انتَ أول ضِيم يچوُيني وأريدة !
أكتوبر المرجان 18
بقلبي الكاتبه ايه
صوتوو وعلقوو بين فقراات
...........
تالا: بعد ما فتحت عيني اذكرت توفو بابا وماما ونزلت دمعتي ضليت ابجي اريد اروحلهم شلعت الكانونة مـــِْن ايدي وردت اكوم دخت ولزمتني ميار وميلار
ميار:اهدي حبيبي لاتوجعين قلبي عليج كافي الي صار
ميلار بدموع: تالا فدوه القلبج لاتعوفينا
تالا: بابا وماما وين..؟!
ميار: ديفحصون جثثهم والضباط داتشتغل وتحقق على الحادث
تالا:وشصار وصلو لشي
ميار وميلار:للاسف لٱ
تالا: اريد اروح اشوفهم خاف مو همه حبابات عوفني
ميار:بس خل نشوف ضغطج صار عندج هبوط وتشوفيهم
تالا:بعد ماصاحن الممرضه ضغط شويه بي هبوط لآزٍمٍ ارتاح
ماريد ارتاح اريد اشوف بابا وماما....عاندتهم وكمت والدوخه وغواش بعيني كوة اشوف...
وصلت لغرفه مكتوب عليها ثلاجه الموتى وكفت يم الباب ماعندي الشجاعه اشوف جثتهم ومر عليه شريط حياتنه وضحكنا وسوالفنا وحنيتهم علينا... ااااخخخخ يا بوية كسرتوني شسوي هسه حملتوني مسوؤلية خواتي الاثنين ااااخخخخ...
حسيت ع ميار تحضني وهيه تبجي
ميار:تالا صيري قويه علمودنا حبابه مانكدر نخسرج فدوه القلبج اسندي نفسج ودخلي اتاكدي همه لولا مابيه حيل بعد اريد اتاكد
تالا بدموع: تمام راح ادخل... جمعت طاقتي وجسمي ڱڵـه يرجف وادعي موهمه...
دخلت والدكتور طلع جثتين مـــِْن الثلاجة حتى اتاكد فتح الغطاء عنهم وياريت مافاتح...
انصدمت مـــِْن الي صاير بوجهم اثار الحادث مشوهه وجهم..
بعد مابيه حيل اسند نفسي والرجفه لزمتني وكعدت بالكاع وابجي
الدكتور:البقيه بحياتج صيري قويه لخاطر خواتج لاتضعفين اذا انتي ضعفتي منو الهن بعد
تالا:وكفت الزم وجهه امي وابوس بيها..
ليش هيج اسوين بيه يمة ليش كسرتيني ماكلتي بعد بناتي منو يدللهن منو يسمعهن اذا انتو رحتو منو يقوينا ويدعيلنا ليش هيج هنه عليكم حتى تعوفونا بهالسرعه..
مو ردتي اشوفينا واحنا عروسات وبالبدله البيضه وتفرحين بينا..
مو ردتي اشوفين احفادج ليش استعجلتي ورحتي ليشششش يمةةةةةةة..
عفتها ورحت يم بابا حضنته...
بابا حبيبي ليش مو كلت اله بناتي محد يكسرني اشو كسرتنا بموتك
موكلت ابقه وياجن سند وماخلي شي ياذيجن..
ليش رحت من وكت وعفتنا..هيج انطاك قلبك تعوف حبيباتك وتروح...كوموووو نرجععع سوههه للبيت والله البيت بدونكمم ضلمةةة اااااخخخخ يااااكسرررتييييي ليشششش...
ميلار: اني بقيت واكفه باب الغرفه وماسمع بس صرخات تالا تاكدت همه بعد ماسيطر على جسمي وانهد حيلي وكعدت بالكاع ابجي وميار حضنتني وتبجي وياي...
شوية وطلعت تالا ساندها الدكتور لان منهاره كلش
أنت تقرأ
أكتوبر المرجان 18
Misteri / Thrillerلَم اكن طفلاً عادياً الذي كَبر بين الضجيج والخوف سيبقى طفلاً حَتى لو اصبح عمره ثلاثون عاماً قد هزمتني الكثير من الأشياء وبعثرتني وكسرني من رأيته لي أمان وقد رأيت الخوف وقت بت خوفاً لا سعي لغداً كل العالم يريد اسقاطي لكني مازلت واقفاً برجلين هزيلتين...
