
وهم يفطرون فهد اللي قرر اخيرا انه يتكلم
فهد : اقول يبه
عبدالله: قول
فهد : انا قررت اكمل نص ديني واتزوج دورولي بنت الحلال
روان اللي قامت تزغرط وهي اللي من زمان تبي تزوجه بنت اختها
روان : وشرايك ل شموخ بنت اختي لمار
فهد اللي كان يبيها من زمان
فهد: اللي تشوفينه
ممدوح اللي لف على فهد : حركات والله مابغيت
فهد : عقبالك ي الثقيل
ممدوح : تستهبل اي ثقيل وانا اذا شفتها اقلب دجاجه
فهد : يعني حاط عينك على وحده
ممدوح : اي
فهد : هههه ومن هي تعيسه الحظ اللي بتاخذك
ممدوح : والله انها كثيره علي
فهد : طيب منهي ي درج عشان اشوفها تناسبك ولا لا
ممدوح : بتجلس تزبد ماني بقايلك انقلع عني
عبدالله : اجل الا سبوع الجاي نروح نخطب لك
فهد : الله يتمم على خير
ميس : الله اخيرا بفتك منك ي سراق الشواحن
فهد : من قال بتفتكين مني ببني غرفه بالحوش واجلس على قلوبكم
هايف : عشان اهدمها على روسكم
الكل:::هههههههههههههههههههههههههه
فهد: افا ي هيوف وراك قلبت علي
---------------------------------------------------------
انتهى يومهم وهم يتجهزون لخروج هيام بكره مسعود اللي كان مجهز حفله صغيره في البيت بس طلب من اخوانه انهم مايكونون متواجدين وده يحتفل مع بنته وعياله لحالهم
وسامي اللي انتهى يومه وهو يطلب من سلمى ماتشتغل وهي تعاند وتكابر ان مافي تعب
وفهد اللي انشغل يبي يعرف من هي فارسة احلام ممدوح
الكل راح لفراشه وهم متيقينن انهم بيصحون على يوم جميل واخبار حلوه تفرحهم
---------------------------------------------------------
اليوم المنتظر يوم الثلاثاء ( يوم خروج هيام )
الكل ببيت مسعود مستنفر ويجهزون اما بالنسبه لاخوان مسعود(باستثناء متعب ) قرروا يجون يسلمون وياخذون حريمهم ويرجعون بيوتهم
عند هيام اللي اخيرا بتطلع وتفتكك من السجن والغثه اللي عندها
طلعت هيام تكمل اوراق خروجها وركبت سيارتها وتوجهت للبيت
اهلها ماكانوا يدرون متى بتطلع بالضبط فكانو مستعدين
انفتح الباب وقاموا كلهم
طبعا رعد وحصوص كانو مكلفينهم يفكون هاذيك حقت القصاصات الورقيه ( مدري عرفتوها اولا )
رعد وحصه فكوها وركض مسعود
مسعود يحضنها: ارحبي ارحبي ي هيامي شخبارك ي عيوني
هيام: الحمدلله تمام انتم شخباركم
هيام اللي سلمت على عمانها وحريمهم وطلعو عشان ياخذون راحتهم
حصوص اللي ركضت ل هيام وجلست بحضنها تبكي
هيام : بسم الله عليك خلاص قومي الحين خلينا نروح لابوي بالمجلس
دخلت هيام المجلس وكان رعد واضح انه كان يبكي كان من اول علامات رعد انه يبكي يتلثم بشماغه
هيام اللي راحت لابوها ووقفت قدام الطاوله ومسكت السكين بتقطع الكيكه بس تراجعت اول ماقرت مكتوب على الكيكه ( مبروك قبولك ببعثه بريطانيا فخورين فيك )
هيام هينا انهارت ماتوقعت ابدا
مسعود اللي مسك يدها وقطعو الكيكه وجلسو يكملون باقي سوالفيهم
هيام : يبه البعثه باقي عليها شهر واسبوع وودي اروح من الحين
مسعود: ليه
هيام : ابغى اروح على مااتاقلم على المكان واكمل باقي احتياجات السكن
الرعد : بس تونا مطولين
هيام : بحجز رحلتي بعد اسبوع مافيه وقت وودي اغير جو بعد السجن والكتمه اللي جلستها
مسعود: اجل براحتك
هيام : وين جوالي
حصوص اللي جابته: عاد فللته لك
هيام : اكيد مفللته عشان تلعبين فيه ههههه
هيام اللي اول مافتحت الجوال على طول راحت لرقم منيفه
وارسلت لها 🗨
منيفه
انا طلعت من السجن اليوم واابغى اشوفك
وسكرت جوالها وجلست تسولف مع اهلها ساعه ساعتين وطلعو كلهم ينامون معدا هيام اللي انتظرت منيفه بس مافيه رد ونامت
----------------------------------------------------
اما بالنسبه ل ممدوح شاف تصوير ميس للكيكه وهو خلاص بينجن ماتوقع ابدا انها ممكن تروح فتره طويله ومكان بعيد بعد!!!!!!
ماقدر ينام ذا الليله ابد
-----------------------
ومتعب اللي ضاقت به الوسيعه وصار انسان ضعيف جدا وراتبه صار حدود ( ٢٠٠٠) بس ومايبغى احد يدري
وشايل هم التعويض وش يسوي وهو اللي فاقد اخوانه وجمعاتهم
-----------------------
عند مطلق اللي سرى عليهم سلطان
يبكي ومايدرون وش فيه
ومافيه حل الا انهم يودنوه المستشفى
------------------
عند فهد اللي مافيه احد بفرحته ابد
وهو اخيرا بياخذ شموخ بعد ماكان يفكر كيف يقول لاهله الحين يفكر كيف بيعيشون مع بعض
وهو مايدري اصلا بترضى وتوافق اولا
---------------------------
انتهى هاليوم الحلو عليهم كلهم ، باستثناء ممدوح اللي شايل هم بعثت هيام ومتعب شايل هم التعويض وزعل اخوه مسعود وبنته هيام
----------------------------
( انتهى البارت حبايبي ادعموني ب نجمه وكومنت 💜 + انشروا الروايه + احبكم 🩷 وراح اختفى فتره اختبارات الفاينل ماباقي عليها شئ + احبكم باي❤️😫)
أنت تقرأ
هزتني دموعك يامتعب وانا اللي مايهزني جبل💔😔
Randomروايه تتحدث عن اشخاص قد تضحك لهم الدنيا ويصير اللي يبونه او ينعكس كل ما كان في بالهم متعب بتدور الدنيا فيه وهيام بيصير لها تاثير على العالم وعلى عمانها واخوانها وممدوح اللي بيعيش اصعب ايامه ❤️ والاحداث مؤثره واكشن وكلها شوق ولهفه 😔❤️
