في بيت عبدالله
صحت روان وصحتهم كلهم عشان ينزلون للفطور
ميس اللي شكت ان فيه شى بين ممدوح وهيام
ودخلت غرفه ممدوح اول مادخل يتروش وخذت جواله وحاولت اكثر من مره انها تفتح الرمز بس للاسف مو راضي يضبط
ميس: افففف كم حاط رمزه ذا
بعد محاولات فاشله قررت تطلع من الغرفه وتنزل تفطر
عبدالله : بدري كان ماجيتي افضل
ميس اللي ارتبكت : هاه لا مافي شى بس على ماصليت وكذا
عبدالله: ممدوح وينه
فهد: يبه امس كلمت ممدوح وطلع خويه تعبان عشان كذا امس كان مرتبك ومعصب
عبدالله: واللي خويه تعبان يروح يزوره ولا يمد يده على اخوانه ؟!
روان : خلاص سمو بالله واكلو
كملوا كلهم ياكلون بهدوء تام ونزل ممدوح وجلس معهم بدون ولا كلمه
عبدالله اللي عطاه نظره خلته صدق يرتبك وهو اللي مايبي يهاوش مع الصبح
--------------------------------
نروح لبيت سامي اللي مايخلي سلمى ترفع المنديل الواحد
صحت سلمى وصحت سامي
سلمى : سامي يله قوم سو الفطور بموت جوععع
سامي : همم طيب شوي بس
سلمى : ترى بقوم انا اسويه
سامي فز من مكانه : خلاص خلاص بغسل واجيك لا تسوين شئ ريحي
سلمى : ههههه يله سريععع
سامي قام يغسل وتوجهه للمطبخ
-----------------------------------------------
نرجع لبيت مسعود
هيام اللي تنتظر ابوها على احر من الجمر واول مادخل
هيام : زين انك جيت يا يبه جتني رساله ان رحلتي قدموها وصارت شوي الفجر
مسعود: افا بتروحين بهالسرعه
هيام : ابدا ماتوقعت انها ممكن تتقدم
رعد : يعني شوي بتروحين؟!!!
هيام اللي فيها غصه : ايوه
حصوص اللي من الصدمه واقفه ماتقدر تقول شى
و جابت الخدامه السفره وجلسو كلهم محد له نفس ياكل كلهم يفكرون ب هيام كيف انهم شوي بيودعونها وماراح يشوفونها الا بعد ٦ سنين يعني ابدا مو معقول
--------------------------------------------------------------------
نروح لبيت متعب اللي عيونه ماتغفى ابدا وهو يفكر بموضوع التعويض واخوانه وكيف يطلب منهم عشان ياكل عياله
افنان : متعب وش بتسوي
متعب : والله مدري راسي لف
افنان : متعب تكفى كلم اخوانك
متعب اللي بدت تنزل دموعه : والله مابيديني شئ اسويه ابد انتي عارفه الوضع اكثر مني اخخخ لو اقدر اعدل كل شى واراضي اخوي مسعود
افنان على طول قامت وحضنته
كان متعب زي الطفل بيدين افنان كان يبكي زي الاطفال وهو مابيده حيله
------------------------------------------------------
نروح لبيت فارس
اللي عايشين حياتهم هو وربى ولا عليهم من احد ابدا
فارس : حبي
ربى: عيوني
فارس : تعالي اجلسي جنبي ابيك عندي
ربى : انا دايم جنبك وبقلبك ولا فيه شك؟😂
فارس: ابدا مافيه شك طيب وش كثر تحبيني
ربى : لو بتكلم ماراح اوقف ابدا
فارس : اجل قومي تجهزي بنطلع نتغدا
ربى اللي باسته: ابشرر
---------------------------------------
الوقت كان يمشي بسرعه وصارت الساعه ٩ وهيام وكانت لازم تكون بالمطار الساعه ١١ مسعود بلغ اخوانه وخواته عشان يجتمعون وويدعون هيام مع بعض
هيام نزلت تحت وشافت رعد وحصوص وابوها تحت ونادت الشغاله تنزل شناطها وكانت تودعهم واحد واحد ومع بعض للتوصيات
تقدمت ل رعد : اسمعني ي رعد الحين انا بسافر وانت اللي بتصير رجال البيت بغياب ابوي وانت المسوول مع ابوي خلك دايم معه ولا تتعبه ساعده بكل شى يقولك
رعد وهو يبكي : ابشري ( وسلم على راسها )
وراحت لحصوص وحضنتها : حصوص انتي الحين كبيره وتقدرين تعتمدين على نفسك واذا بغيتي شى تقدرين تكلميني
حصوص ودموعها على وجهها : اففف يعني مصره تروحين تكفين خليك
هيام : عجزتي تفهمين
وراحت لابوها : عاد انت اللي توصيني مو انا
مسعود على طول طاحت دموعه وحضنها : ي قلبي والله الله يصبرني على فراقك انتبهي لنفسك ولدراستك وكلميني كل شوي
هيام اللي سلمت على راسه وطلعو كلهم برى ولقت عمانها وعيالهم وحريمهم وبناتهم وعماتها وبناتهم برى عشان يسلمون عليها وكان الجو هواء ومطر قوي
سلمت عليهم كلهم ووقفت بينهم
وقال عمها عبدالله : في ليله وداعك حظر المطر ماشاء الله
قال عمها سامي : اخخخ حتى المطر يودعك
وكلهم بكوا في هاللحظه
هيام اللي حضنت ابوها وعماتها كلهم مشوا بس باقي عمانها
وطلعت برى ووقفت سياره كامري اسود ونزلت منها منيفه
منيفه: اخخ معقوله بعد هالسنين بنفترق
هيام: باذن الله بيننا تواصل ولا يفرقنا الا الموت
وبكت هيام بحضن منيفه
طلعوا عمانها ورفعت هيام بيدها ودموعها على وجهها وقالت : استودعتكم الله يااهلي استودعتكم الله يااهل الشرقيه استودعتكم الله يالسعوديه بكبرها
انا بمشي الحين وبيننا تواصل باذن الله
كانوا واقفين كلهم والمطر غرقهم و كل واحد ركب سيارته ومشى
وهيام ركبت مع ابوها وتوجههو للمطار
هيام : يبه افتح الشباك ريحه المطر ترد الروح
مسعود : ابشري
فتح الشباك على ماوصلوا المطار نزلت شناطها وسلمت على ابوها
هيام: مع السلامه يا يبه
مسعود: استودعتك الله ي قلبي
راحت هيام وركبت الطايره ونزلت ستوري بالسناب
وركبت عليها اغنيه :
فمان الله يامسافر
عسى الله يسمح ادروبك
وترجع بالسلامه
فمان الله يامسافر
عسى الله يسمح ادروبك
وترجع بالسلامه
علقت عليها ميس : وربي بنفقدك
قفلت هيام جوالها وسندت ضهرها على الكرسي تبغى تريح شوي لان الرحله طويله مرههه (عاد تعرفون هاللحظه وبذا الوقت يجيك اقوى فلاش باك 😣)
---------------------------------------------------------
نرجع لبيت مسعود
كان الوضع انهيار
دخل مسعود وشاف حصه ورعد اللي كانو جدد منهارين
في هاللحظه دخلت عمتهم حصه
حصه: وين هيام ولا ماتبي تسلم
قام رعد : هيام قد مشت
حصه بتشميقه : احسن خلها تذلف وبعدين انت وياها خير منهارين ترى اشغلتونا عاد لو قلنا تبكون على ابوكم بنقول ممكن بس هيام !!!! صدق مدلعين ؛ انا بمشي
مسعود " فمان الله
(حصه كانت تكره هيام وشارهه عليها من يوم ماتطلقو كل هاذا عشان هيام اختارت تكون مع ابوها )
مسعود : رعد سكر الباب والدرايش الجو بارد مع المطر
رعد : ابشر
طلعوا كلهم لغرفهم صح ان مافيهم نوم بس كل واحد يبي يريح وببكي براحته
-------------------------------------------------
نروح لبيت متعب
افنان شافت ستوري هيام ورفعت راسها لمتعب : متعب هيام مشت
متعب اللي اساسا كان متردد في روحته
لبيت اخوه مسعود : اجل اخليها بعدين
افنان: براحتك ، تعال الحين نروح ننام
----------------------
بعد رحله طويله ومتعبه وصلت هيام بريطانيا وتحديدا لندن 📍
نزلت هيام من الطياره وعلى طول راحت الجامعه واستلمت السكن فتحت الباب
هيام : افف مو معقوله فاضي
كان السكن منجد فاضي مافيه ولا شى والسكن كان كل طالبتين مع بعض يعني هيام ملزومه تاثث الغرفه لها ولزميلتها نزلت هيام السوق
وطلبت سريرين ودولاب واحد وكومدينه ومكتب للدراسه وتلفزيون ودولاب للمطبخ ونزلت السوبر ماركت وشرت مواد غذائيه طبعا اول شى اخذته المنقذ الوحيد الاندومي الشى اللي كثرت منه : اهلا بالمنقذ بفطر واتغدا واتعشى اندومي 🤣
طلعت للسكن ولقت كل شى جاهز رتبت ملابسها والاشياء اللي شرتها وانسدحت تنام
---------------------------------------------
في بيت عبدالله
عبدالله: الله يستر عليها والله جد بنشتاق لها
روان : اي والله عاد الله يوفقها
الكل : امين
روان : عبدالله وش اكثر شى تحبه ب هيام ؟
عبدالله : اممم اكثر شى احبههه
روان : بسرعه
عبدالله : كل شى احبه فيها بس اكثر شى ضحكتها
ميس : ومن مايحب ضحكتها
الجوري : اي والله لبى قلبها
روان : كنت احس بس انا اللي احب ضحكتها واحب عنادها بعد
الكل :ههههههههههههههههه
عبدالله : يله يله قومواا نومممممم
ميس : اصلا انا من اليوم مستغربه ان ابوي مخلينا لذا الوقت
--------------------------------------------------------
انتهى هاليوم الحلو عندهم كلهم وعند هيام اللي اول ماانسدحت دخلت بغيبوبه تعب ننتظر بكره ونشوف مسعود وعياله كيف بيتأقلمون على الوضع بدون هيام وكيف وضع هيام باول يوم لها ببريطانيا 📍
(حبايبي لاتنسون تصوتون للبارت وتفاعلو بكومنت احبكممم حاولت اطول البارت قدر الامكان احبكم ♡)
أنت تقرأ
هزتني دموعك يامتعب وانا اللي مايهزني جبل💔😔
Randomروايه تتحدث عن اشخاص قد تضحك لهم الدنيا ويصير اللي يبونه او ينعكس كل ما كان في بالهم متعب بتدور الدنيا فيه وهيام بيصير لها تاثير على العالم وعلى عمانها واخوانها وممدوح اللي بيعيش اصعب ايامه ❤️ والاحداث مؤثره واكشن وكلها شوق ولهفه 😔❤️
