♡♡♡♡♡♡_♡♡♡♡♡♡♡♡
•
•
•
•
هند: وصلنا للدار بعد المغرب انا طلعت ديراكت لشومبرتي بدلت لبست بيجاما ديكوتي مع بونتاكوغ هبطت للكوزينة قلت كشما ناكل كليت طعام في دار جداتي ما يشبعش فتحت فريجيدار ونغني سخنت ڨراتان وفرغت كاس كوكاقعدت ناكل حتى نسمع في ماما تحكي ف تلفون تقول لخالتي عائدة...
ام هند: ربي يهديك عائدة هاي هذي وصية بلغتهالك من عند يما وانتي دبري راسك ويمينة راها مريضة تحبي الصح انا عمري لا كرهت ختي ولوكان ما حاوزتنيش هي من دارها والله ما نسمح في ختي تبقى هي الكبيرة ومن حقنا حنا نرضوها ...
حكات ماما وحد ساعة كي سمعتها كملت دخلت لصالون لقيتها تمسح في دموعها وقفت عند الباب شافتني
ام هند: سقسي خوك لا ياكل سخنيلو...
كنت راح نسبو ونقولها يسخن ولا يتهرد منبعد غاضتني ماما كي شفت دموعها قلتلها هيه دوك نروح نسقسيه
هند: ماما وانتي تاكلي؟
ام هند: لالا حمد الله راني شبعانة درت بخاطر ماما جيت مور الباب...
هند: منصف نسخنلك تاكل.
منصف: راني شبعان يا لفعة روحي عاودي غير انتي
هند: صحا..
وجيت راجعة لماما انا نقول في قلبي ، تفوووووو يا لبعير تاكل رهجوج ...،
رحت لماما....
هند:ماما راه شبعان عنقتها وقلتلها علاش تبكي؟؟
ام هند: اسكتي عليا انتي
هند: مامااااااااا قولي واشبيك مع خالتي يمينة ..
ام هند: الله غالب دنيا فرقتنا
هند: صحا مشكل بينك وبينها؟!
ام هند: لالا مشكل مخلط خلي نهار خلاف نحكيلك
بستها من راسها وزدت عينيها. وخدودها
هند: ماتبكيش ماما مانحبش نشوفك تبكي وانا عينيا حمورا ماحملتش نشوف ماما تبكي ناضت ماما
ام هند: نروح نصلي وانتي غسلي لماعن ومانسمعش نداب على لويفي هاني نخرج في نص ليل ونفضحكم
هند: صح ماما. لعزيزة
غسلت لماعن بزربة وطلعت لشومبرا فتحتpc كنت باغية نتفرج حب أعمى وصلت للحلقة52 نهار كمال يتلاقى مع نهال عند جدار رسم وهذيك طفلة صغيرة تقولها أ ليس هذا الذي كنتي تبكين عليه مدة خمس سنوات؟؟
اااااي ڨليع قلبي نحبوووووووو كمال لقيت اشارة تع كونكسيوووون صفرة😢 هزيت روحي وطبطبت عند منصف
منصف: واااششش..
هند: ابلاصي ويفي نتفرج مسلسل!!!!
منصف: ماكاش ارقدي هكذا تترباي وتعرفي واش تلبسي!.
هند: تعيش منصف والله ما نعاودها..
منصف: طبطب مانيش طنح مالفين بقوالبك..
هند: تعيش!!!
منصف: تروحي ولا نجي ****
رحت لشومبرتي نبكي ونسب لا نجي، رحت لشومبرتي نبكي ونسب فيه
.
. ..................... .
أنت تقرأ
ولد خالتي💛🌼 (باللهجة الجزائرية🇩🇿🇹🇳🇲🇦)
Romanceاليوم جيتكم بوحد الكروووونيييك روووعة 😋😋غير الضحك 😂 . اثارة💕حب😎تشوييق💜💜 نخليكم مع الكروونيك تفاعللو حبيباتشي😌💘💘
