عند عبدالله اللي توه ينزل الكورنيش .
وصل عبدالله ل عند جلستهم وسلم عليهم
وجلسوا يسولفون وجلسه يالله لك الحمد ماتنمل
حصه: ي اخي ماتحسون ب جوع؟
ابتهال: انتي اهم شى عندس كرتشك
عبدالله: خلوها خلوها عشان تقوي عضلاتها بالأكل
رعد : اصلا وش فيه احلى من الاكل بذا الدنيا
مسعود : اقول اسكت انت ي ابو كرش انا ماابي بنتي مكرشه مثلك
الكل ضحك على رعد وقالت ابتهال : هيه عاد انت وياه حدكم عاد الا رعد
رعد :اي اي كفو ي عمه اجلديهم
سامي : هاه شوفوا وش تبون عشان وانا بجيبه
وطبعا مشاورات ومناقشات العشاء اللي ماتخلص
-------------------
عند هيام اللي اخيرا خلصت من شغل وترتيب السكن
دق الجرس📌 وكانت هاذي اللحظه المنتظره عند هيومه
فتحت الباب لصديقتها ( ابتسام الزهراني )
هيام : هلا والله ي قلبي نورتي مكانك
ابتسام ابتسمت بحرج: النور نورك ي قلبي
هيام : حياك ادخلي
دخلت ابتسام وضيفتها هيام بالقهوه والمعمول اللي كانت جايبتها من السعوديه
هيام : اقول ابتسام ان شاء الله أنك مرتاحه
ابتسام : ريحي حبيبتي كل شى عندي بس يبيلي فتره اتعود
هيام : ابد خذي راحتك انا بقوم استلم الغداء
(قامت هيام وجابت الغداء وتغدو وقامت ابتسام ترتب أغراضها وهيام راحت تنام شويه بعد يوم طويل ومتعب)
------------------------------------------------------
في بيت عبدالله
دخل ممدوح وشم ريحة اكل يحبه دخل المطبخ ولقى امه حايسه بالشغل
دخل وحب راسها : اقول يمه وش طابخه اليوم على العشاء
ام مطلق : طابخه البرياني اللي تحبه
دخل هايف : تسلم لي يدك ي يمه
ام مطلق : الله يسلمك ي حبيبي
بس دق على ابوك شوف بيتعشى معنا ولا لا؟
هايف : ابشري
راح هايف برى يدق على ابوه ومارد !
رجع لأمه بالمطبخ: مايرد
ام مطلق : خلاص اجل بحط العشاء ونتعشى
فرغت روان الاكل ونقلوه للسفره بمساعدة بناتها
جلسوا يتغدون ويسولفون دق جوال ممدوح وكان ( ولد خالته )
ام مطلق : ممدوح شوف جوالك يدق يمكن ابوك
طالع ممدوح بالجوال لا ي يمه هاذا سلطان ولد خالتي
رد ممدوح
الو السلام عليكم
سلطان : هلاوالله وعليكم السلام
امك وينها
(ممدوح هينا حس اني فيه شى من صوته وسؤاله المباشر عن امه ف قام وطلع برى )
سلطان : الو؟
ممدوح : معك معك امي عندي ليه تبي شى
سلطان : اسمع بقولك موضوع صح انه ثقيل على لساني بس لازم اقوله وكلنا نتقبل هاذا شى وهاذي سنة الحياة
(ممدوح دق قلبه بسرعه وهو اول شخص مر على باله ابوه اللي طالع من الظهر وجواله مغلق )
ممدوح : سلطان اخلص قول من اللي مات بدون مقدمات
سلطان : اا خالي زايد
ممدوح : ايشششش!!!!!
سلطان : توفى اليوم بجلطه بالقلب ممدوح انت لازم تهدأ وتبلغ اللي عندك بطريقه غير مباشره لاتفجعهمم
ممدوح : خلاص خلاص فمان الله
( ممدوح اللي حاول يقوي قلبه ويدخل من دون مايتكلم ايلين مايخلصون العشاء )
ميس : ممدوح فيك شى ؟
ممدوح اللي فيه غصه : لا
ام مطلق اللي شكت : ممدوح سلطان وش يبي
ممدوح ضحك ضحكه تسليكيه عشان يطمنهم بس : يبيني اصور له اللوحه حقت سيارتي عشان يشيل المخالفه اللي علي 😥
كملوا عشاهم وطلعوا يتكون بالحوش يتقهون دخلت ام مطلق بتجيب جوالها وترجع لهم وهي اساسا اللي قلبها قارصها من اول م صحت راحت تدور جوالها وممدوح اللي اخيرا لقى فرصه انه يعلم اخوانه بالموضوع بس مترددد
-------------------------------------
عند العيال بالكورنيش
قام سامي يجيب العشاء
ابتهال: خل نقوم نمشي عند البحر شوي تعالوا معي
مسعود : انا والله م فيني اقوم ان كان العيال بيروحون معك
حصه: اي اي انا ابغى اصور
رعد : يله قوموا قبل يجي عمي سامي
قاموا العيال مع عمتهم للبحر
مسعود: عبدالله فيك شى ؟
عبدالله : لا
مسعود : مدري احسك متضايق عيالك مزاعلينك بكلمه مضايقتك؟
عبدالله: اه من وين ابدا لك ي مسعود
مسعود: تكلم ي عبدالله قول اللي بخاطرك اسمعك انا
قام عبدالله انسدح على يد مسعود وهو جالس
عبدالله : فارس ي مسعود إلى الآن زوجته م حملت وكلمتهم اليوم بالموضوع وكأنهم تضايقوا وممدوح ممدوح اللي صاير نفسيه ومزاجه يتقلب
مسعود:افا ي عبدالله لاتتضايق ولا تشيل هم وانا اخوك بتيسير ان شاء الله
عبدالله:إن شاء الله 😔
--------------------------------------------------------
في بيت عبدالله اللي كانوا جالسين بالحوش وأم مطلق دخلت تدور جوالها
ممدوح: اسمعوني زين انا ابيكم تساعدوني كيف نعلم امي بدون م نصدمها
ميس: نصدمها ب ايشش!!!
ممدوح : اخ خالي زايد ف ذمة الله
العيال اللي انصدمو: ايشش وش تخربط انت!!!
فهد اللي قام يدور وهو ماسك راسه : إن لله وإنا إليه راجعون لاحول ولا قوة إلا بالله
هايف : امي كيف نعلمها ياربي😭
ممدوح : انا علمتكم عشان تساعدوني
ام مطلق اللي دخلت عليهم : ي عيال جوالي م لقيته دقوا عليه بالله
وشافت وجيههم متقلبه: ي عيال فيكم شئ ، واللي اول م طرى عليها عبدالله
ابوكم فيه شئ؟؟؟
شافت محد رد عليها وكانت تصايح : ردوا علي لاتفجعوني
قام ممدوح
وجلس امه : يمه تعوذي من ابليس وهاذي سنة الحياه وكلنا ماشيين بهالطريق
ام مطلق وهي منهاره:علموني من؟؟
فهد: خالي زايد الله يرحمه
ام مطلق اللي طاحت من طولها واغمى عليها
قامو العيال يركضون يشيلونها وفهد يدق على الأسعاف
وميس اللي ركضت تدق على ابوها لكن للأسف م فيه رد .
اتمنى ان البارت يعجبكم ي حبايبي ♥️
اكتبوا لي كومنت يسعدني ويحمسني🔥😭
أنت تقرأ
هزتني دموعك يامتعب وانا اللي مايهزني جبل💔😔
Rastgeleروايه تتحدث عن اشخاص قد تضحك لهم الدنيا ويصير اللي يبونه او ينعكس كل ما كان في بالهم متعب بتدور الدنيا فيه وهيام بيصير لها تاثير على العالم وعلى عمانها واخوانها وممدوح اللي بيعيش اصعب ايامه ❤️ والاحداث مؤثره واكشن وكلها شوق ولهفه 😔❤️
