هزتني دموعك يامتعب وانا اللي مايهزني جبل💔😔

البارت السابع

الساعه ٣ الفجر في بريطانيا
صحت هيام على صوت جوالها يدق
ردت هيام : هلا يبه
مسعود :  صح النوم شخبارك ي قلبي
هيام : صح بدنك تمام الحمدلله
مسعود : وش ذا النوم وكيف الوضع عندك
هيام : والله تعب والجو برد يخليك تنام غصبب
مسعود : صوري لي السكن بشوفه
هيام : صورته برسله لك سناب
مسعود : محتاجه شى تبين شى
هيام : سلامتك وسلمني على حصوص ورعد
مسعود : يوصل ان شاء الله ، مع السلامه
هيام : فمان الله
مسعود نوعا ما ارتاح بعد ماتطمن على هيام
قامت هيام تغسل وتصلي الصلاوات اللي فاتتها
-----------------------------------
في بيت سامي
سلمى : اخخخ يالتعب ماتوقعت الحمل كذا صعب
سامي : تهون ي قلبي خلاص مرت اربع شهور باقي خمسه ويشرف ولدنا البطل الغالي ولد الغالي والغاليه
سلمى : المفروض يكون ولد الغاليه بس
سامي : ليه وانا وين؟!
سلمى : انت حامل ؟
سامي : لا
سلمى : اجل سد فمك ماجربت التعب اللي فيني
سامي : جعله فيني ولا فيك 
سلمى  اللي ابتسمت على خفيف : طيب سكر المكيف برددد
سامي : ابشري
--------------------------------------------------------------
في بيت عبدالله
عبدالله : فهد وش وضع زواجك خطبت البنت وسكت
فهد : هاه مدري والله انا اقول نخلي الملكه بعد شهرين
عبدالله: شهرين !!!
روان : انا اقول خلها ثلاثه عشان نجهز برواقان
ميس : اي شهرين مره ماتكفي
عبدالله : اختاروا وقت مناسب عشان نبدا نحجز
روان : تاكد من التاريخ وعلمنا
فهد : تمام
-----‐------------------------------------------------
في بيت مطلق
ساره : مطلق خل نسافر الرياض مشتاقة لها مره
مطلق : حتى انا ودي اروح لها ابي اشتري اغراض من المعيقليه
ساره: وانا ابي اتمشى في الواجهه والعماريه ونروح ابراج الماليه
مطلق : نمشي بكره
ساره : والله؟؟
مطلق : اي جهزي اغراضك بنمشي الفجر
قامت ساره  نومت سلطان وبدت ب حوسه الشناط
ساره: كم يوم ؟
مطلق : حول اربع ايام
-------------------------------------------------
في بيت مسعود
كانوا توهم يتغدون
دق الجرس وقام رعد يفتح الباب
العمه ابتهال : مفاجاه صح؟
رعد: ي بنت الحلال اطلق مفاجاه
ابتهال:هههههههه،ابوك موجود؟
رعد: اي بس وش ذا الشناط اللي معك
ابتهال : دخلها وافهمك
ابتهال دخلت الصاله وقام مسعود يرحب فيها
مسعود : يامرحبا يامرحبا وش ذا الغيبه اشتقنالك
ابتهال : مسرع توني امس عندكم يوم نودع هيام
مسعود: تصدقين كانها شهر مو يوم
ابتهال : معليك تهون بعدين انا جايه  الحين اجلس  على قلوبكم بجلس عندكم سنتينننن
مسعود : افففف ليه سنتين  وين رايد
ابتهال : رايد عنده انتداب في تركيا وبجلس عندكم ولا ماتبوني😑
مسعود : الا بالعكس عشان تعوضين مكان هيام
حصوص: الله ابتهال بتجلس عندنا ي لبيههه
رعد : اي والله ي لبيه احسننن شى
ابتهال: تطقطق انت وياها
رعد: لا والله جد مبسوطين عشان تسهرين معانااا
ابتهال: ونتابع فيلم
كلهم: اللههههه
واتوقع انها اجمل سنتين بتمر مع ابتهال ومع ذلك عشان يمر الوقت بدون هيام
------------------------------------------------------------
في بيت مطلق
ساره اللي اخيرا خلصت من ترتيب الشناط
مطلق : اقول ماودك نمشي الحين
ساره : الا والله
مطلق : بروح اسلم على اهلي اجي القاك لابسه ومخلصه
ساره: قدامممممم
مطلق اللي ضحك من حماسها وطلع شغل سيارته وتوجهه لبيت اهله
------
في بيت عبدالله دخل عليهم مطلق وهم يتقوهون بالمقلط
وسواليف وجلسه ماتنمل منها
هايف : يبه الاجازه قربت تنتهي ليه ماناخذ شاليه بكره ننبسط فيها
ميس : اي والله طفششش
عبدالله: خلاص يروح مطلق شوي يدورلكم
مطلق :  انا ماني مخاويكم جيت اسلم وبمشي للرياض
عبدالله: اهلك معك
مطلق: اي
روان : وش موديكم الرياض؟
مطلق: ترفيهه
عبدالله: الله يستر عليكم
مطلق اللي قام : فمان الله
ميس : وموضوع الشاليه
كلهم التفتوا على ممدوح
ممدوح : خير
ميس : مافيه الا انت تدور لنا
ممدوح: اففف وفهد
روان : فهد بيدخل القفص الذهبي مانبي نشغله
الكل :هههههههه
----------------------------------------------------------
في بيت فارس
ربى : اقول يالفارس
فارس : عيونه
ربى : ميس مرسله تعزمني على الشاليه بكره
فارس: اي علموني
ربى: طيب ؟
فارس: وش
ربى : بنروح ولا لا
فارس اللي حب ينرفزها : اكيد لا
ربى اللي شهقت : ليه
فارس : بس ماابيك تبعدين عني
ربى : فارسسسسسس
فارس : همممممم
ربى : ترى والله طفش
فارس : بكره انا مواعد العيال مايمدي
ربى : طيب نزلني وروح
فارس : لا
ربى اللي صدقت : خلاص براحتك
فارس : افا زعلتي
ربى : لا عادي
فارس : ي بنت الحلال اطقطق عليك
ربى اللي فزت بحماس : والله
فارس : اي
ربى قامت وجلست بحضنه : ي بعدهم كلهم
------------------------------------------------------
في بيت متعب
قام لبس وتجهز بيروح لاخوه مسعود
متعب: افنان
افنان: هلا
متعب : جيبيلي مويتين
افنان: طيب مين بيوديك ؟
متعب : بشوفلي اوبر
افنان : وفلوس التوصيل
متعب : معليك عندي حساب المواطن توه نازل (٢٠٠)
افنان : زين وعلمني وش يصير اول باول
متعب : والله اني خايف
افنان: معليك حاول هاذا اخوك ولازم تتصالحون مالكم الا بعض بالهدنيا
متعب اللي تنهد وطلع  ركب مع اوبر ومشا لبيت اخوه
-------
في بيت مسعود كانوا يتقهوون مع ابتهال
ابتهال: اقول  رعد
رعد: هلا
ابتهال: الحين ابوك كذا مايتفرج الا اخبار
رعد: والله هذاا اخوك قبل لايصير ابوي يعني ماتعرفينه
ابتهال: سامج
مسعود: اقول ابتهال ورا ماتصكين حلقك يعني وش بتتابعين
ابتهال: قومي حصه جيبي الريموت اوريكم الحين
وشغلت نت فليكس اللي كانت هيام دايما تتابعه بس كانت تقولهم ياويلكم تفتحونه
مسعود: اي خل نشوف اخرتها معكم
ابتهال: ي اخوي الاخبار ماتجيب الا الهم الحين افتح لكم فيلم يجننننن
وشغلت فيلم وجلسوا يتابعون سوا

دق جرس البيت وقام رعد يفتح الباب
رعد: عمي متعب!!!!!!!!!!
متعب: مسعود موجود
رعد: اي
متعب حط رجله بيدخل الا مسعود ورا رعد
مسعود: خير ان شاء الله
متعب: مسعود تكفى بااكلمك
مسعود: مالي كلام معك اللي سويته مو شوي بعدين انت ماعندك كرامه كل ذا اللي مسويه وجاي لك وجهه بعد
متعب: مسعود وربي اللي صار مو بيدي خلني افهمك
ابتهال اللي كانت تحب اخوها متعب : مسعود اسمع وش بيقول
مسعود: ابتهال رجاء ادخلي وانت انقلع لعاد اشوفك عند ذا البيت ولعاد اشوفك مكلمني يكفي هيام اللي مسافره من بدري النفسيه تعبانه منك ومن مشاكلك اللي ورطتها معك وسجنتها وهي بالعمر وهي اللي كانت حاطتك بمقام ابوها وتعزك وتغليك عن باقي عمانها بس الحين سامي خذا مكانتك ويله لعاد اشوفك بيتي يتعذرك
-----------------------------------------
متعب اللي نزل راسه وركب السياره ورجع لبيته وهو محتاج يجلس لحاله
توجهه لغرفته على طول وسكر الباب
فهمت افنان ان فيه شئ ف خلته لحاله
-------------------------------------
مطلق كان توه داخل الرياض
ساره: الحمدلله على السلامه
مطلق: الله يسلمك
بنروح الفندق اول شى نريح وبعدها نطلع نتعشى
ساره: تمام
------------‐----------------------

(البارت الجاي بيكون حريقه وفيه احداث كثيره 🤗 ومتعب وهيام بتتجدد اخبارهم +لاتنسون تتفاعلوا بكومنت ونجمه +احبكم )