يوم الاربعاء في بيت مسعود صحت هيام ونزلت تقول للخادمه تنزل الفطور وطلعت تصحي ابوها
في غرفه مسعود :
هيام : ابوي يله قوم ابي اسولف معك
مسعود : هممم
هيام : ترى بزعل
مسعود اللي فز من مكانه : ماعاش من يزعل اميرتي
هيام :ههههه جعل عمرك طويل يابوي انا بنزل والحقني
مسعود : تمام
هيام وهي تسكر الباب : لاتتاخر
مسعود: لا ماعليك دقايق وانا عندك
مسعود اللي قام بسرعه ولبس ونزل يفطر مع هيومه
هيام : يبه
مسعود: لبيه
هيام: متعب ماجاك ابدا
مسعود : لا ماجاء واصلا ماابيله شوفه
هيام : قسم بالله انه حقير حتى اعتذار مااعتذر
مسعود : معلينا منه ذلف بخيره وشره
مسعود وهيام كل هالكلام كان كذب كل واحد بداخله شوق ل متعب وكلهم يحبونه بس الكرامه سيدة الموقف
مسعود: الحين وش صار على بعثتك
هيام : خلصت اوراقي ورحلتي بعد بكره
مسعود : بعد بكره !!!!
هيام : ايه صح ان الدراسه لسه مابدت بس ودي اروح على مااتعود واهيئ نفسي
مسعود: الله يوفقك واشوفك باعلى المناصب
هيام : امين
مسعود استاذن وطلع لدوامه
وهيام اللي راحت تجهز شناطها
صحت حصوص وراحت سيده لغرفه هيام
هيام : صحت الدنيا
حصوص : هههه المهم وش تسوين
هيام : اجهز شناطي
حصوص: اما متى رحلتك؟!
هيام : بعد بكره
حصوص : لا تكفين لا تروحين
هيام : انا ماراح اروح ل شئ تافهه انا رايحه عشان اكمل مستقبلي
حصوص : بس البيت بدونك ولا شى
هيام : هههه معليك بتتعودين مع الايام ورعد وابوي مايقصرون بعد
حصوص اللي شالت هم ماتبي هيام تروح ابدا
---------------------------------------------------------------
في بيت عبدالله
في غرفه ممدوح اللي مانام ابدا وهو يفكر ب هيام دق الباب وكان ابوه
ممدوح : من
عبدالله : انا افتح بكلمك من امس ماشفناك عسى ماشر فيك شى ؟!
روان : ي ولدي افتح من فطورك امس ماكليت شى
ممدوح بعصبيه وصوت عالي : ماابي شى خلاص روحوااااا
هايف بخباثه : ي ابن الحلال الشرهه علينا جايين نطمن عليك اطلع اخلص علمنا وش شاغل بالك وتفكيرك هههههه
ممدوح اللي انفعل وعصب من كلامه وفتح الباب بعصبيه ومسك هايف من ياقته
ممدوح : انا اذا قلت اذلف معناته تذلف
هايف : ي ثور فكني
ممدوح : ذبحتك اليوم على يدي
ممدوح اللي طاح ضرب ب هايف
عبدالله: ي ولدي استهدي بالله و فك اخوك
فهد اللي جاء على صراخهم وسحب هايف : سلامات وش فيه ؟!!
عبدالله : علم اخوك ذا اللي حابس نفسه من امس بالغرفه ان ماتعدل وقالنا وش علمه اني لااكفر فيه
فهد : خلاص روحوا انتم وخلوني معه
ممدوح اللي تأفف ولف وجهه ودخل غرفته لبس وطلع شغل سيارته ولحقه فهد وركب معه (كانت اول علامات عصبيه ممدوح انه يتلثم بشماغه ومايتكلم مع احد )
فهد : ياابن الحلال تكلم قول وشفيك
ممدوح : فهد انا واثق فيك وبعلمك انت لحالك واحلف انك ماتعلم احد
فهد: والله مااعلم بس تكلم قول وش فيك ي اخوي اسمعك انا
ممدوح : انا احب لي وحده بس هي مادرت عن هواء داري والحين بتسافر
فهد : طيب وش المشكله ؟، ومنهي ذي
ممدوح: المشكله اني ماراح اشوفها الا بعد ٦ سنين
فهد اللي تذكر على طول : لايكوننن
ممدوح: ايه هي اللي جت ببالك
فهد: هيام!!!!!
ممدوح : ايه هيام
فهد: بس مستحيل ان عمي يوافق
ممدوح : ادري والله ادري
فهد: والله موضوعك صعب مااقدر اساعدك ابد
ممدوح: اخخخخخ
------------------------------------------------------------
في بيت متعب
سعود: بابا
متعب: هلا
سعود: ابي سوني
متعب:بعدين اشتريلك ي بابا
سعود: دايم اقولك تقول بعدين كل طلباتي بعدين
جت افنان واللي كان معها الغداء صحن جبن وخبز
والحمدلله شاكرين ربهم على النعمه اللي هم فيها
متعب اللي خلاص توقف تفكيره مايدري وش يسوي بس متصبر وساكت
------------------------------------------------------
نرجع لبيت مسعود
في غرفه هيام اللي كانت حايسه بالشناط هي تطلع من الدولاب والخدامه ترتب في الشنطه
ورعد وحصوص كانوا جالسين يتابعون تلفزيون تحت
دخل مسعود البيت وكان جايب غداء
مسعود : رعد اطلع بسرعه ناد اختك تتغداء
رعد قام ينادي هيام وحصوص راحت تجيب الصحن والسفره ومسعود يبدل ملابسه
اجتمعو كلهم بالمقلط ياكلون
هيام : اخخخ راسي بينفجر من ذا التجهيز تعببب
مسعود : خذي حصوص تساعدك
حصوص: لا تكفى عاد ماقلت ساعديها الا يوم بدا برنامجي
مسعود: ههههه ليتك تفكينا من ذا البرامج
هيام : خلها تشغل نفسها هههههههه
رعد : الله لا يشغلنا الا بطاعته
الكل:هههههههههههه
--------------------------------------------------------
في بيت مطلق
مطلق : ساره
ساره وهي بالمطبخ: لبيه
مطلق : كم باقي على العشاء؟
ساره : اممم تقريبا خلص
مطلق جالس بالمجلس يلعب سلطان
مطلق: ي زين يوم جابتك فيه امك ياجعلني ماانحرم منكم♡
ساره: ههههههه يله ي ابو سلطان العشاء جاهز
-----------------------------
في بيت عبدالله
ممدوح اللي على حاله ماتغيير
روان اللي حطت العشاء على الطاوله
روان : يله تعالو العشاء جاهز
جلسوا كلهم يتعشوون باستثناء ممدوح اللي صدع من كثر التفكير ونام
-----------------------------------------
كلهم ناموا وهم عندهم يقين ان بكره اجمل💞
------------
الظهر في بيت مسعود صحى مسعود وصحى هيام ورعد وحصوص وراح يجيب فطور
هيام صحت وفتحت جوالها وشافت الرساله اللي صدمتها!!!😱😣
نزلت ركض تحت بس مالقت ابوها
جلست تنتظره يرجع
---------------------------------------
(انتهى البارت حبايبي ادعموني بنجمه وكومنت احبكم ❣️
انشروها ❣️😣)
أنت تقرأ
هزتني دموعك يامتعب وانا اللي مايهزني جبل💔😔
Randomروايه تتحدث عن اشخاص قد تضحك لهم الدنيا ويصير اللي يبونه او ينعكس كل ما كان في بالهم متعب بتدور الدنيا فيه وهيام بيصير لها تاثير على العالم وعلى عمانها واخوانها وممدوح اللي بيعيش اصعب ايامه ❤️ والاحداث مؤثره واكشن وكلها شوق ولهفه 😔❤️
