عند مطلق اللي ريحوا شوي بالفندق ونزلوا عشان يدورون لهم مطعم يتعشون فيه
---------------------------
عند مسعود اللي من طلع متعب من عنده وهو يفور ويرجف
ابتهال: مسعود خلاص هد لايصير فيك شى
مسعود: وش بيصير اكثر من اللي صار فيني
ابتهال: تبي الصراحه ،
لو خليت متعب يدخل ويعلمك السالفه مو افضل
مسعود: وش يبي يقول ي ابتهال كل شى واضح قدامنا مايحتاج له تبرير
ابتهال : الا يحتاج كلنا ماندري ليه متعب سوا كذا ويمكن مو هو اللي مسوي كل ذا مسعود افهمني متعب يحتاج احد يوقف معه مو كلنا ضده
مسعود اللي قام يبكي وهو يتذكر كل شى صار
رعد: يبه تبي شى ؟
مسعود : لا بس خلوني لحالي
-------------------------------------------------------
عند هيام اللي طلبت لها قهوه
وقررت انها تنزل تتمشى شوي وكان الجو هادي ومطر خفيف ♡
هيام: الله عليك ي لندن اجواء فوق الخياللللل
رفعت جوالها ولقت اتصال من منيفه
وردت عليها وتاخذهم السواليف وهيام تتمشى بشوارع لندن الممطره
--------------------------------------
انتهى يومهم الحلو بتفاصيل جميله
وكلهم ناموا على امل ان بكره اجمل 💞
---------------------------------------------------
٢:٣٧م
كان بيت عبدالله بحاله استنفار عشان يطلعون للشاليه 😂
عبدالله: بالله هاذا شاليه نطلع ذا الوقت
روان: روق روق ي ابو مطلق دقايق بس نلبس عباياتنا
ميس: يمه خذيتي الورد ؟
روان : اي اي خذيته
هايف : ورد ايش بعد
ممدوح : يعني ماتعرف حركات الحريم عشان يصورون
الكل:هههههههههههههههههههههههههههههههههه
عبدالله: الجوري وكاسر ونوف وامكم معي وفهد ياخذ معه ممدوح وميس وفارس يلحقنا هناك
روان: يله يله اهم شى لاتنسون شى كل شى شيلوه
وطلعوا متوجهين للشاليه
----------------------------------------------------------
في بيت فارس ربى اللي كانت مطلعه ثلاث شناط
ربى : فارس امسك ذا الشناط شيلها معك
فارس: تبين اشيل الدولاب بعد ؟
ربى :حبيبي وش فيك ترى والله اغراضي قليله
فارس: اقول اطلعي اخلصي لا نتاخر على اهلي
وطلعو متوجهين للشاليه
-------------------------------------------
في بيت سامي
سلمى اللي حملها بدا يكبر وتتعب زياده ومو طايقه اي احد ابدا ابدا
سلمى : اقول سامي
سامي: لبيه
سلمى : ودي اروح لاهلي كم يوم
سامي : افا ليه مقصر معك في شى
سلمى : لا بس اشتقت لهم
سامي :ليتني اهلك
سلمى: ساميييييي
سامي : عيون سامي
سلمى : ترى والله الهرمونات لاعبه فيني
سامي: خلاص ي عيوني تجهزي اوديك اذا خلصتي
سلمى: احبك♡
-----------------------------------
في شاليه الحريم
ربى : لا الورد هنا احلى
الجوري : لا تكفون خلوه على الزاويه
ميس : اذا جاء على الزاويه بيغطي على المسبح
ربى : خلاص خلوه هنا احلى
دق الباب وراحت نوف تفتح
نوف : مين
ممدوح : خطاف جايين يخطفونس ي البزر
نوف: ههههههه وش تبي
ممدوح : ابي التمر
نوف: ماماا ممدوح يبي التمر
ام مطلق: ربى جبتي التمر معك
ربى : ايه ي خاله تبينه؟
ام مطلق : ايوه ممدوح يبيه
ربى : ابشري ي خاله
وميس والجوري كملوا مناقراتهم على الورد
------------------------------------------------------
عند بيت مسعود توهم يصحون
ابتهال اللي قامت وهي متعوده اصلا تصحى متاخر راحت لغرفه حصوص
ابتهال: حصه سلامات قومي يله طولتيييي
حصه: بنام بس شوي
ابتهال : ترى اذا طفشت بروح لبيتي
حصه : خلاص طيب بقوم
قامت حصه وهي اصلا ماشبعت نوم ( ومن يشبع من النوم اصلا)
وبعدها راحت لغرفه الرعد
ابتهال: رعد قوم اخلص اجلس معي طفشانه ( وهي كذابه بس حالفه تنكد عليهم)
رعد: طيب ابشري
نزلت تحت ولقت اخوها مسعود جالس
ابتهال: مسعود!! متى صحيت
مسعود : توني صاحي سويت لي شاهي وجلست شوي
ابتهال : بروح اسوي قهوه وخل نطلع نتمشى على البحر طفشش
مسعود: تم تم بس صحيتي العيال ؟
ابتهال : ايوه
مسعود وقف عند الدرج : رعددد حصههه
رعد : هلا
حصه: هلا
مسعود : تجهزوا بنطلع للبحر
حصه: اخيرا قررتوا نطلع
مسعود: ههه توسطت لكم ابتهال
رعد: اطلق عمههههه
ابتهال: اقول لايكثر انت وياه وتعالوا ساعدوني
حصه: صح انك منكده علينا بس ابشرييي
--------------------------------------------------------
( حبايبي امر بظروف محزنه وضغط علي اسعدوني بدعواتكم ومواساتكم لي عشان اقدر اكمل 🥺😔)
أنت تقرأ
هزتني دموعك يامتعب وانا اللي مايهزني جبل💔😔
Randomروايه تتحدث عن اشخاص قد تضحك لهم الدنيا ويصير اللي يبونه او ينعكس كل ما كان في بالهم متعب بتدور الدنيا فيه وهيام بيصير لها تاثير على العالم وعلى عمانها واخوانها وممدوح اللي بيعيش اصعب ايامه ❤️ والاحداث مؤثره واكشن وكلها شوق ولهفه 😔❤️
